علی روئی ۔ حصہ اول

علی روئی

حصہ اوّل

اخذ کار:منصور آفاق

آغازیہ

یہ ایک چینی کہانی ہے جسے میں نے ترجمہ کرتے ہوئے پاکستانی کہانی بنانے کی کوشش کی ہے۔ اگرچہ یہ بات ترجمہ کرنے کے بنیادی اصول کے خلاف ہے مگر میں سمجھتا ہوں کہ تخلیقی عمل قواعد و ضوابط کا پابند نہیں ہو سکتا۔ اس میں تہذیبی اور ثقافتی سطح پر تبدیلیاں کی گئی ہیں کیونکہ میرے نزدیک یہ کہانی عام لوگوں کےلئے ہے۔ ویسے میں یقین رکھتا ہوں کہ اسے خواص بھی پڑھیں گے۔ مجھے یاد ہے جس زمانے میں ابن صفی عمران سریز اور جاسوسی دنیا لکھا کرتے تھے تو بڑے بڑے اس کی کتابیں لوگوں سے چھپ کر پڑھا تھا۔ میرا ایک عزیز جو ایک کالج کا پرنسپل تھا اس نے مجھے خاص طور پر کہہ رکھا تھا کہ جیسے ہی ابن صفی کا نیا ناول آئے تو اس کی کاپی میرے لئے بھی خریدنا مگر بتانا کسی کو نہیں ۔یہ کہانی جاسوسی کہانی نہیں۔ اسے داستان امیرحمزہ یا طلسمِ ہوش ربا کے قبیل کی کہانی کہا جاسکتا ہے۔ میں یہ بات تسلیم کرتا ہوں کہ انسانی زندگی سے اس کہانی کا تعلق اس طرح نہیں جس طرح ادبی کہانیوں کا ہوتا ہے مگریہ انسانی عظمت کی داستان ہے۔ یہ اس بات کا قصہ ہے کہ انسان کس حد تک عظیم ہو سکتا ہے۔ وہ کیسے دیوتائوں کو اپنے پائوں تلے روند سکتا ہے۔ اس کے عزم و ہمت کے سامنے لافانی مخلوقات کیسے زوال پذیر ہوسکتی ہیں۔ وہ موت کو کیسے شکست دے سکتا ہے۔ مجھے یقین ہے کہ علی روئی کا کردار اسی طرح زندہ رہے گا جیسے عمران سیریز کے علی عمران اور جاسوسی دنیا کے کرنل فریدی کا کردار کبھی مر نہیں سکتا۔ جیسے عمرو عیار دماغ میں ثبت ہوکر رہ گیا ہے۔ یہ کہانی جس لینڈ سکیب پر بُنی گئی ہے وہ بھی نیا ہے۔ اس کا صرف تصور کیا جاسکتا ہے، جاگتی آنکھوں سے نہیں دیکھا جا سکتا۔ اس کے کچھ حصے ہماری قدیم مافوق الفطرت لوک داستانوں سے ضرور ملتے جلتے ہیں مگراس کا زمانہ ہمارا زمانہ ہے۔ میں قطعاً یہ بھی نہیں کہہ رہا کہ اسے علامتی سطح پر دیکھنے کی کوشش کی جائے مگر دیکھا بھی جاسکتا ہے۔ کیونکہ پڑھنے والے کا ایک اپنا دماغ ہوتا ہے۔ وہ ہر کہانی اپنی سطح کے مطابق پڑھتا ہے اور اسی طرح کے مفہوم اخذ کرتا ہے۔ جہاں تک مجلس ترقی ادب کی طرف سے اس کہانی کی اشاعت کا تعلق ہے تو اس ادارے نے اس کہانی کو اس لئے بھی شائع کیا ہے کہ یہ بہت زیادہ فروخت ہونے والاناول ثابت ہوسکتا ہے اور مجلس ترقی ادب کو کچھ ایسی کتابوں کی اشد ضرورت ہے جوہزاروں کی تعداد میں فروخت ہوں۔

منصور آفاق

پہلا باب

ایک اوردائرے میں گرا ہوا آدمی

انسان کائنات کی خوفناک ترین مخلوق ہے

یہ بریڈ فورڈیونیورسٹی کیمپس کا منظر ہے۔اوپن ایئر باسکٹ بال کورٹ میں بہت سارے سامعین جمع تھے۔ علی روئی نے منگول اور سائمن کو حیرت سے دیکھا کہ یہ بھی یہاں موجود ہیں ۔علی روئی فوراً۔آگے بڑھا اور کہا:

’’تم دونوں۔۔۔‘‘۔

منگول نے صرف طنزیہ نظروں سے اسے دیکھا۔علی روئی یہ دیکھا رویہ قدرے غیر آرام دہ لگا۔پیچھے سے آواز آئی، چن روئی نے پنڈال کے دوسرے آدھے حصے کی طرف دیکھا، کوئی اسے مائیکل اشارہ کر رہا تھا۔وہاں مائیکل کے علاوہ! رافیل اور گبرائیل بھی موجود تھے۔ علی روئی نے سوچا کہ انہیں یہاں نہیں ہونا چاہئے تھا ۔ جیسے ہی کھیل ختم ہوا ۔ مائیکل کورٹ سے نکلا اور اس نے علی روئی کو بازور سے پکڑ کراپنی طرف کھینچ لیا۔اسے اندازہ ہو چکا تھا کہ وہ ناراض ہے ۔ کہنے لگا ۔تمہارا موڈ یونہی خراب ہے ۔مگر علی روئی خاموش رہا۔وہ چلتے ہوئے لائبریری میں آ گئے جہاں بہت سے طالب علم موجود تھے۔علی روئی بولا:

’’اچھا کیا یہاں لے آئے ہو ۔مجھے الہیات کی تاریخ اورابدی زندگی پرکچھ کتابیں ضرورت تھیں‘‘۔

گبرائیل نے اونچی آواز میں کہا:

’’ابھی یہ پاگلوں والاخیا ل تمہارے دماغ سے نکلا نہیں؟‘‘۔

علی روئی غصے سے بولا:

’’ میرا ساتھ نہیں دے سکتے تو مجھے روکو مت ‘‘۔لائبریری میں اونچی آواز میں چیخنا منع ہے‘‘۔

اس کے پیچھے ایک لاتعلق خاتون کی آواز آئی، علی روئی کچھ کتابیں لے کر ایک میز پر آکر بیٹھ گیا۔ آس پاس کے طلبہ اٹھ کر چلے گئے۔ رفتہ رفتہ ارد گرد بیٹھے ہوئے طالب علم اٹھ کر جانےلگا ۔ رافیل آیا اور گبرائیل سے کہنا لگا:

’’یہاں کیوں بیٹھے ہو؟، آئو چلیں ‘‘۔

گبرائیل بولا :

’’یہ ہمارا اچھا بھلا اوٹاکو پاگل ہو گیا ہے ۔ کہتا ہے ۔ میں نے مرنا نہیں ہے ‘‘۔

رافیل بولا:

’’کیا اس لائبریری میں ہمیشہ زندہ رہنے کا کوئی نسخہ چھپا ہوا ہے ‘‘۔

علی روئی کتاب بند کرتے ہوئےبولا:

’’کچھ پڑھنے نہیں دو گے ۔ افسوس کہ میں یہاں سٹودنٹ نہیں ہوں تمہاری غیر موجودگی یہاں بیٹھ کر پڑھ بھی نہیں سکتا ۔گبرائیل کہنے لگا:

’’ میں کل یہ کتابیں اپنے نام ایشو کرا کے تمہیں دے دوں گا ۔اب ٹائم ختم ہو چکا ہے ۔ علی روئی !چلو پھر گھروں کو چلتے ہیں ‘‘۔

’’گبرائیل تمہیں یہ خیال کہاں سے آیا کہ تم ہمیشہ زندہ رہ سکتے ہو ‘‘۔علی بولا:

’’میں نے اپنے مذہبی کتابوں میں پڑھا ہے کہ خضر نامی ایک آدمی ایسا موجود ہے جسے موت نہیں آتی ۔وہ ہزاروں سالوں سے زندہ ہے جس وقت جہاں چاہے موجود ہوتا ہے ‘‘۔

گبرائیل نے پوچھا:

’’کیا تمہیں اس بات پر یقین ہے‘‘ ۔

علی روئی نے کہا:

’’ہاں اس حوالہ ہماری الہامی کتاب میں موجود ہیں‘‘۔

رافیل بولا:

’’یوں تو ہماری الہامی کتاب میں بھی بہت کچھ لکھا ہے ‘‘ ۔

علی روئی نے تنگ آکر کہا:

’’چلو کل اس موضوع پر بات کریں گے‘‘۔

علی یہ کہہ کر دوسری طرف مڑ گیا ۔رافیل اور گبرائیل دوسری طرف چلے گئے ۔علی روئی چلتے ہوئے سوچنے لگا کہ اس کاشوق منزلِ جنون پر فائز ہوچکا تھا۔ گیمز کا جنون،میوزک کا جنون، فلموں کا جنو ن، سیریز کا جنون، کمپیوٹنگ کا جنون، فوٹو گرافی کا جنون، خاص طور پر موبائل فونز کا جنون آخری پر پہنچ چکا تھا۔ لوگ اسے دور سے دیکھتے تھے اور ’’ اوٹاکو ‘‘ کہہ کرآگے بڑھ جاتے تھے۔ یہ اسے کیا ہمیشہ زندہ رہنے کا شوق پڑ گیا ہے اور یہ بھی جنون میں بدل گیا ہے ۔

جاپانی تہذیب و ثقافت میں ایسے جنونیوں کا یہ تازہ ترین نام ہے۔ دنیا میں ا ن جنونیوں کی بہت بڑی تعداد موجود ہے۔ اس وقت یہ سب سے زیادہ ٹوکیو میں ہیں جہاں ان کےلئے صرف مخصوص لباس کی مارکیٹ کئی ارب ڈالر تک پہنچ چکی ہے مگرعلی روئی چینی تھا۔ جوانی کے جنون گروپ سے متعلقہ چوبیس سالہ علی روئی ابھی تک کسی اچھے روزگار کی تلاش میں تھا۔ کالج سے فارغ ہونے کے بعد اس نے ایک آن لائن سٹور کھولاتھامگراب وہ بند ہونے کے قریب تھا۔ اس کی زندگی مشکل سے گزر رہی تھی۔ وہ ایک ایسا نوجوان تھا جس کے پاس نہ جائیداد تھی، نہ گاڑی تھی اور نہ کوئی گرل فرینڈ۔ دماغ کے ڈاٹ کام کی الماریوں میں صرف خواب دھرے تھے۔

یہ ایک اداس دن تھا۔ کھڑکیوں میں کہیں کوئی چہرہ موجود نہیں تھا۔ ڈیپریشن سے فضابھری ہوئی تھی۔ شام کی ملگجی سی روشنی دپہر میں پھیلی ہوئی تھی۔ وہ ایک سڑک پر چل رہا تھا جو کسی تاریک افق کو رواں دواں تھی۔ اس نے سڑک پر ایک سمارٹ موبائل فون پڑاہوا دیکھا۔ اٹھایاتو ذرا عجیب سا لگا۔ اس فون کا کوئی برانڈ نہیں تھا۔ اس پر کسی کمپنی کانام درج نہیں تھا۔ کوئی لوگو، کوئی مونوگرام کچھ بھی نہیں تھا۔ فون چارج تھا۔ اس نے چیک کیا تو لگا کہ کیمرہ بڑا اچھا ہے۔ اس نے اس غیر متوقع فائدے کو اپنی خوش قسمتی خیال کیااور سوچا کہ کچھ نہیں تو کم از کم اس کیمرے سے وہ بےشمار خوبصورت لمحوں کو اپنی ای البم میں سمولےگا۔ علی روئی نے پاور بٹن آن کیا۔ کیمرےکی سکرین کے درمیان میں ایک چوکور باکس نمودار ہوا جس میں الفاظ ایک قطار میں تحریر تھے۔

’’کیا آپ واقعی یہ کرنا چاہتے ہیں؟‘‘

اس کے آگے ’’ہاں ‘‘ اور ’’ نہیں ‘‘کے نشان بنے ہوئے تھے۔ اس نے ’’ہاں ‘‘ کے نشان پر کلک کیا تو ایک لفظ کی تبدیلی سے وہی جملہ دوبارہ نمودار ہوا۔

’’کیا آپ واقعی ایسا کرنا چاہتے ہیں‘‘؟۔

اس نے ایک لمحہ سوچا کہ یہ کیسے بورنگ آدمی کا موبائل فون ہے۔ بھلا کوئی شخص فون کاابتدائی تھیم ایسا بھی لگاتا ہے؟۔ علی روئی نے زیادہ سوچنے کی ضرورت محسوس نہ کی اور دوبارہ ’’ ہاں ‘‘ پر کلک کردیا۔ یہ الفاظ لکھے ہوئے آگئے۔

’’کامیابی کے لیے مبارکباد! ‘‘۔

ہم آپ کو سپر سسٹم میں خوش آمدید کہتے ہیں‘‘۔

اس کے ساتھ ہی فون کی اسکرین کسی آتش فشاں کی طرح دفعتاًپھٹ گئی۔ علی روئی کو اس حیرت انگیز اور خاموش دھماکے میں اتنا وقت بھی نہ مل سکا کہ وہ ہوش کھونے سے پہلے موبائل فون کو گالی دے سکتا۔ زندگی کی آخری گالی، جس میں ہزاروں ٹرپل ایکس فلمیں کروٹیں لے رہی ہوتیں۔

علی روئی کو معلوم نہ ہوسکا کہ وہ کتنی دیر کےبعد ہوش میں آیا ہے۔ اس نے آنکھیں کھولیں تو اسے سر میں ایک خوفناک درد احساس ہوا۔ پھر اسے یاد آیا کہ وہ کیسے بے ہوش ہوا تھا۔ ہاتھ میں موجود فون کا دھماکہ ذہن میں لہرا یا۔ یاداشت کی سکرین پر الٹی سیدھی تصویریں آئیں۔ کچھ شاٹس آپس میں گڈمڈ ہوئے۔ یعنی ابھی باتیں دماغ میں گڈمڈہو رہی تھیں کہ کسی شخص کی آواز آئی۔

