پاکستان شملہ معاہدہ ختم کرنے لگاہے

سیدعلی گیلانی نے عمران خان کو اپنے خط میں لکھا ہے : بے شک انڈیا کی طرف سے کشمیر کی متنازعہ حیثیت تبدیل کرنے پر اقوام متحدہ میں آپ کی تقریر قابل تعریف ہے. بھارت کی جانب سے کشمیری عوام مسلسل کرفیو جھیل رہی ہے،کشمیریوں کو گھروں سے بے دخل کرنے کےلئے نوٹسز جاری کئے جارہے ہیں ۔خواتین کو ہراساں کیا جارہاہے، اقوام متحدہ کی قراردادوں کی کھلم کھلا خلاف ورزی ہو رہی ہے۔

ان غیر قانونی اقدامات سے بھارت نے پاکستان سے ہوئے معاہدوں کو ختم کیا ہے،کشمیر کی سیاسی حیثیت ختم کرکے کشمیریو زمین زبردستی چھیننا چاہتا ہے، ایسے میں پاکستان کی طرف سے کچھ مضبوط اور اہم فیصلوں کی ضرورت ہے۔ اس ضمن میں عمران خان شملہ معاہدہ ختم کرنے پر غور کر رہے ہیں ۔ شملہ معاہدہ میں ایک شق ہے کہ کشمیر پرجو بھی مذاکرات ہونگے وہ صرف بھارت اور پاکستان کے درمیان ہونگے کسی تیسری طاقت کواس میں کسی طرح کا کوئی کردار ادا کرنے کی اجازت نہیں ہوگی ۔ پاکستان شملہ معاہدہ ختم کرنا چاہتا ہے کہ یہ شق بھی ختم ہو ۔ کشمیر کا معاملے میں چین یا امریکہ ثالث کا کردار ادا کر سکے ۔