‘‘تم جاگ گئے ہو’’

اس نے آواز کی سمت چہرہ گھما کر دیکھا۔ یہ ایک لمبوترےچہرے والاآدمی تھا۔ جلدسیاہ تھی مگرچہرہ پُرکشش تھا۔ آنکھیں نیلی اور کان نوکیلے تھے۔ کالے بالوں میں بہت تیزچمک تھی۔ مجموعی طور پر وہ ایک منفردآدمی تھا۔ ہوش سنبھالنے کے بعد اس پہلے منظر نےعلی روئی کے ذہنی انتشار کوتھوڑا ساکم کیا۔ اسے سکون کا احساس ہوا۔ خیال آیا کہ دھماکہ اس کا کچھ نہیں بگاڑ سکا۔ جسم میں کہیں درد محسوس نہیں ہورہا۔

اس نے انٹرنیٹ پر بہت سی متحرک تصویری کہانیاں دیکھی تھیں جن میں ہیرو کا کردار اس کا پسندیدہ تھا۔ ولن اسے اچھے نہیں لگتے تھے جیسے ہر نارمل شخص انہیں پسند نہیں کرتا۔ علی روئی نے اسے کہا

تمہارا شکریہ کہ تم نے مجھے بچایاہے۔ کسی کو بچانا ان دنوں آسان کہاں ہے‘‘۔ ’’

اس شخص نے حیرت سے جملہ دھرا دیا۔ ’’میں نے تجھےبچایاہے۔ میں سمجھا نہیں ‘‘۔

پھر اس نے سرگوشی کے انداز میں علی روئی سے پوچھا۔

کوئی غلط چیز کھالی تھی یا غلط دوائیوں کے استعمال سے تم بے ہوش ہوئے تھے‘‘۔

علی روئی سمجھ گیا کہ اسےموبائل فون کے دھماکے کی کوئی خبر نہیں۔ اس کی باتیں اس کی سمجھ میں آرہی تھیں مگر یہ بھی لگ رہا تھا کہ یہ آدمی جو زبان بول رہا ہے۔ اس نے پہلے کبھی نہیں سنی۔ بولنے کے اندازسے لگ رہا تھا کہ یہ زبان اس شخص کی مادری زبان ہے۔ علی روئی کےلئے یہ بات حیرت انگیز تھی کہ اس کی سمجھ میں اس کی زبان کیوں آرہی ہے اور اسے کیوں محسوس ہورہا ہے کہ میں یہ زبان بول سکتا ہوں مگر ساری حیرتیں موبائل فون کے دھماکےمیں دفن ہو گئی تھیں۔ اس شخص سے علی روئی سے کہا

دوست تمہاری شکل بہت متناسب ہے۔ جلد بھی سیاہ ہے مگر ہمارے جتنی نہیں ‘‘۔

الجھنوں سے بھرے ہوئے علی روئی نے ’’ہاں ‘‘میں سر ہلادیا اور اٹھنے کی کوشش کر نے لگا۔ اٹھتے ہوئے جسم میں اتنادرد محسوس ہواکہ وہ اٹھ نہ سکا۔ سوچا کہ دھماکہ اتنا بھی سادہ نہیں تھا۔ اردگرد پر دھیان دیا تو ایک بالکل ہی انجان اور عجیب ماحول دکھائی دیا۔ علی روئی نے اس شخص نے پوچھا

یہ کونسی جگہ ہے؟‘‘۔

علی روئی کو اندازہ نہیں ہو سکا کہاکہ اس کے میزبان کواچانک اس کی کونسی بات بری لگ گئی ہےکہ جوابی جملہ اس کےلیے بہت تکلیف دہ تھا۔ اس شخص نے جب کہا

تم میری گہری سیاہ جلد کا مذاق اڑانے کی ہمت کررہے ہو؟تجھے ہمت کیسے ہوئی اے لعنتی شخص!‘‘۔ ’’

علی روئی نے اس کے لہراتے ہوئے ہاتھ میں بجلی کی چمک دیکھی توکانپ گیا۔ اس کا جسم غیر ارادی طور پر ہلنے لگا اور اسے اپنے وجود سےجلے ہوئے گوشت کی سرانڈآنے لگی۔

اس شخص نےغصے بھرے لہجے میں کسی کو پکارا۔ ایک چھوٹا سا سیاہ سایہ تیزی سے اندر آیا۔ یہ سرخ جلد والا ایک عجیب و غریب سا وجود تھابدصورت سا بالشتیہ۔ اس کے چوڑے منہ میں تیز دانتوں کی دو قطاریں باہر نکلی ہوئی تھیں۔ اس نے آتے ہی کہا :

’’واجب الاحترام حکیم الداس !آپ کا نوکر، آپ کا خادم، آپ کا چلبل آپ کے حکم کا منتظر ہے۔ جی فرمائیے۔ آپ کی عظمت کو سلام۔ آپ اس طلسماتی کائنات میں ڈرگ کے سب سے بڑے ایکسپرٹ ہیں۔ ادویات آپ کے سامنےاپنے اسرار کھول کھول کر رکھ دیتی ہیں۔ جڑیں بوٹیاں آپ کے پاس پہنچتی ہیں تو خود بتاتی ہیں کہ ہمارے خواص کیا ہیں ‘‘۔

’’حکیم الداس کی جے‘‘۔

آواز چاپلوسی سے بھری تھی مگرحکیم الداس کا موڈ بہت خراب تھا۔ وہ اسی غضبناک لہجےمیں بولا:

’’اپنے ڈرامے اپنےپاس رکھ، تونے اسے کوئی غلط دوائی کھلادی ہے‘‘۔

اس نے کہا:

بالکل نہیں۔ میں نے توابھی اسے نمبر3کے سیکشن سے’’سچ اگل دینے والاسیرپ‘‘ دیا ہے۔ آپ کے حکم کے مطابق۔ آپ کا آرڈرمیرے لئے حرفِ آخرہے جس پر عمل رک نہیں سکتا ‘‘۔

’’سچ اگلوانے والی سیرپ۔ میں نہیں مان سکتا۔ ابھی جو طنزیہ الفاظ اس نے مجھ سے کہے ہیں۔ تمہارے خیال میں وہ سچ ہے۔ وہ دوائی پی کر کوئی نہیں پوچھ سکتا ہے کہ یہاں جگہ کیا ہے۔ حکیم الداس کی لیپ میں حکیم الداس سے یہ سوال کرنے والا۔ اور وہ بھی ایک انسان‘‘۔

حکیم الداس کے خوفناک لہجے سے چلبل کو ٹھنڈا پسینہ آ گیا تھا۔ وہ خاموش رہا۔ اسے لگا کہ لفظ منہ سے نکلے تو موت کے گولے کی طرح واپس آئیں گے۔ حکیم الداس چلبل کی آنکھوں میں جھانکتے ہوئے بولا:

جاؤ اس شخص کے جسم سے خون کی پوری بوتل نکالو اور اسے چھ نمبر دوائی پینے پر مجبور کرو‘‘۔

چلبل کو خون نکالنے کےلئے آتے ہوئے دیکھ کر علی روئی کا دل خوف سے بھر گیا۔ وہ مزاحمت کرنا چاہتا تھا لیکن اس کا مفلوج جسم دماغ کے حکم پر عمل نہیں کررہا تھا۔ چلبل جیسے ہی علی روئی کےقریب پہنچا تواس نے بلیڈ کی بجائے تیز ناخن سےعلی روئی کے بازو پر لکیر کھینچی۔ گرم خون فوارے کی طرح نکلا۔ چلبل کی ننھی ننھی آنکھیں چمک اٹھیں۔ اس نے شیشے کی خالی بوتل کو زخم پر لگا دی۔ بوتل کا سائز بھی کوئی چھوٹا نہیں تھا۔ بوتل بھرنے لگی۔ آہستہ آہستہ خون سے پوری بھر گئی۔ چلبل نے زخم سے بوتل ہٹائی اور اپنی زبان لگا دی اور زخم صاف کرنے لگا۔ چہرے سے لگ رہا تھاکہ اس نے کوئی آسمانی شربت چکھ لیا ہو۔ اس کی زبان میں کچھ ایسا اثر تھا کہ زبان پھیرنے سے خون بہنابند ہوگیا۔ خون نکلنے کی وجہ سے علی روئی کا جسم ٹھنڈا ٹھار ہو گیا۔ جیسے بلڈ پریشر انتہائی لو ہوگیا ہو۔ اسے ہلکا سا سردی کا احساس ہوا مگر وہ ابھی تک اپنےاندر پوری توانائی کے ساتھ زندہ تھا۔ سوچ رہا تھا کیااس کےجینزمیں کوئی ہمیشہ رہنے والےکوڈ درآئے ہیں۔

چلبل نے خون والی بوتل لیب کی ایک الماری میں رکھی اوردوسری الماری سےچھ نمبر کی دوائی نکالی اوربغیر کسی ہچکچاہٹ کے علی روئی کے منہ میں ڈال دی۔ دوائی کا رنگ نارنجی تھا، ذائقہ بھی برا نہیں تھا مگر اثر خوفناک تھا۔ تھوڑی ہی دیر میں علی روئی کے پورے جسم میں درد ہونے لگا۔ اسے اپنی جلد کا ایک ایک سنٹی میٹر پھٹتا ہوامحسوس ہوا۔ وہ پہلی بار کسی ایسے درد سے دوچارہوا تھا سو چیخنے اور کراہنے کے سوا کچھ نہیں کر سکتا تھا۔ علی روئی کے چہرے پر درد کی بڑھتی ہوئی شدت حکیم الداس کے لئے باعثِ تسکین تھی۔ اس نے اطمینان سے سر ہلایا۔ اسے معلوم تھا کہ یہ بہت موثر دوائی ہے۔ اسے یقین تھا کہ علی روئی ابھی اس کے سامنے سچائی اگل دے گا۔ حکیم الداس کچھ دیر تک انتظار کرتا رہا مگر اسے علی روئی کی چیخیں سنائی دیتی رہیں۔ وہ ان چیخوں سے تھک گیا تو اس نے چلبل کو آرڈر دیا۔

’’چلبل ! اسے نیچے تہہ خانے میں لے جاؤ۔ اس کا دھیان رکھنا ہے۔ حفاظت کرنی ہے، مرنے نہ پائے۔ ہاں اسے ایک رات ضرور بھوکا رکھنا، میں نے اس پر ابھی کئی تجربات کرنے ہیں۔ ہاں اگر کسی دن میرے کسی تجربے کے دوران مر گیاتو پھر تم اسے کھا لینا،اس کے گوشت کی جیسی چاہے ڈش بنا لینا۔ مجھے کوئی اعتراض نہیں ہوگا۔ سنا ہے انسانی دماغ بہت لذیذ ہوتا ہے‘‘۔

چلبل یہ سن کر بہت خوش ہوا اور اس کی شان میں رطب اللسان ہوگیا۔ اس نے زبان سے ہر حرف ِ خوشامد ادا کیا۔ چاپلوسی کےجتنے الفاظ اسے معلوم تھے، ان کی پورے جوش و خروش سےسیریز شروع کردی۔ حکیم الداس اپنی تعریفوں کے لمبے پل نظرانداز کرکے خوفناک لہجے بولا:

’’یاد رکھنا اگر مجھے پتہ چلا کہ تم نے کوئی گڑ بڑ کی ہے توپھر اگلا تجربہ تم پر ہی ہوگا۔ یعنی اس کا زندہ رہنا تمہارے مستقبل کےلئے ضروری ہے‘‘۔

چلبل طویل عرصہ سے اُس لیب میں تھا۔ ماضی میں حکیم الداس نے جو اس پر تجربات کئے تھے انہیں یاد کرکے وہ کانپ اٹھا۔ اس نے فوراً سر ہلایا اور علی روئی کا بیڈگھسیٹ کر تہہ خانے میں لے گیا۔

تہہ خانہ تاریک تھا اس کی فضا خاصی مرطوب تھی۔ چلبل جیسے ہی تہہ خانے میں داخل ہوا۔ اس کی چال ڈھال بدل گئی۔ اسے معلوم تھا یہاں اسے دیکھنے والاکوئی نہیں۔ اب وہ اکڑ اکٹر کر بیڈ کو دھکیل رہا تھا۔ اس نے اپنی چھوٹی سی چھاتی پھیلا لی اور بڑے غرور سے علی روئی کو دیکھا۔ پھر نفرت سے بیڈ کو ٹانگ مارتے ہوئے کہا:

’’جلدی مرولعنتی انسان! حکیم چلبل نے پہلے کبھی انسانی گوشت کا ذائقہ نہیں چکھا مگر اس کی لذت اور قوت کے بارے میں بہت کچھ سن رکھا ہے‘‘۔

بوتل بھرتے ہوئے جوخون اس کے ہاتھوں پر لگ گیا تھا۔ اس کے چند دھبے ابھی انگلیوں پر موجو د تھے۔ اس نے ان خون کے دھبوں کو چاٹ چاٹ لیا، اس کی ننھی ننھی آنکھوں میں خون کی پیاس نے اس کی تمام حسیات اکٹھی کردیں مگر وہ حکیم الداس کے حکم کے خلاف کچھ کرنے کی ہمت نہیں رکھتا تھا، اس نے علی روئی پر ایک امید بھری نظر ڈالی اور اور اپنی اشتہا کو قابو میں کرتے ہوئے تہہ خانے کا دروازہ بند کیااور سڑھیاں چڑھ کر اوپر آ گیا۔ اوپروالے دروازے کودیوار کے اندر سے کھینچ کر بند کیا۔ دروازہ اور دیوار ایک ہو گئے۔ کہیں کوئی رخنہ موجود نہیں رہا۔ بس اس کا سینہ رخنہ ہائے کدورت سے پھٹ رہا ہے۔ اس کے جاتے ہی علی روئی نے زندگی کی طرف پلٹنے کے لیے جدوجہد شروع کردی۔ مسلسل کوشش نے اس کے بدن کا درد تقریباً دس گنا بڑھادیا۔ اچانک اسے اپنی چیخوں میں ایک پراسرار سی آواز سنائی دی۔ یہ لفظ اس کے اندر کہیں گونج اٹھے۔

کوئی نامعلوم زہریلا مادہ آپ کے اندر موجود ہے۔ کیا آپ اسے اپنے سپرسسٹم میں جذب کرکے ری بوٹ کرنا چاہتے ہیں‘‘۔

شدید درد کے موسم میں علی روئی کے دل میں یکایک ایک تازہ ہوا کا جھونکا آیاجو تیزی سے پورے جسم میں پھیل گیا۔ اس تازگی کے پھیلائوسےدرد میں نمایاں کمی ہوئی۔ کچھ دیر کے بعد اس کے ذہن میں پھر ایک آواز ابھری۔

توانائی کی ناکافی فراہمی، سسٹم بوٹنگ کا عمل صرف پانچ فیصد مکمل ہوا ہے۔ اسے پورا کرنے کےلئے مزید توانائی درکار ہے‘‘۔

علی روئی سوچنے لگا کہ سس ٹم؟۔۔ یہ کیا ہے؟۔ کیا واقعی یہ آواز اس کے اندر سے آئی تھی یا کوئی وہم تھا۔ علی روئی اس بات کوزیادہ گہرائی کے ساتھ نہیں سوچ سکا کیونکہ وہ اپنے دماغ میں شامل ہونے والی نئی معلومات کے وسیع ذخیرے سے چونک گیا تھا۔ اسے پہلی بار احساس ہوا کہ اس کے ذہن میں بہت سی باتیں ایسی در آئی ہیں جو پہلے موجود نہیں تھیں۔ یہ نئی باتیں یہ نئی معلومات سطحِ یاداشت پرخود بخود ابھرتی چلی آئی ہیں۔ وہ سوچنے لگا کہ یہ سارا کچھ اس موبائل کے کیمرے کی سکرین پر ’’ہاں‘‘ لکھنے کے بعد ہوا ہے، وہ جن مصائب سے گزررہا ہے یہ سب کچھ شاید اسی کا ثمر ہے۔ اسے یاد آیا کہ پہلے وہ علی روئی نہیں تھا بلکہ آرتھر نامی ایک نوجوان لڑکا تھا۔ یہ جگہ یہ زمین اس کی نہیں تھی وہ ایک اور دنیا میں رہتا تھا۔ یہ واقعہ بھی اس کےلئے حیرت انگیز تھا۔ اسے لگا کہ شاید وہ کسی کہانی کا کردار بن چکا ہے۔ اس کی روح میں کوئی تبدیلی واقع ہوچکی ہے۔ اسے خیال آیا کہ کیا یہ اس کا دوسرا جنم ہے۔ پھر اسے اپنے والدین یاد آئے جب وہ اٹھارہ سال کا تھا، ان کا انتقال ہو گیا تھا۔ اس کے دادا نے لمبی عمر پائی تھی۔ وہ پچھلے سال وہ بھی فوت ہوگئےتھے۔ ہاں لوگ مرتے رہتے ہیں۔ مرنا ایک معمول کا عمل ہے۔ جب اس کے ماں باپ مرے تو اس وقت موت کے بارے میں اس کارویہ تبدیل ہوا تھا۔ وہ موت کو گلیمرائزکرنے لگا تھا کہ موت ملائم ریشم جیسی اور سبک ہے اتنی ، جیسے مر غابی کے پر۔ مگر وہ بہت جلد اس کیفیت سے نکل آیا تھا۔

اس نے دوبارہ جنم لینے والی بہت سی کہانیاں سن رکھی تھی مگر ان پر اعتبار نہیں کرتا تھا۔ ویسے اس کا موجودہ تجربہ بھی ان داستانوں کے واقعات سے میل نہیں کھا رہا تھا۔ علی روئی نے بحیثیت آرتھر اپنے ذہن کو ٹٹولا۔ دماغ کے سربستہ خانوں کو کھولنے کی تگ ودوکی۔ اس نے اس تبدیلی کو اسی تناظر میں سمجھنے کی کوشش کی تو اسے لگا کہ وہ اس وقت کسی طلسماتی دنیا میں ہے۔ کسی جادونگری میں آ گیا ہے۔ قدیم کہانیوں کے کسی کوہ قاف میں پہنچ چکا ہے جہاں آدم خور لوگ بستے ہیں جو وقت کے ساتھ ساتھ جدید تر ہو چکا ہے۔

اسے یاد آیا کہ وہ یعنی ’’آرتھر‘‘ ایک اچھے خاندان کا فرد ہے۔ اس کے ماں باپ کھاتے پیتے لوگ تھے۔ چوبیس سال تک اس نے ایک آرام دہ زندگی گزاری تھی۔ وہ بہت پُرسکون رہاتھا۔ اس نے کوئی دکھ، کوئی غم نہیں دیکھا تھا۔

دو دن پہلے جب وہ کھیلنے کے لیے باہر گیا ہوا تھا تو اسےواپسی پر یہ پراسرار حادثہ پیش آیا اور اسے حیرت انگیز طور پر کسی دیومالائی دائرے میں منتقل کر دیا گیا پھر حکیم الداس کی لیبارٹری میں بھیج دیا گیا، اب یہاں اس نے ایک نئی زندگی کا آغازکرنا ہے۔ اس کا یقین پختہ ہوگیا تھاکہ یہ کوئی انسان دشمن دیومالائی دائرے ہے۔ انسانی دنیا کی فکشن میں ایسے دیومالائی دائروں کے بارے میں کئی بار پڑھ چکا تھا۔ وہ سوچنےلگا، کیا فکشن حقیقت میں بدل سکتی ہے۔

اسے ذہن میں شامل نئی معلومات سے علم ہوا کہ یہ دیومالائی دائرے غیر معمولی طور پر طاقتور ہے۔ زمانۂ قدیم کی ایک جنگ میں انہیں انسانی اتحادی افواج سےشکستِ فاش ہوئی تھی۔ اس وقت انہیں ایک خوفناک پاتال میں بھیج دیا گیا تھااور اُس پاتال کاداخلی دروازہ ایک طاقتور آسمانی فورس سےسیل کر دیا گیا تھا مگر ابھی تک اس دیومالائی مخلوق نے زمین پر واپس آنے کے خواب دیکھنے ترک نہیں کیے اسے اپنے باطن سے معلوم ہوا کہ اُس دروازے پر لگی ہوئی سماوی مہر ہر500 سال بعد کمزور ہوتی جاتی ہے۔ ماضی میں دونوں فریقوں کے درمیان کئی بار جنگ ہو چکی تھی اورڈیمن کو اس بات کا دکھ ہے کہ تاریخ میں وہ کبھی آخری فتح حاصل نہیں کر سکے۔

قریب ترین جنگ تین سو سال پہلے ہوئی تھی۔ دیومالائی اتحادی افواج کی کمان تاریک سورج لوسیفر نے کی تھی۔ جو اپنے دورکا طاقتور ترین ڈیمن تھا۔ اسے ایک بہت برگزیدہ انسان نے نیکی کی قوت سے جہنم رسید کیا تھا۔ اس کی کمان میں دیومالائی افواج نےانسانوں کوبھاری جانی نقصان پہنچایا تھا لیکن ہمیشہ کی طرح اُس مرتبہ بھی حتمی فتح ’’روشنی اور انصاف‘‘ کی ہوئی تھی اور شکست خوردہ دیومالائی فوج کو دیومالائی دائرے میں واپس جانے پر مجبور کردیاگیا تھا۔ اس حصار کو نسل در نسل دیومالائی مخلوق ایک چیلنج کے طور پر دیکھتی چلی آرہی تھی۔

ڈیمنز کے علوم و فنون کے متعلق آرتھر کی یادداشت محدود تھی مگرانسانی دنیا کے متعلق وہ جانتا تھا کہ اس میں ایسی طاقتور ہستیوں کی کوئی کمی نہیں جو تلوار سے دریا کاٹ سکتے ہیں۔ جو مکے سے پہاڑ گرا سکتے ہیں۔ جن کی چشمِ خارا شگاف تقدیریں بدل سکتی ہے۔ جن کی دعا آسمان نے کبھی رد نہیں کی۔ آرتھر کا ان عظیم لوگوں سے کبھی کوئی تعلق تو نہیں رہا تھا مگر اس نےان چمکتی پیشانیوں اور اسرار بستہ الوہی قوتوں کی حامل شخصیات کے بارے میں بہت کچھ پڑھ رکھا تھا۔ وہ ایک عام سا نوجوان تھا۔ معمولی کاروبار کرنے والانوجوان۔ اس کا خاصہ صرف زندگی سے لطف اندوز ہونا تھامگر اس وقت اسے اپنے اندر نئی قوتوں کا نئی خاصیتوں کا احساس ہو رہا تھا۔ اسے معلوم ہوچکا تھا کہ حکیم الداس کی زہریلی دوائیاں اس کا کچھ نہیں بگاڑ سکیں۔ وہ ان ڈرگز کے عذاب سے مکمل طور پر آزاد ہو گیا تھا۔ اب وہ علی روئی کی حیثیت سے ہر چیز کا مقابلہ کرنے کےلئے تیار تھا مگر یہ بھی سوچتا تھا کہ وہ ایک کمزور سا انسان ہے۔ اس کےپاس کوئی طاقت موجود نہیں۔ اس ڈیمنوں بھری دنیا میں اس کا کیا ہوگا۔ وہ یہاں کے سائنس دانوں کی تجربہ گاہوں کی میزوں پر پڑا رہے گا یا کسی ڈیمن کی ڈائینگ ٹیبل پر بار بی کیو کی صورت میں سج جائے گا۔

علی روئی مسلسل یہی سوچتا رہا اورخوفزدہ ہوتا گیا۔ اسے وہ موبائل یاد آیا جس پر کلک کرنے سے یہاں پہنچا تھا۔ وہ اپنے اُس لاپرواہ رویے پر انتہائی پشیما ن اور نادم تھا۔ دل ہی دل میں اس نے ہزاروں گالیاں اس موبائل فون کو نکالیں لیکن اب افسوس کرنا بے سود تھا۔ اپنی پچھلی زندگی میں، وہ ایک اوٹاکو تھا جسے ناول پڑھنے کا جنون تھا، گیمزکھیلنے کا شوق تھا۔ آن لائن فورمز کو براؤز کرنے میں جنونی تھا۔ وہ مارشل آرٹس نہیں جانتا تھا۔ کبھی لڑائیوں میں بھی ملوث نہیں رہا تھا۔ وہ اپنے آپ کو اس طلسماتی دنیا میں بالکل بےکار سمجھ رہا تھا۔ سوچتا تھا کہ وہ یہاں کیسے زندہ رہ سکتا ہے۔ علی روئی کی سمجھ میں کچھ نہیں آ رہا تھا۔ وہ کوئی لائحہ عمل نہیں بنا پا رہا تھا۔ جسمانی اور ذہنی تھکن کے سبب اسے نیند آنے لگی۔ بالآخر وہ ایک گہری نیند کے غار میں گر گیا، جہاں خواب بھی نہیں تھے۔

اگلے دن صبح سویرے علی روئی کو تہہ خانے سے نکال کر دوبارہ لیبارٹری میں لایا گیا۔ اگرچہ اس کے پاس تفصیل سے مشاہدہ کرنے کا وقت نہیں تھا لیکن احساس ہورہا تھا کہ لیب خاصی بڑی ہے۔ دور دور تک الماریاں ہیں جو مختلف نمونوں اور جدید اورمنفرد آلات سے بھری ہوئی ہیں۔ میزوں پر بھی بہت کچھ پڑا تھایعنی مسلسل تجربات جاری ہیں۔ چونکہ حکیم الداس موجود تھا اس لئے علی روئی کے ساتھ چلبل کارویہ بدل چکاتھا۔ وہ علی روئی کا پوراخیال رکھ رہا تھا اور حکیم الداس کی تعریف و توصیف میں زمین و آسماں کے قلابے ملا رہا تھا۔ حکیم الداس نے چلبل کی لامتناہی تعریفیں روک کر علی روئی سے پوچھا:

’’تمہیں بھوک لگی ہےنا؟‘‘۔

علی روئی کے جی میں آیا کہ وہ اس لمبوترےچہرے کی آنکھیں نوچ لے،زبان کھینچ لے مگر ابھی وہ اس قابل نہیں تھاسو اس نے خاموشی سے ’’ہاں ‘‘ میں سر ہلادیا۔ حکیم الداس کے لبوں ایک تکلیف دہ مسکراہٹ ابھری۔ ایسی ہنسی جس میں سینکڑوں مظالم لپکتے پھرتے ہوں۔ اس نے الماری سےبوتل نکالتے ہوئے کہا:

’’اچھی بات ہے، اسے آزماؤ‘‘۔

بوتل میں سبز لیس دار مائع سا تھا۔ اس میں سے بلبلوں کی صورت میں کچھ سفید گیس خارج ہو رہی تھی۔ علی روئی اسے دیکھ کر اپنےجواب پر پچھتایا کہ اس نے کیوں ہاں میں سر ہلا یا ہے۔ اس نے وہ چیز پینے سے پوری شدت کے ساتھ انکار کیامگر چلبل نے فوراً علی روئی کے سر کو پکڑ لیا اور زبردستی بوتل اس کے منہ سے لگا دی۔ وہ سیال علی روئی کو ایک تکلیف کے ساتھ اپنے اندر جاتا ہوا محسوس ہونے لگا۔ حکیم الداس نے تھوڑی دیر کے بعد چلبل سے کہا:

’’بس بس۔ بس آدھی بوتل کافی ہے‘‘۔

چلبل نے علی روئی کے منہ میں ٹھونسی ہوئی بوتل باہر نکال لی۔ علی روئی مجبور تھا اس لیے سے وہ برداشت کررہا تھا۔ اس نے دل میں عہد کیا کہ ایک دن ضرور میں ان لوگوں کو کسی گٹر کا پانی پلاؤں گا۔ بلکہ اُس سے بھی برا۔ گرفت میں آئے ہوئے علی روئی کو متلی کا احساس ہورہا تھا۔ سوچ رہا تھا کہ پتہ نہیں کیسا مکروہ محلول پلا دیا ہے جو زبان کو چھوئے بغیر حلق میں چلا گیاہے۔ یعنی علی روئی کو اس کے ذائقہ کا احساس تک نہیں ہواتھا مگر متلی ضرور ہونے لگی تھی۔ تھوڑی ہی دیر بعد اس کا معدہ گرم ہونا شروع ہو گیا۔ پیٹ پھولنے لگا، دردکے جھٹکے لگنے لگے۔ حکیم الداس کی خوفناک مسکراہٹ کا مطلب اب علی روئی کی سمجھ میں آرہا تھا۔ اسی لمحے اس کے دماغ میں وہی پراسرار آواز آئی:

’’نامعلوم زہریلا مادہ ملا ہے۔ کیا آپ اسےسپر سسٹم کو جذب اور بوٹ کرنا چاہتے ہیں؟‘‘۔

اس نے فوراً’’ہاں‘‘ کہا۔ لمحہ بھر کے لئے تو پیٹ کا درد شدید تر ہوامگر اسے پھر اسی مانوس تازگی کا احساس بھی ہوا۔ درد آہستہ آہستہ غائب ہو تاگیا۔ پھولاہوا پیٹ اپنی اصلی حالت میں واپس آگیا۔ دماغ میں وہی آواز گونجی۔

’’توانائی کی ناکافی فراہمی، سسٹم بوٹنگ کا عمل 0.7فیصد۔ مکمل کرنے کے لیے مزید توانائی درکار ہے‘‘۔

علی روئی نے سکون کا سانس لیا۔ اس نے اس بار صاف محسوس کیا کہ جذب کا اثر فوری تھا اور وہ پرجوش ہو گیا تھا۔ اس نے دل میں کہا:

’’سپر سسٹم کانام بہت جانا پہچانا ساہے‘‘۔

حکیم الداس نے آنکھیں پھاڑ کرحیرت سے علی روئی کی طرف دیکھا کیونکہ وہ کچھ ہی دیر میں نارمل ہو چکا تھا۔ حکیم الداس بڑ بڑایا:

’’یہ کیا ہوا۔ ایسا نہیں ہونا چاہیے، کیا میں نے پھر سے ’’سوجن گراس ‘‘کا تناسب غلط کر دیاہے‘‘۔

حکیم الداس نے چلبل کی طرف دیکھا۔ آدھی بوتل اس کے ابھی ہاتھ میں تھی۔ چلبل نے پوچھا:

’’ باقی آدھی بھی پلا دوں؟ ‘‘۔

حکیم الداس بولا:

نہیں باقی آدھی خود پی لو ‘‘۔

یہ سن کر چلبل کا چہرہ تاریک ہو گیا۔ اس نے منت کرتے ہوئے کہا:

’’میرے محترم المقام آقائے ادویات !۔۔۔۔۔ ‘‘۔

ابھی جملہ یہیں تک تھا کہ حکیم الداس کا ہاتھ چمکنے لگا جس میں بھری بجلیاں نکلنے کےلئے مچل رہی تھیں۔ چلبل نے صورتحال پل بھر بھانپ لی اور بوتل کو منہ لگادیا۔ اسے بجلیوں کا درد معلوم تھا۔ اس نے جیسے ہی بوتل خالی کی۔ فوراً ہی اپنا پیٹ پکڑ لیا، درد سے فرش پر لڑھکنے لگا۔ اس کا پیٹ دھیرے دھیرے حاملہ عورت کی طرح پھولنے لگا۔ اس کی چیخیں پوری لیب میں پھیل رہی تھیں۔ تکلیف سے آنکھیں باہر نکل رہی تھیں۔ وہ فرش پر پلٹے کھا رہا تھا۔ چلبل کے مصائب کو دیکھ کر علی روئی کے دل وجگر میں تھوڑی سی ٹھنڈک پڑی۔ اس نے حکیم الداس کی طرف دیکھا۔ اس کا چہرہ بے تاثر تھا۔ جیسے ان چیخوں کی کوئی حیثیت ہی نہ ہو۔ یہ کوئی معمول کی آوازیں ہوں۔ اس وقت وہ دیومالائی سائنس دان اسے بہت خطرناک لگا۔ علی روئی نے سوچا جتنا جلدی ممکن ہویہاں سے بھاگ جائے۔

حکیم الداس نے چلبل کی دگرگوں حالت کو دیکھی اورسوچا:

’’یہ ٹھیک ہی نہیں واضح طور پر کارآمد بھی ہے۔ پھرعلی روئی کی طرف دیکھا اور سوچنے لگا کہ اس شخص کے پاس ضرور کوئی جادو ہےکہ اس پر میری یہ حیرت انگیز ادویات اثر نہیں کر رہیں۔ چلبل مسلسل چیخ رہا تھا۔ حکیم الداس نے کہا:

’’یونہی چیخ رہے ہو یا واقعی دوا ئی اپنا کمال دکھارہی ہے؟‘‘۔

چلبل چیختے ہوئے کہا:

’’نہیں نہیں نہیں۔ بالکل نہیں‘‘۔

اور اپنے طور پر طنزیہ انداز میں بولا:

’’ہاں۔۔ ہاں۔۔ کوئی۔ اثر۔ نہیں ہوا‘‘۔

چیخوں کے درمیان رک رک کر بولتے ہوئے اس نے کہا۔

چلبل کے بے چینی سے چلانے پراس کی تکلیف اور بڑھ گئی۔ اس کی چیخوں نے نہ صرف پوری لیپ کو سر پر اٹھا لیا بلکہ باہر سڑک تک سنائی دے رہی تھیں۔ حکیم الداس نے چلبل سے کہا:

’’بے وقوف!اپنے آپ کو قابو میں رکھواور ہلو مت۔ جتنا ساکت رہو گے، تکلیف اتنی کم ہو گی ‘‘۔

حکیم الداس نے علی روئی کی طرف دیکھا جو اپنی ٹانگیں ہلارہا تھا۔ یہ حکیم الداس کی ناکامی کا کھلا اور واضح اعلان تھا۔ اس نے غصے کےعالم میں ایک لمبی چھلانگ لگا ئی اورعلی روئی کے سامنے آ گیا۔ اس کے ہاتھ میں ایک اور بوتل تھی۔ اس نے کہا:

’’اسے ابھی پیو!‘‘۔ میں دیکھتا ہوں کہ میری ادویات تجھ پر کیسے اثر نہیں کرتیں‘‘۔

علی روئی کو اس بات کا دکھ تھا کہ اس نے پچھلی بوتل پوری کیوں نہیں پی تھی۔ علی روئی نے کچھ کہے بغیر بوتل حکیم الداس کے ہاتھ سے لی اورپی گیا۔ اس بار اثر ذراسخت تھا۔ دماغ میں تیزی سے گھٹیاں بجنے لگی تھیں، سائیں سائیں ہونے لگی۔ کچھ دیر کےلئے علی روئی تقریباً اپنے جسمانی حواس کھو بیٹھا تھا۔ ا س کے منہ سے آوازنہیں نکل رہی تھی مگر پھر وہی آواز آئی، پھر جب اس نے دل میں ’’ہاں‘‘ سوچا تو معجزانہ طور پردوبارہ وہی ہوا۔ سختی ختم ہو گئی۔ دماغ کواشارہ ملا کہ سسٹم بوٹنگ کی پیشرفت 1.2فیصدتک پہنچ گئی ہے۔ پرامپٹ میں ایک اور پیغام بھی ذہن میں گونجنے لگا۔

’’مکمل ماد ہ کی تبدیلی لگاتار تین بار فعال کریں۔ سمارٹ خودکار جذب‘‘۔

علی روئی نے بغیر کسی شک کے اپنے دل میں تصدیق کی اور سوچا۔

یہ کوئی زندگی بچانے والاسسٹم ہے۔ جیسے مہلک زہر مجھے دیے گئے ہیں ان سے میں کبھی کا مرچکا ہوتا۔ حکیم الداس نے خالی بوتل پکڑی اور بوتل پر لگے لیبل کو دیکھا۔ اس ’’سٹرانگ پوروفائی پوائزن 103‘‘لکھا تھا۔ وہ پریشانی کی حدتک پہنچی ہوئی حیرت کے ساتھ بولا:

’’اولعنتی انسان!، تم نے کون سا جادو پیا ہواہے۔ میری ادویات تم پر اثر کیوں نہیں کررہیں‘‘۔

علی روئی بولا:

’’اگر جادو ٹونے آتے ہوتے تو تم مجھے زہریلی دوائیاں پینے پر مجبور کر سکتے تھے؟ ‘‘۔

اگرچہ علی روئی اپنے دل میں مطمئن نہیں تھا۔ یہ اس نے معصومانہ اظہار کیاتھا۔ حکیم الداس اسے پکڑکر ایک میز پر لےآیا جہاں بوتلوں اور مرتبانوں کاڈھیر لگا تھا۔ وہ انہیں کھول کھول علی روئی کو پینے پر مجبور کرتا رہا۔ علی روئی بوتلوں کےلیبلوں کو دیکھ کر خوفزدہ ہو گیا تھا۔ وہ صاف پڑھ رہا تھا کہ یہ مختلف قسم کے زہر ہیں۔ دوسری طرف طاقتور سپرسسٹم سب کچھ جذب کرتا جا رہا تھا۔ حکیم الداس دیکھ رہا تھا کہ بوتلوں سے مختلف زہر پینے کے باوجودہ علی روئی ابھی تک محفوظ اور صحت مند ہے یہ بات حکیم الداس کو مزید مشتعل کرتی چلی جارہی تھی۔ اس کی آنکھوں سے آگ کے بگولے نکلنے لگے تھے۔ یعنی بلڈپریشر کی سوئی مسلسل بلندی کی طرف رواں تھی۔

دوسری طرف سپرسسٹم کی بوٹنگ پروگریس 18 فیصد تک پہنچ گئی تھی۔ علی روئی نے محسوس کیا کہ زہر جتنا سٹرانگ، جتنا تیز تر ہوتا ہے اسے اتنی زیادہ توانائی ملتی ہے۔ اس کے اندر سے توانا رکھنے والے سسٹم میں اتنی ہی پیش رفت ہوتی ہے۔ اس لئے علی روئی سے زیادہ سے زیادہ دوائیاں پیے جارہا تھا اور حکیم الداس پلائے جارہا تھا۔ اس نامعلوم نظام سےعلی روئی کی توقعات بہت بڑھ گئی تھیں۔ وہ سوچنے لگا تھا جب یہ 100فیصدپر بوٹ ہوجائے تو کیا ہوگا۔

اچانک علی روئی نے ایک ناقابل یقین اظہار کیا اور کہا

حکیم ! رکو۔ حکیم الداس کی آنکھیں روشن ہوئیں، اس نے اس خالی بوتل کی طرف دیکھا جو ابھی علی روئی نے پی تھی اور پوری امید کے ساتھ پوچھا:

’’کیا تمہیں فالج محسوس ہورہا ہے سانس لینے میں دشواری ہورہی ہے؟‘‘۔

علی روئی نے معذرت خواہانہ انداز میں کہا:

’’نہیں۔ میں نے کل رات سے کچھ نہیں کھایا ہے اور ابھی بہت زیادہ مائع یعنی پانی پی لیا ہے۔ اب میں اپنا پیشاب نہیں روک سکتا۔ ٹائلٹ کہاں ہے ؟‘‘۔

حکیم الداس نے ہاتھ میں پکڑی ہوئی بوتل غصے سے فرش پر دے ماری۔ خوفناک کھنک کے ساتھ بوتل کی کرچیاں چاروں طرف بکھر گئیں۔ حکیم الداس نے دانت پیس کر کہا:

’’بہت زیادہ پانی، لعنتی انسان! تم نے دوائیوں کے سپر حکیم کی زندگی بھرکے کام کی توہین کرنے کی جسارت کی ہے۔ میں تمہیں دیکھ لوں گا ‘‘۔

علی روئی نے فوراً منہ بند کر لیا۔ اسے خیال آیا کہ کل میں نے شایدحکیم الداس کی جلد کے سیاہ رنگ پر تبصرہ کیا تھا۔ جس کی اس نے مجھے سزا دی تھی۔ آج پھر اسے نیچا دکھا کر پھر وہی غلطی دہرا رہا ہوں؟۔

’’ٹھیک ہے ٹھیک ہے، میں پیشاب روک لوں گا‘‘۔

اس نے سوچا بجلی کے جھٹکوں سے بہتر ہے۔ اسے معلوم تھا کہ بدقسمتی سے،بجلی کو سپرسسٹم جذب نہیں کر سکتا۔ حکیم الداس سوچنے لگا کہ انسانی جسم کیسے اس سطح پر پہنچ گیا ہےکہ میرا بنایا ہوا کوئی بھی زہر اس پر اثرانداز نہیں ہورہا۔ اس نے ہانپتے ہوئے کہا:

’’نہیں! میرے پاس اب بھی ترکیبیں ہیں۔ میں اب تمہاری ہر ہڈی کو اسفنج کی طرح نرم اور خستہ کرنے والاسب سے مشکل وائٹ پوشن بناؤں گا!‘‘۔

چلبل کے وجود میں اس وقت بلوٹنگ دوائی کی آدھی بوتل کا اثر آہستہ آہستہ ختم ہو گیاتھا۔ اس کے پیٹ کے درد میں بھی کافی افاقہ ہوچکا تھا مگر تھک ہار کر ٹوٹ چکا تھا۔ زمین پر لیٹے ہوئے ابھی تک ہانپ رہا تھا۔ حکیم الداس کی خدمت کرتے ہوئے اسے کافی عرصہ ہو چکا تھا۔ اس نے ’’وائٹ پوشن’’ کے الفاظ سنے تو وہ خوفزدہ ہوگیا اورچلا کرکہا:

’’حکیم الداس! مت کرو۔ ایسا مت کرو‘‘۔

حکیم الداس غصے سےتقریباً اپنے ہوش وحواس کھو چکاتھا۔ زندگی بھر کی محنت کواکارت جاتے ہوئے دیکھ کر وہ پاگل ہو رہاتھا۔ وہ کسی پاگل کی طرح تیزی سے مختلف زہروں کو آپس میں ملانے لگا۔ علی روئی یہ دیکھ کر چپکے سے لیب کے دروازے کی طرف بھاگا۔ جب حکیم الداس نے جامنی رنگ کے مائع کو ایک بلبلی ٹیسٹ ٹیوب میں ڈالاتو اس کے ہاتھ کانپ رہے تھے، اچانک یہ ٹیوپ ایک دھماکے کے ساتھ پھٹ گئی۔ میز وں پرموجود شیشے کا سارا سامان ٹوٹ پھوٹ گیا۔ طرح طرح کے مائعات اور پاؤڈر بارش کی طرح چاروں طرف بکھرگئی۔ حکیم الداس10 میٹر سے زیادہ ہوا میں لہراتے ہوئے زمیں پر جا گرا۔ اس کی زندگی اور موت غیر یقینی تھی۔ چلبل بھی لڑکھڑا کر دیوار سے جا ٹکرایا۔

خوش قسمتی سے علی روئی لیب کے دروازے کے پاس پہنچ چکا تھا۔ وہ اس دھماکے سے مکمل طور پر محفوظ رہا۔ لیب کی تعمیر بھی خاصی مضبوط تھی، اس میں کوئی دراڑیں نہیں آئی تھیں۔ علی روئی اس تباہی پر خوش ہوا۔ اگرچہ وہ مکمل طور پر بوٹ شدہ ’’سپرسس ٹم’’ کے اثر کا منتظر تھا مگر اسے اس بات کا بھی خوف تھا کہ حکیم الداس کا یہ پاگل پن پتہ نہیں کیا گل کھلائے۔ علی روئی نے زمین پر پڑی پھٹی ہوئی چادر اٹھائی اور اس سےاپنا سر ڈھانپ کرباہر نکل آیا۔ باہر دور دور تک حکیم الداس کی جاگیر کا علاقہ تھا۔ جس میں سڑکیں بھی تھی۔ درخت تھے۔ پھولوں بھری کیاریاں تھیں۔ کسی سڑک پر بھی کوئی موجودنہیں تھا۔ اس نے اتنی دوائیاں پی تھیں کہ پیشاب روکنا واقعی مشکل ہو رہا تھا۔ وہ باغ میں ایک جگہ ایک پودے کو پانی دینے لگا۔ علی روئی کو سکون ملا اور اس نے اپنی پتلون کی زپ بند کی۔ اس نے مڑ کر دیکھا تو ہکا بکا رہ گیا۔ تجسس سے بھرا ہوا ایک چہرہ اسے گھور رہا تھا۔

یہ سفید لباس میں ملبوس ایک لڑکی تھی۔ اس کی عمر تقریباً 14 یا13 سال ہو گی۔ جلدصاف ستھری نکھری نکھری تھی۔ سنہرے بال لمبے اورگھنگریالےتھے۔ جامنی آنکھیں بہت ہی پُر کشش تھیں جولمبی لمبی پلکیں جھپکے بغیر اس پر مرکوز تھیں۔ علی روئی اگرچہ بچوں کو پسند کرنے والوں میں سے نہیں تھا مگراس لڑکی کی خوبصورتی سے حیران رہ گیا۔ اس نے انٹرنیٹ پر بے شمار خوبصورتیوں کو دیکھا تھا۔ فوٹو ایڈٹ سے نکلنے والی خوبصورتیاں بھی اس لڑکی کی معصومیت اورخدوخال کے جمال کا مقابلہ نہیں کر سکتی تھیں۔ لڑکی نے آخراپنی بڑی بڑی آنکھیں جھپکیں۔ علی روئی کی نظر آہستہ آہستہ اس کے چہرےپر جم سی گئی۔ اس نے اس کے چہرے کے تاثر سمجھتے ہوئے اس سے کہا:

’’بدقسمتی سےابھی تم بہت چھوٹی ہو‘‘۔

لڑکی خاموش رہی۔ مگر اس کے چہرے اور آنکھوں میں وہی دلچسپی موجود رہی۔ علی روئی نے سوچا شاید اس کی سماعت میں کوئی مسئلہ ہے۔ اس کے دل میں تعلق کا بنتا ہوا کامل نقش چٹخ کر بکھر گیا۔ اسے اس سے باہر نکلنے میں کچھ وقت لگا۔ لڑکی نے اپنی خاموشی کو توڑ دیا اور کہا:

’’یہ بہت چھوٹا ہے‘‘۔

علی روئی نے سوچا دیومالائی دائرےکے راکشس لڑکوں نے پتہ نہیں اسے کیا کیا دکھا دیا ہے۔ اسے دکھ ہوا کہ ایک شاندار خوبصورتی نے ایسی بات کیوں کہی؟۔ علی روئی نے بے یقینی سے کہا:

’’تم کیا کہنا چاہ رہی ہو‘‘۔

لڑکی نے اسے عجیب نظروں سے دیکھا۔ علی روئی جہاں کھڑا تھا وہاں نیچے مٹی میں دبے مولی جیسے پودے کی طرف اشارہ کیا۔

’’میں کہہ رہی تھی کہ یہ لمباآلو ابھی پوری طرح سے نہیں بڑھا، اس لیے میں اسے باہر نکال کر نہیں کھا سکتی‘‘۔

لمباآلو۔ علی روئی کو پھر احساس ہوا کہ وہ پھولوں اور جڑی بوٹیوں والی ایک چھوٹی ٹوکری اٹھائے ہوئے ہے۔ اس کا چہرہ فوراً سرخ ہو گیا۔ زندگی میں پہلی بار اسے اتنی شرمندگی ہوئی۔ اس نے اس کی آنکھوں میں اٹھتی ہوئی چمک کو محسوس نہیں کیا وگرنہ وہ اپنے اندر شرمندہ شرمندہ نہ رہتا۔ ابھی علی روئی کو دیومالائی دائرے اور انسانی دنیا کے مزاج اور اطوار کا اندازہ نہیں تھا۔ وہ وہاں کی سماجی زندگی سے ناآشنا تھا اور ایسے کوئی معلومات بھی خوبخود اس کے دماغ میں نہیں آئی تھیں۔ وہ ہر معاملہ انسانی دنیا کے حوالے دیکھ رہا تھا۔

’’میرا نام شمائلہ ہے‘‘۔

خوبصورت لڑکی کی معصوم مسکراہٹ نے علی روئی کو کچھ اورشرمندہ کر دیا۔

’’بھائی آپ کا کیا نام ہے؟‘‘۔

علی روئی بولا:

’’علی روئی۔کیا آپ مجھے بتا سکتی ہیں کہ میں یہاں سے کیسے نکلوں؟‘‘۔

شمائلہ نے اپنی چمکدار، پیاری آنکھوں سے دیکھا اور کہا:

’’کہاں سے نکلنا چاہتے ہو۔ میں سمجھی نہیں۔ حکیم الداس کی لیب یہاں سے بہت قریب ہے۔ کیا تم وہاں جا رہے ہو؟آئو میں تمہیں وہاں لے چلوں ‘‘۔

’’نہیں نہیں، میں وہاں نہیں جانا چاہتا‘‘۔

علی روئی چونک کر کہا:

’’کیا تم مجھ سے مذاق کر رہی ہو؟ میں بڑی محنت اور مقدر سے اس پاگل خانےسے نکلنے میں کامیاب ہوا ہوں۔ میں وہاں واپس جاؤں تو بہت بڑا بےوقوف کہلائوں گا ‘‘۔

شمائلہ نے تجسس سے پوچھا:

’’کیوں۔ کیا ہوا ہےوہاں تمہارے ساتھ؟۔ حکیم الداس توبہت دلچسپ شخصیت ہیں ان کی تجربہ گاہ بھی شاندار ہے۔ میں ابھی وہیں جارہی ہوں‘‘۔

علی روئی نے اس معصوم اور پیاری سی لڑکی کی طرف دیکھا۔ اس نے دل ہی دل میں دانت پیستے ہوئے کہا:

’’تم نہیں جانتی؟ابھی ابھی لیب میں حادثہ پیش آیاہے۔ میں حکیم الداس کا نیا سٹوڈنٹ ہوں۔ حکیم نے غلطی سے ایک عجیب و غریب دوائی پی لی ہے۔ وہ پاگل ہو گیا ہے، جس کو بھی دیکھتا ہے اسی پر حملہ کردیتا ہے۔ اس نے چلبل کے ساتھ بھی بڑی زیادتی کی ہے۔ اگر تم وہاں گئی تو وہ تم کو بھی تکلیف پہنچائے گا۔ اس وقت مجھے یہ جگہ چھوڑنے کی جلدی ہے لیکن مجھے راستہ یاد نہیں۔ کیا تم مجھے یہاں سے باہر لے جا سکتی ہو؟‘‘۔

یہ سن کرکہ حکیم الداس پاگل ہو گیا، شمائلہ گھبرا گئی۔ وہ سر ہلاتے ہوئے بولی:

’’یہ توبہت خوفناک بات ہے! چونکہ آپ حکیم کے شاگرد ہیں، اس لیے ان کی اجازت کے بغیر وہاں سے نکلنا درست نہیں ‘‘۔

علی روئی نے منت سماجت کرتے ہوئے کہا:

’’شمائلہ، کیا آپ میری مدد نہیں کر سکتیں؟‘‘۔

شمائلہ نے اپنے ہونٹوں کو پھیلایا، پھر سکیڑا۔ کچھ دیر سوچتی رہی ا ور پھر ’’ہاں ‘‘میں سر ہلاکر کہا:

’’ٹھیک ہے، لیکن آپ کو اپنے اوپر چادر اوڑھ کر اورسر نیچے کر کے چلنا پڑے گا۔ تاکہ کسی کو یہ پتہ نہ چلے کہ آپ نئے طالب علم ہیں‘‘۔

علی روئی نے محبت بھرے لہجےسے کہا:

’’بہت شکریہ شمائلہ ! میں زندگی بھر تمہارا ممنون رہوں گا‘‘۔

علی روئی بھی جانتا تھا کہ اس کی انسانی شناخت سامنے آئے گی تو مسائل پیدا ہونگے۔ یہ تجویز اس کی ضرورت کے مطابق تھی، اس لیےوہ خوشی سے نہال ہو گیا۔

شمائلہ نے دو پیارے، چھوٹے ڈمپل دکھاتے ہوئے پیار سے مسکراکرکہا:

’’فکر کی کوئی بات نہیں بھائی‘‘۔

اس نے علی روئی کا ہاتھ پکڑلیا اور چلنے لگی۔ علی روئی نے محسوس کیا کہ چھوٹی لڑکی کا ہاتھ ہموار اور چمکدار ہے۔ ہلکا سا گرم بھی ہے۔ اس نےدل ہی دل میں خوشی محسوس کی اور خود سے کہا۔ کس نے لکھا تھاکہ دیومالائی دائرے میں صرف راکشس ہوتے ہیں۔ یہ چھوٹی سی لڑکی تو فرشتوں جیسی مہربان اور مددگار ہے۔

راستے میں عجیب و غریب شکلوں والے بہت سے ڈیمن دکھائی دیے۔ وہ زیادہ تر لمبے لمبے تھے، ان کے ہاتھوں میں ہتھیار تھے۔ یہ سب حکیم الداس کی جاگیر کے محافظ تھے۔ علی روئی نے سوچا کہ چھوٹی شمائلہ اکثر یہاں آتی جاتی ہے۔ سب گارڈ اسے جانتے ہیں۔ اس لئے کسی گارڈ نے بھی ان سے کچھ پوچھنے کی ضرورت محسوس نہیں کی بلکہ ہر گارڈ نے اس بچی کو پورااحترام دیا۔ علی روئی اس صورتحال سے خاصا مطمئن تھا۔ اس نے چادر میں اپنا چہرہ چھپارکھا تھا اور سر نیچے کیے چل رہا تھا۔ یہ ’’جاگیر‘‘ بہت بڑی تھی۔ ایک طویل چہل قدمی کے بعدشمائلہ نے اسے روکتے ہوئے کہا:

’’ہم یہاں ہیں‘‘۔

علی روئی بہت خوش تھا۔ سر اٹھاتے ہی وہ فوراً گھبرا گیا۔ یہ وہی خوفناک جگہ تھی جہاں سے وہ بھاگا تھا۔ وہی حکیم الداس کی تجربہ گاہ۔ شمائلہ مسکرائی، اس کی آنکھوں کے منحنی خطوط دو خوبصورت چاندوں کی طرح لگ رہے تھے۔

’’بھائی! آپ یہاں آنا نہیں چاہتے تھے مگر میں لے آئی ہوں کہ اسی میں آپ کا فائدہ ہے۔ آپ کو میری مدد کے لئے شکر گزار ہونا چاہئے ‘‘۔

مسکراہٹ پہلے کی طرح فرشتہ صفت اور پاکیزہ تھی، لیکن علی روئی کو اپنے فرشتے کے منہ کے کناروں میں چھپے ہوئے چڑیلوں والےدانت صاف نظر آنے لگے۔ اس کی پیٹھ پر ایک چھوٹی سی دم بھی ہل رہی تھی۔ علی روئی نے آہستہ سے نکل جانا چاہا مگرشمائلہ کا گرم چھوٹا سا ہاتھ لوہے کے مضبوط ہک کی طرح تھا۔ اس کا جسم بالکل ہل ہی نہ سکا۔

’’کیا کوئی ہے؟ میں آئی ہوں!‘‘۔

شمائلہ علی روئی کو دلربائی سے اپنی طرف کھینچ کر چلائی۔

’’یہ کون ہےگستاخ‘‘؟۔

حکیم الداس نے لنگڑاتے ہوئے، بڑبڑاتے ہوئے، جب شمائلہ کو دیکھا تو فوراً گھٹنے ٹیک دیے۔ اسے سمجھ نہیں آ رہی تھی وہ یہ سمجھنے سے قاصر تھا کہ اسے خوف ہے یا صدمہ۔

حکیم الداس جس کا چہرہ دھول اور مٹی سے بھرا ہوا تھا۔ اس نے حسرت بھری نظروں سے علی روئی کی طرف دیکھا۔ تاہم کوئی جلدی نہیں کی بلکہ اسے نظر انداز کرتے ہوئے شمائلہ کےلیےتچلبلم بجا لایا۔ شمائلہ بولی:

’’حکیم ! میں نے آپ کو کافی دنوں سے نہیں دیکھاتھا۔ آپ سے ملنے آ رہی تھی۔ راستے میں آپ کا نیا سٹوڈنٹ مل گیا۔ یہ اپنا راستہ بھول گیاتھا۔ سومیں نےاس گم گشتہ راہ کی مدد کی۔ اسےیہاں لے آئی مگریہ بھائی ایماندار نہیں ہے۔ اس نے مجھ سے جھوٹ بولاکہ حکیم نے کوئی ایسی دوائی پی لی ہے جو انہیں نہیں پینی چاہیے تھی۔ اس لئے اگر انہوں نےمجھے دیکھ لیاتو وہ میرے ساتھ بھی برا سلوک کریں گے‘‘۔

علی روئی سوچنے لگا کہ اس چھوٹی لڑکی کے سینے میں دل نہیں کوئی سیاہ پتھر ہے اوریہ اندر سے بہت مضبوط ہے۔ فیصلہ بھی کرتی ہے اوراس پر عمل درآمد بھی۔ علی روئی کے پاس چونکہ کہنے کو کچھ نہیں تھا اس لئے اس نے خاموشی سے سر جھکا لیا۔ حکیم الداس نے شمائلہ سے کہا:

’’ چھوٹی شہزادی! اس چالاک انسان پر یقین مت کرو۔ یہ آدمی تین دن پہلے ہمارےدیومالائی دائرے میں آن گرا تھا۔ میں نے اپنی نئی دوائیوں کی آزمائش کےلئے اسے اپنی تحویل میں لے لیا۔ لیکن اس پر ہردوائی بے اثر ثابت ہوئی ہے۔ جب میں سفید پوائزن بنانے لگا تو ایک حادثہ پیش آگیا۔ یہ اُس کو موقع غنیمت جان کر یہاں سے بھاگ نکلا۔ خوش قسمتی سے آپ اسے مل گئیں وگرنہ یہ ہاتھ سے گیا تھا ‘‘۔

ننھی شہزادی شمائلہ کو علی روئی کی اصلیت معلوم ہو چکی تھی۔ اگرچہ علی روئی کو اس بات کی تکلیف بھی تھی کہ شمائلہ اسے اپنے جال میں پھنسا کر واپس یہاں لے آئی تھی پھر بھی وہ شمائلہ کو کھونا نہیں چاہتا تھا۔ سو اس نے ذہنی طور طے کر لیا کہ قطعاً اس بات کو تسلیم نہیں کرے گا کہ وہ دھوکہ باز ہے جیسا اسے حکیم الداس نے ننھی شہزادی کے سامنے پیش کیا ہے۔ علی روئی نے حکیم الداس سے کہا:

’’مجھ پر الزام مت دو، تمہاری تمام دوائیاں ناکارہ ہو گئی ہیں‘‘۔

اس جملے پر شمائلہ کی آنکھیں چمک اٹھیں جیسے کوئی دلچسپ چیز اس کے ہاتھ لگ گئی ہو۔

’’میں اتھیناکے ساتھ تاریک برساتی جنگل میں گئی تھی اور وہاں سے کچھ دلچسپ چیزیں لائی ہوں۔ (اشارہ کرتے ہوئے) یہ آنتوں کو توڑنے والی گھاس ہے۔ یہ دل کو گلانے والاپھول ہے۔ ہم اس کا تجربہ اس انسان پر کیوں نہ کریں ‘‘۔

ننھی شہزادی نے کہا۔

چھوٹی ٹوکری کے اندر رکھی ہوئی چیزیں دراصل پھل اور پھول نہیں تھے بلکہ یہی’’دلچسپ’’ سامان تھا۔ علی روئی نے دل میں کہا:

’’یہ لڑکی توسچ مچ ایک چھوٹی سی ڈیمن ہے‘‘۔

اس سے پہلے کہ علی روئی کوئی مزاحمت کر تا، چلبل نے اسے ایک رسی سے باندھ لیا اور دوبارہ لیب کے اندر لے آیا۔ وہ لیپ کو صاف ستھرا کرچکا تھا۔ کرچیاں سمیٹ لی گئی تھیں۔ تمام تیزاب اور محلول دھوئے جا چکے تھے۔ علی روئی پر پھر تجربات شروع ہو گئے۔ ایک گھنٹہ گزر گیا۔ حکیم الداس نے اپنی بھنوؤں کو اور بھی سخت کر لیا۔ تاریک برساتی جنگل کی گہرائیوں سے آئی ہوئی چیزیں، علی روئی کے خلاف بے اثر ثابت ہوئیں۔ دوسری طرف سپرسسٹم کی ترقی 19.6فیصد پر پہنچ گئی تھی، لیکن علی روئی بالکل خوش نہیں تھا۔ حکیم الداس پاگل پن کی حد تک پرجوش ہونے کے ساتھ اب کافی خوفزدہ بھی تھا۔ وہ اپنے ہر تجربے میں چھوٹی سی شمائلہ کو شامل کر رہا تھاکہ کسی طرح اسے کامیابی نصیب ہو مگران کی طاقت ایک جمع ایک گیارہ بجائے دوکے برابر ہو رہی تھی۔

شمائلہ کو بھی دواسازی میں دلچسپی تھی۔ اسے حکیم الداس کا خاص طالب علم سمجھا جا سکتا ہے۔ اس نے اپنے چہرے کو پکڑا اور سوچا:

’’حکیم ! آپ ہمیشہ منفی اثرات پیدا کرنے والی دوائیاں استعمال کرتے رہے ہیں کیوں نہ اس پرکوئی ایسی ڈرگ آزمائیں جو طاقت بڑھائے‘‘۔

حکیم الداس نے محسوس کیا کہ یہ خیال قابل عمل ہے۔ اس نے لوہے کی الماری کھولی، سرخ دوائیوں کی ایک بوتل کا انتخاب کیا اور کہا:

’ ’طاقت کی اس تیز ترین دوائی کو آزماتے ہیں‘‘۔

چلبل نے احترام سے حکیم الداس کے ہاتھ سے وہ دوائی لی اور علی روئی کو پینے پر مجبور کیا۔ علی روئی نے اپنے جسم میں گرمی محسوس کی جیسے اسے تحرک کا انجکشن لگاہو۔ اس کی طاقت میں تیزی سے اضافہ ہوا اور اس کے اردگرد کی رسیاں یکایک بکھر گئیں۔ چلبل بھی ہمیشہ سے اسی کوشش میں رہتا تھا کہ کسی طرح وہ شہزادی کو متاثر کرے۔ اس نے علی روئی کو زیر کرنے کی کوشش میں اپنے اندرونی دانت باہر نکال لئے مگر علی روئی میں ضرورت سے زیادہ طاقت پیدا ہو چکی تھی۔ چلبل ناکام ہوا تواس نے لڑناشروع کر دیااورشہزادی اور حکیم کے سامنے علی روئی کومارنے کی ہر ممکن کوشش کی علی روئی بھی جواباً پوری شدت سے لڑااور چلبل پر حاوی ہوگیا۔ اب چلبل کی چیخیں نکلنے لگیں۔ رفتہ رفتہ اس کی چیخیں تیز ہوتی گئیں مگر حکیم الداس اور شمائلہ نے اس کی کوئی مدد نہ کی۔ علی روئی پہلے موقع کی تلاش میں تھا چلبل نے اسے بہت تکلیف دی تھی۔ اسے مارنا بہت اچھا لگ رہا تھاوہ چلبل کو مارتا رہا لیکن حکیم الداس یا شمائلہ پر ہاتھ اٹھانے کی ہمت نہیں کی۔ اسے معلوم تھا کہ وہ دونوں بہت طاقتور ہیں۔ عجیب بات یہ تھی کہ سپر سسٹم نے اس طاقت بڑھانے والی دوائی کی توانائی کو جذب نہیں کیا، بس صرف تھوڑا سا اضافہ ہوا تھا. یہ فی الحال 19.7 فیصد پر تھا۔

حکیم الداس نے فرش پر پڑے چلبل کا سوجا ہوا چہرہ دیکھا جو ہوا کے لیے ہانپ رہا تھا۔ دوسری طرف علی روئی پر بھی پوٹین سٹرینتھ پوشن کا اثر آہستہ آہستہ ختم ہو گیا۔ حکیم الداس نے غور سے علی روئی کا مشاہدہ کیا جو اس وقت بالکل پرسکون تھا۔ حکیم الداس ایک بار پھر حیران رہ گیا۔ وہ جانتا تھا کہ جہاں پوٹین سٹرینتھ پوشن طاقت کو بہت زیادہ بڑھا تی ہے وہاں دواکے اثر کے بعد استعمال کرنے والے کو انتہائی کمزور کر دیتی ہے لیکن اسے علی روئی میں کوئی کمزوری نظرنہیں آرہی تھی۔ یہ بات شمائلہ بھی جانتی تھی اس نے حیرانی کے ساتھ حکیم الداس سے پوچھا:

’’کیا یہ ہو سکتا ہے حکیم !کہ آپ ایک ایسی ٹریوپوٹین سٹرینتھ پوشن بنانے میں کامیاب ہو گئے ہوں جس کے کوئی سائیڈ ایفکٹس نہ ہوں‘‘۔

حکیم الداس نے اپنا سر نفی میں ہلایا اور آہ بھرتے ہوئے کہا:

’’ یہ ناممکن ہے، اس کی ترکیب بہت پہلے سے گم ہو چکی ہے۔ اب اسے صرف گرینڈ حکیم ہی تیار کرسکتا ہے۔ اس وقت اس کی پورے دیومالائی دائرے میں کوئی بوتل موجود نہیں ‘‘۔

علی روئی نے، اس طرف، ’’سائیڈ ایفیکٹس کے الفاظ سنے، اور سوچا:

’’یہ بھی ’سمارٹ خودکار جذب ‘کا اثر ہے؟ اسی کی وجہ اس دوائی کے برے اثرات مجھ پر مرتب نہیں ہوئے‘‘۔

حکیم الداس یکے بعد دیگرے کئی قسم کی زہریلی دوائیاں آزمانے کے بعداس نتیجے پر پہنچ چکا تھا کہ تما م زہر اس انسان کے خلاف بے اثر ہیں بلکہ الٹا زہریلی دوائیاں اس کے لیے فائدہ مند ثابت ہوتی ہیں۔ علی روئی کے لئےاس وقت یہ زہربنانے والاحکیم الداس غذائیت دینے والا مہربان بن چکا تھا۔ اس نے حکیم الداس سے کہا:

’’ حکیم آپ کیوں پریشان ہیں ؟۔ آپ کی دوائیوں سے مجھے فائدہ ہو رہا ہے ‘‘۔

اس جملے کی حکیم الداس کو بہت تکلیف ہوئی۔ اس نے گرج کر کہا:

’’مجھے اب ایسی بھی کوئی چیز بنانی ہے جو تم جیسوں کو انجام تک پہنچا سکے‘‘۔

چھوٹی شہزادی نے اپنے سامنے اس طرح آواز بلند کرنے پرحکیم الداس کوتیز نظروں سے دیکھا۔ وہ شہزادی کے سامنے ادب آداب بھولنے لگا تھا۔ یہ بات اسے ایک مردہ انجام تک بھی پہنچا سکتی تھی۔ شہزادی بہرحال شہزادی تھی مگر اس نے اسی طرح احترام سے حکیم الداس سے کہا:

’’میں آپ کو پریشان دیکھ رہی ہوں ‘‘۔

حکیم الداس بولا:

’’ میں یہ سوچ کر پریشان ہوں کہ صرف چند سو سالوں میں انسان کتنا خوفناک ہو گیا ہے۔ یہ ایک عام آدمی ہے۔ اگر اس کی یہ حالت ہے تو خاص لوگ کیسے ہوں گے۔ ایسی صورت میں ہم ڈیمنوں کا مستقبل کیا ہوگا‘‘۔

شمائلہ بولی:

’’مجھے نہیں لگتا کہ تمام انسان ایسے ہوں، اس آدمی کے ساتھ کوئی خاص بات ہے۔ حکیم !کیا آپ اس بات کو جانچنے کے لیے کوئی جادوئی آلہ نہیں بناسکتے؟ ‘‘۔

’’نہیں میں وہ آلات نہیں بنا سکتا۔ وہ اورعلم ہے، اس کی علیحدہ یونیورسٹیاں ہیں۔ میں صرف دوا سازی میں مہارت رکھتا ہوں‘‘۔

حکیم الداس نے کہا۔

حکیم الداس علمیات میں کافی سخت تھا۔ اسے اچانک ایک خیال آیا اور اس کی آنکھوں میں خون کی ہولی دکھائی دی۔ وہ بولا:

’’میں نے اس کا خون چلبل کو پلایامگرچلبل کو استثنیٰ نہیں ملا۔ اس پر یہ تمام زہر اسی طرح اثر کرتے ہیں۔ اب میں تحقیق کے لیے اس کاجسم کاٹوں گا۔ اس کے جسم کے مختلف ٹکڑوں پر تجربات کروں گا ‘‘۔

یہ سن کر علی روئی کی ریڑھ کی ہڈی میں ٹھنڈی لہر گزرگئی۔ اس نے سوچا کہ اب معاملہ بہت خوفناک ہو گیا ہے۔ اب کیا کیا جائے۔ وہ اپنے آپ کو ذہنی طور پر حکیم الداس کے ساتھ جنگ کےلئے تیار کرنے لگا۔ حکیم الداس اٹھا مگرشمائلہ نے اسے روکتے ہوئے کہا:

’’حکیم !ٹھہرو۔ اسے مت مارو۔ یہ لڑکا بہت دلچسپ ہے۔ مجھے کچھ دن اس کے ساتھ کھیلنے دو‘‘۔

اس وقت، علی روئی نے محسوس کیا کہ وہی فرشتوں والاہالہ دوبارہ شمائلہ کے سر پر آگرا ہے۔ قسمت سے ملا ہوا ایک موقع جان کر اس نے جلدی سے کہا:

’ ’ہاں حکیم !مجھے مت مارو۔ میں آپ کی تمام دوائیاں اپنے اوپر آزماؤں گا جب تک آپ مطمئن نہیں ہو جاتے‘‘۔

یہ اچھا خیال تھا۔ وہ جانتا تھا اس طرح وہ نہ صرف اپنی جان بچا سکتا تھا بلکہ سپرسسٹم کو 100 فیصد تک بڑھا سکتا تھا۔ ہوسکتا ہے کہ وہ ایک سپرمین بن جائے جو چھوٹے ڈیمن کو مکا مار کر مار دینے کے قابل ہوجائے۔ اسے اس تاریک مافوق پر قدم جمانے کا موقع مل جائے۔

دوسرا باب

عظیم استاد کی وراثت کا خیال

’’آدمی کے پیروں تلے دیوتاؤں کی لاشیں پڑی ہیں‘‘

ذہنی طور پر وہ سوچتا تھا کہ انسان ڈیمنوں سے کمزور نہیں مگر اس کی اسے روحانی طاقت کی ضرورت ہوتی ہے جو اس کے پاس موجود نہیں۔ سو علی روئی کی تمام توقعات اس وقت سپر سسٹم سے وابستہ تھیں۔ فرشتوں کی طرح معصوم سی، پھول سی نرم و نازک، بھولپن سے بھری مگرانتہائی چالاک شمائلہ کو ابھی تک علی روئی کے لیے پرجوش دیکھ کر، حکیم الداس نے تحمل سے کہا:

’’چھوٹی شہزادی! اگر ہم اس انسان کے اسرار سے پردہ اٹھا لیتے ہیں تو ڈیمنوں کی طاقت بڑی چھلانگ لگائے گی۔ کسی کا پوائزن پروف ہونا بہت بڑی بات ہے۔ اس سے نیرنگ آباد کے لیےبے تحاشا فوائد ہوسکتے ہیں۔ خاص طور پر بڑی شہزادی کی معاملات میں بہت بہتر ی آسکتی ہے‘‘۔

جیسے ہی حکیم الداس نے شمائلہ کی بہن کا ذکر کیا۔ شمائلہ کے مطالبے میں ہچکچاہٹ آ گئی۔ اس نے اصرار کرنا چھوڑ دیااور حکیم الداس کے قدم علی روئی کی طرف بڑھنے لگے۔ زہریلی مسکراہٹ سے حکیم الداس کو ایک ایک قدم قریب آتے دیکھ کر، علی روئی کے رونگٹے کھڑے ہو نے لگے۔ اس نے علی روئی سے کہا:

’’میں تجھےایک دم نہیں ماروں گا۔ چن چن کر تیرے اعضاالگ کر وں گابلکہ مزید تجربات کرنے کےلیے تیری زندگی کو برقرار رکھنے کی ہر ممکن کوشش کروں گا‘‘۔

علی روئی بولا:

’’نہیں! میں سفید چوہا بننے کے بجائے مرنا پسند کروں گا‘‘۔

’’یہاں کوئی اپنی مرضی سے نہیں مر سکتا ‘‘۔

حکیم الداس نے کہا:

جس پرعلی روئی نے جلدی سے ردعمل ظاہر کیا اور چلایا:

’’صبر کرو!رک جائو۔ میرے پاس بے شمار راز ہیں۔ تم مجھے ہاتھ نہ لگائوتو میرا وعدہ ہے میں اپنے راز تمہیں بتا دوں گا‘‘۔

ان الفاظ نے حکیم الداس کے قدم روک دیے اور اس کی نظریں علی روئی پر جم گئیں۔ وہ بولا:

’’بولو، کیا ہے تمہارے پاس‘‘۔

’’میں کوہ قاف کے پہاڑوں پر کھیل رہا تھا۔ اچانک ایک آبشار میں جا گرا‘‘۔

علی روئی نے ایک پرانی کہانی کےپلاٹ کے بارے میں سوچااور بیان کرنا شروع کردی۔

’’اس آبشار کے اندرایک پانی کاغار تھا۔ اس کے ارد گرد پانی کے پردے لگے تھے۔ پھواریں پھولوں کی شکل میں تھیں۔ لہروں کی ڈیزائن پتھریلی چٹانوں پر پیٹنگ کی طرح آویزاں تھے۔ گرتے ہوئے قطروں کی جھالریں کونوں کا خوبصورت بنارہی تھیں۔ برف کا ایک بیڈ لگا ہوا تھا اس پر باقاعدہ کشیدہ کاری کی گئی تھی۔ اس کے سامنے برف کی بنی ہوئی ایک میز اور کرسی بھی پڑی تھی۔ بیڈ پر ایک بہت بوڑھا شخص لیٹا ہوا تھا۔ وہ بھی برف کی طرح بالکل سفید تھا اس کے بال اور اس کی داڑھی بھی برف کی بنی ہوئی لگ رہی تھی۔ اس کے ہونٹ آہستہ آہستہ ہلے اور اس نے مجھے کہا:

’’میرے جانے کا وقت ہو چکا ہے۔ میرے کوئی جانشین نہیں۔ کیا میرا جانشین بننا قبول کروگے ؟۔ میں نے بے ساختہ ’ہاں‘ کہااور پھر اس غار میں سے مجھے عظیم حکیم سن ووکونگ کی وراثت ملی‘‘۔

اس دیومالائی دائرے میں زیادہ تر چیزیں ہماری زمین سے ملتی جلتی تھیں۔ جیسا کہ وقت، اکائیاں، عام اسم وغیرہ، اس لیے علی روئی کو بنیادی طور پر کوئی فکر نہیں تھی اور وہ تیزی سے بولتا گیا:

’’سن ووکونگ علم کیمیا کا بہت بڑاماہر تھا۔ اس نے ایک بار13,500 کلوگرام وزنی ایک بھاری قالب بنایا۔ یہ ہر طرح کے جادو کے خلاف مزاحمت کرتاتھا۔ وہ آزادانہ طور پر اس کا سائز تبدیل کر سکتا تھا۔ جب یہ بڑا ہوتا ہے تو آسمان کو جا لگتا تھااور جب یہ چھوٹا ہوتا تھاتو سوئی میں تبدیل ہو جاتا تھا۔ اس نے ایک امرت بھی تخلیق کیا تھا جو عام لوگوں کو ہزاروں سال کی عمر بخش دیتا تھا یہاں تک کہ لافانی بنا سکتا تھا ‘‘۔

وہ اب سوچ رہا ہوتا ہے کہ یہ زندگی اور موت کا مسئلہ ہے۔ میں جہاں تک جھوٹ بول سکتا ہوں بولوں گا۔ یہاں تک کہ مرنے کے بعد اگر مجھے وو چینگین اورمغربی سفر کےپرستارمیرا گلا بھی گھونٹ دیں تو تب بھی مجھےقبول ہے۔ میں ضرور جھوٹ بولوں گا۔

’’اس کاتیار کردہ قالب دیوتاؤں کے خلاف لڑ سکتا ہے، لافانی بنانے کا امرت۔ ہزاروں لوگوں کو ہمیشہ کےلئے زندہ بنا سکتا ہے۔ وہ ادویات اورمیکانکس دونوں کا حکیم تھا۔ حکیم الداس دنگ رہ گیا۔

’’اگر یہ سچ ہے تو، یہ عظیم حکیم یقینی طور پر خدا جیسے درجے تک پہنچ گیا تھا!‘‘۔

حکیم الداس کو بہت صدمہ ہوا لیکن وہ شک میں بھی پڑ گیا۔ اس نے کہا:

’’بے شک تم نے اس عظیم آقا کے اتنے حیرت انگیز کارنامے بیان کئے ہیں مگر میں نے تاریخ میں اس کا نام نہیں سنا؟‘‘۔

علی روئی کو لگا کہ اس کا جھوٹ تقریباً بے نقاب ہو نے والا ہے اس کا دل دھک کر کے رہ گیا۔ خوش قسمتی سے اس نے بہت سے ناول بھی پڑھ رکھے تھے اور اپنے اس پلاٹ میں بہت کچھ بھرنے کی صلاحیت رکھتا تھا۔ وہ گویا ہوا:

’’قدیم زمانے سے پہلےبھی ایک قدیم دور تھا جسے دیوتاؤں کا دور کہا جاتا ہے۔ سن ووکونگ اسی قدیم دور کا ایک کردار ہے۔ اپنی حیرت انگیز کامیابیوں کے لیے وہ تقریباً عام لوگوں اور دیوتاؤں کو ایک دوسرے کے ساتھ جھگڑنے دیتا تھا۔ اس سے دیوتاؤں میں خوف و ہراس پھیل گیاتھا چنانچہ انہوں نے ووکونگ پر حملہ کرنے کے لیے100,000 کی فوج بھیجی لیکن وہ شکست کھا گئے۔ ووکونگ نے خدا کے دائرے پر بھی حملہ کیا اور تمام دیوتاؤں کو خوفزدہ کردیا۔ اس جنگ کو ’’ Ragnarok ’’ کے نام سے جانا گیا۔ بالآخر ووکونگ کو سب سے طاقتور دیوتا، تتھاگاتا نے دبا دیا اور اس قدیم دور کی تاریخ کو بھی دیوتاؤں نے جان بوجھ کر مٹا دیا۔ یہاں تک کہ قدیم کتابوں میں بھی اس کا ریکارڈ نہیں ملتا لیکن کبھی کبھار ایک یا دو متعلقہ اسم کچھ پرانے کاغذات پر دیکھے جا سکتے ہیں‘‘۔

اچانک شمائلہ بولی:

’’راگناروک ؟ مجھے ایسا لگتا ہے میں نے یہ نام کسی کتاب میں کہیں پڑھا ہے مگر اس وقت مجھے یہ یاد نہیں آ رہا‘‘۔

شمائلہ کی باتوں نے علی روئی کو چونکا دیامگر اس نے اپنی کہانی جاری رکھی۔ دعویٰ کیا کہ اسے پانی کےپردے کے غار میں حکیم کی بقیہ روح سے پہلے وراثت ملی اور پھر اسے غیر واضح طور پر دیومالائی دائرے میں ٹیلی پورٹ کیا گیا۔ عظیم آقا کی روح کا ایک قطرہ بھی انتہائی طاقتور تھاجو ان کی پوری زندگی کے تجربے اور علم پر مشتمل تھا۔ اسی کی وجہ ہے کہ وہ ہر قسم کے زہر سے محفوظ ہے۔ یہ میری قوتیں اسی دیوتاکی برکت کا نتیجہ ہیں۔ علی روئی نے بتایا کہ ابتدائی دور کے بہت سے واقعات اس نے حکیم کی باقیات سے سیکھے ہیں، لیکن اپنی کمزور روح کی وجہ سے وہ مکمل طور پر نہیں سیکھ سکا۔ اسے مزید علم حاصل کرنے کے لیے اپنی طاقت کے بڑھنے کا انتظار کرنا پڑرہا ہے۔

حکیم الداس پرسکون لگ رہا تھا۔ علی روئی کے الفاظ نے کم از کم یہ ثابت کردیا تھا کہ دوائیاں بنانے کے بارے میں ان کا زندگی بھر کا مطالعہ بیکار نہیں گیا۔ شمائلہ نے علی روئی پر اپنی توجہ مرکوز رکھی اور اسے قدیم دور کی مزید کہانیاں سنانے کو کہا۔ علی روئی نے شان ہائی جینگ سے صرف راکشسوں کی کہانیاں مستعار لیں اور شمائلہ کی آنکھوں میں دلچسپیوں کے دریا بھر دیے۔ اگر علی روئی شمائلہ سے پہلے ذلیل نہ ہوچکا ہوتا تو وہ اس کا اصل چہرہ کبھی نہیں دیکھ سکتا۔ حکیم الداس کو ابھی تک علی روئی پر یقین نہیں آ رہا تھا۔ اس نے طنز کرتے ہوئے کہا:

’’مجھے یقین نہیں ہے کہ کوئی قدیم سےقدیم زمانہ بھی ہے، مجھے یقین نہیں ہے کہ کوئی عظیم آقا دیوتاؤں کے ساتھ جھگڑا کر سکتا ہے۔ میں یقین نہیں کر سکتا کہ تجھ جیسے نا اہل آدمی کو ایک عظیم آقاکی وراثت ملی۔ اگرتو آج یہ بات ثابت نہیں کر سکا تو تجھے حکیم الداس کو دھوکہ دینے کا نتیجہ بھگتنا پڑے گا‘‘۔

چھوٹی شہزادی جو ایک وفادار سامع تھی، اس نے فوراً اپنا رخ موڑ لیا اور آگ میں ایندھن ڈالتے ہوئے بولی:

’’اور عظیم لوسیفر شاہی خاندان کوبھی دھوکا دینے کا نتیجہ ‘‘۔

علی روئی نے اپنی یعنی آرتھر کی نامکمل یادداشت سے بہت کچھ حاصل کر لیا تھا۔ اسے یاد آ گیا تھا کہ اس جادوئی دنیا کی ایلکمی کو دو بڑے زمروں میں تقسیم کیا جا سکتا ہے: میکانکس اور فارماسیوٹکس۔ درحقیقت اس میں ریاضی، لوہا سازی، ادویات، میجک سرکل وغیرہ کا جامع علم شامل ہے۔ اس کے اعلی درجے کی وجہ سے، بہت کم لوگ حکیم کی سطح تک پہنچ سکتے تھے۔ انسانی اور دیومالائی دائروں میں ان کو بہت عزت سے دیکھا جاتا تھا۔

علی روئی نے جلدی سے سوچا اور پھر سوال کیا کہ اگر میں اصل ثبوت سامنے لےآؤں تو پھر تم کیا کرو گے۔ حکیم الداس یہ سوچ کراداس سا ہو گیاکہ علی روئی جھوٹ نہیں بول رہا۔ یہ مانتے ہوئے کہ علی روئی نے جو کہا ہے وہ سچ ہے تو علی روئی زندگی کو برقرار رکھنا ایک خدا نما حکیم کو زندہ رکھنے کے مترادف ہے۔ نیرنگ آباد، ڈیمنوں کی دنیاہے اوراس دنیا میں کیمیائی دنیا کا بہت مقام و مرتبہ اور بے حساب قدر تھی۔

’’مجھے سیاہ ایلوز کی عزت کی قسم، اگر تم سچ کہہ رہے ہو تو میں تمہیں کبھی تکلیف نہیں دوں گا‘‘۔

حکیم الداس نے سنجیدگی سے کہا:

شمائلہ نے سوچا۔ ’’تاریک طلسماتی مخلوق کی عزت ؟‘‘۔ اور اس کے چہرے پر ایک لطیف مسکراہٹ پھیل گئی، دیومالائی دائرے میں سیاہ ایلوز کو ’’چالاک اور مکارمخلوق’’ کا لیبل دیا گیا ہے اور انہیں اس پر فخر ہے۔ پورے دیومالائی دائرے میں پیشہ ور دھوکے بازاور قاتل اس نسل کے رکن ہیں۔

ایسا لگ رہا تھا کہ اگرچہ اس حکیم الداس کو دواسازی کا جنون ہےمگر وہ اب بھی اپنی پستیوں میں ایک چالاک سیاہ ایلف ہے۔

علی روئی کو اس بات کا یقین نہیں تھا۔ اس نے سوچا کہ حکیم الداس نے واقعی حلف اٹھایا ہے، اس لیے علی روئی نے کہا:

’’میری روح بہت کمزور ہے اور زیادہ شعور برداشت نہیں کر سکتی۔ میں حساب کے لیے یاداشت سے گریٹ حکیم کے صرف ایک یا دو ٹکڑے دیکھ سکتا ہوں۔ وہ محض کچھ معمولی چیزیں ہیں لیکن ثبوت کے لیے کافی ہیں‘‘۔

حکیم الداس بولا:

’’وہ کیا ہیں۔ جلدی پیش کرو۔ یقیناًخدا جیسے عظیم الشان حکیم کی ایک معمولی سی چیز بھی انمول ہو سکتی ہے‘‘۔

علی روئی نے کہا:

’’اسے بنانے کےلئے مجھے کچھ چیزیں درکار ہیں‘‘۔

پھر تمام ضروری چیزیں علی روئی کو فراہم کردی گئیں۔ شمائلہ علی روئی کو بڑی دلچسپی سے دیکھتی رہی اور وقتاً فوقتاً پیش رفت میں رکاوٹیں ڈالتی رہی۔ بیچارہ چلبل اب بھی زمین پر کراہ رہا تھا لیکن کسی کو اس کی پرواہ نہیں تھی۔

علی روئی نے دیومالائی دائرے میں کاغذ پر پہلا کام مکمل کیا۔

حکیم الداس نے اسکوائر فریم کو حیرانی سے دیکھا، ساتھ ہی اندر مربع اور مستطیل بلاکس بھی۔ کوئی سوچ بھی نہیں سکتا تھا کہ یہ حساب کا ٹول ہے جسے ایک عظیم آقا نے بنایا ہے۔

’’کیا یہ ہو ا؟‘‘

’’بہت آسان؟‘‘۔

شمائلہ نے تجسس سے پوچھا۔

’’یہ 9 عام لکڑی کے بلاکس کیا کر سکتے ہیں؟‘‘۔

علی روئی نے سر ہلایا اور سنجیدگی سے کہا:

’’لکڑی کے ان بلاکس کو عام نہ سمجھیں۔ حکیم نے ایک بار کہا تھا کہ ایک حقیقی حکیم ردی کی ٹوکری کو قالب میں تبدیل کر سکتا ہے‘‘۔

’’کوڑے دان کو قالب میں تبدیل کرنا؟۔ واقعی ایک حکیم کا خدا جیسا کام ہے‘‘۔

حکیم الداس ایسے پرجوش ہو گیا جیسے سمجھ گیا ہو۔ اس کا لہجہ نہایت شائستہ ہو گیا:

’’براہ کرم مجھے بتائیں، اس آلے میں کیا کمال ہے؟‘‘۔

’’رکو، مجھے کچھ شامل کرنے دو‘‘۔

علی روئی نے ہر بلاک پر چند الفاظ لکھے، یعنی کاو، گوان یو، ژانگ فی، ژاؤ یون، ما چاؤ، ہوانگ ژونگ، اور سپاہی۔

’’اسے ہوارونگ ڈاؤ کہا جاتا ہے، ایک قسم کی پزل نماکٹوتی شطرنج۔ سب سے بڑا مربع ‘Cao’ قدیم دور میں ایک شہنشاہ کی نمائندگی کرتا ہے، اور دوسرے دشمن کے نائٹ اور سپاہی ہیں جو اس کے فرار کی راہ میں رکاوٹ ہیں‘‘۔

علی روئی نے وہ زبان استعمال کی جسے حکیم الداس نے ہوارونگ ڈاؤ کی کہانی اور کھیلنے کے قواعد کی وضاحت کے لیے سمجھا۔

ہوارونگ ڈاؤ چین میں ایک مشہور قدیم کھیل تھا۔ اپنے متنوع نتائج کے ساتھ روبکس کیوبز(، Rubik’s cube )اور Peg solitaire کے ساتھ، اسے غیر ملکی دانشوروں کے ماہرین نے ’’دنیا کے تین ناقابل یقین فکری پہیلیوںمیں سے ایک کے طور پر تسلیم کیا۔

حکیم الداس جتنا سنتا جا رہا تھا اس میں دلچسپی بڑھتی جا رہی تھی۔ وہ آگے بڑھا لیکن شمائلہ اس سے زیادہ جلدباز نکلی اور ہاتھ میں لے کر جوش سے کھیلنے لگی۔ حکیم الداس بے چینی سے دیکھ رہا تھا، لیکن اس میں کچھ کرنے کی ہمت نہیں تھی۔ چھوٹی شہزادی بے صبرتھی۔ چند مسلسل ناکامیوں نے اسے پریشان کر دیا تھا۔ اس نے علی روئی سے پوچھا:

’’کیا تم ہمیں دھوکہ دے رہے ہو؟ یہ شہنشاہ کبھی نہیں بچ سکتا!‘‘۔

علی روئی کو فطری طور پر اس پر اعتماد تھا اور اس نے کہا:

’’ملکۂ عالیہ ! میں اپنی زندگی کے ساتھ ضمانت دے سکتا ہوں کہ ہوارونگ ڈاؤ کو یقینی طور پر حل کیا جا سکتا ہے اور اس کے ایک سے زیادہ حل موجود ہیں۔ کلید یہ ہے کہ انفرادی طور پر اندازہ لگانے کی صلاحیت کو دیکھیں۔ جتنے کم قدم ہوں گےاتنا ہی بہتر ہے‘‘۔

شمائلہ جانتی تھی کہ علی روئی مرنے سے ڈرتا ہے۔ چونکہ وہ بہت پرعزم تھا، اس نے پھر کبھی شک نہیں کیا۔ اسی لمحے باہر سے ایک دلکش آواز آئی:

’’حکیم الداس !میں چھوٹی شہزادی کی کنیزہوں۔ کیا شہزادی شمائلہ یہاں ہے؟‘‘۔

حکیم الداس ہورنگ ڈاؤ میں بہت زیادہ کھو گیا تھا، اس نے اس طرف توجہ نہ دی۔ شمائلہ نے خود ہی جواب دیا:

’میں یہاں ہوں، اندر آجاؤ‘‘۔

اگر شمائلہ لوگوں کو حسین لگتی ہے تو مایا۔ اس کی کنیز اس سے زیادہ خوبصورت تھی۔ دلکش، ہموار، صاف جلد، سیکسی چہرہ، متاثر کن، بڑی چھاتی،پتلی رانیں، جسم کا ہر حصہ سحر سے بھرا ہوا تھا۔ اس نے بہت تنگ کپڑے پہنے ہوئےتھے لیکن تنگ لباس اس کی حیرت انگیز شخصیت کو مزید نکھار بخش رہاتھا۔ یہاں تک کہ اگر وہاں پشت کر کے کھڑی ہو جائے تو بھی مرد اپنی خواہشات پر قابو نہ پا سکیں۔ شمائلہ نے دعویٰ کیا تھا کہ وہ لوسیفر شاہی خاندان سے ہے۔ اس کی شکل انسانوں سے الگ نہیں تھی مگر کچھ چیزیں مختلف تھیں۔ وہ ایک عام خاتون ڈیمن تھی۔ اس کے سر پر مڑے ہوئے کانوں کا ایک جوڑاتھا، پشت پر چھوٹے سیاہ پروں کا ایک جوڑا تھا اور گستاخ کولہوں پر ایک پتلی دم سی تھی۔ لیکن یہ سب ایک خاص اور پراسرار انداز میں دیکھنے والے کی توجہ اپنی طرف کھینچتی تھی۔

سائرن۔۔۔۔۔۔ ایک مطلق سائرن!

’’چھوٹی شہزادی!‘‘۔

مایا نے جھک کر کہا:

’’عزت مآب شہزادی اسٹڈی روم میں آپ کا انتظار کر رہی ہے۔ برائے مہربانی چلیے‘‘۔

جب مایا نیچے جھکی تو اس کی چھاتیوں کے درمیان کا فاصلہ اور بھی زیادہ دلکش تھا۔ علی روئی کی نظریں اس پر جم گئیں۔ اپنے ٹیسٹوسٹیرون میں اچانک اضافہ محسوس کیا۔ اس نے اپنا لعاب بڑی مشکل سے نگلا اور دوبارہ اس کی طرف دیکھنے کی ہمت نہیں کی۔

’’میری بہن اس وقت مجھے بلا رہی ہے؟ کیا اسے پتا چل گیا ہے کہ میں چپکے سے فلورا کا پیچھا کرتے ہوئے کالے جنگل میں گئی تھی؟‘‘۔

چھوٹی لڑکی مجرم دکھائی دی لیکن علی روئی کے چہرے کو دیکھ کر ہنسنے لگی۔

’’مایا! تیرے کرشمے زیادہ طاقتور ہو گئے ہیں۔ یہ انسان ایک نظر میں بھی اپنے آپ پر قابو نہیں رکھ سکتا ‘‘۔

مایا نے حقارت سے علی روئی کی طرف دیکھا۔

کیا کا جسم سکیوبائی میں خاص سمجھا جاتا ہے۔ اس آدمی کی طاقت کمزور اور قابل رحم ہے۔ صرف ایک بوسہ اس کے جوہر کو ختم کر سکتا ہے۔

سکیوبائی ایک قسم کی مادہ ڈیمن ہے جو مردوں کو چوس سکتی ہے۔ علی روئی کو آرتھر کی یاد اشت سےمادہ ڈیمن کی تصویر ملی۔ اس کی خواہشات دھل گئیں جس سے اس کی ریڑھ کی ہڈی ٹھنڈی ہو گئی۔ علی روئی نے کہا:

’’خوبصورتی قیمتی ہے لیکن زندگی اس سے کہیں زیادہ‘‘۔

شمائلہ مسکرائی اور مایا اور اپنی ٹوکری کے ساتھ لیب سے نکل گئی۔ جانے سے پہلے وہ ہوارونگ ڈاؤ کو ساتھ لے جانانہیں بھولی تھی۔ کھیلنے کی چیزیں بچوں کو ویسے بھی اچھی لگتی ہیں مگر دیومالائی دائرے میں بڑے، بچوں کے کھیلوں میں بچوں سے زیادہ دلچسپی رکھتے ہیں۔ شاید اس کی وجہ ان کی دماغ کی ایک مخصوص سطح ہے۔

اس لیب کے تہہ میں علی روئی کا یہ تیسرا دن تھا۔ آج اسے خاصاذہنی سکون ملا تھا۔ شاید اس کی وجہ یہ تھی کہ آج اس کےلئے تاریک تہہ خانے کو اچھی طرح صاف کردیاگیا تھا۔ یہ تہہ خانہ دراصل حکیم الداس کی لیپ کے سٹو ر کے طور پر استعمال ہوتا تھا۔ ایک طرف ٹین کے ڈبوں اور بڑی بڑی بوتلوں میں کئی تیزاب وغیرہ رکھے تھے۔ کچھ بہت پرانے اوک بیرل بھی پڑے تھے جن میں شراب ذخیرہ کی جاتی تھی۔ وہ حصہ جو سٹور کےلئے استعمال نہیں ہوتا تھا اسے رہائش کےلئے اچھی طرح حصہ صاف ستھرا کیا گیا تھا۔ محرابوں سے لگتا تھا یہ کوئی قدیم عمارت ہے جسے نئے انداز میں ترئین و آرائش کرکے لیباٹری میں بدل دیا گیا ہے۔ دن میں تین وقت کے کھانے کا بندوبست کیا گیا۔ یہ سب چلبل نے حکیم الداس کے حکم پر کیا تھا۔

علی روئی، حکیم الداس آپ کو بلا رہے ہیں ‘‘۔

چلبل کے لہجے میں پہلی سی کڑواہٹ ابھی تک موجود تھی کیونکہ جو چلبل کاشکار تھا وہ اب ناصرف معزز مہمان بن چکا تھا بلکہ چلبل اس کا خدمت گزار بھی تھا۔ اس لیے اس نے فطری طور پر نفسیاتی عدم توازن محسوس کیا۔ علی روئی کو پیچھے سے چلتے ہوئے دیکھ کر ننھے ڈیمن نے دانت پیسے۔ یقیناً اس نے اپنے دل میں یہی کہا ہوگا کہ اے لعنتی انسان! میں عظیم چلبل ایک دن ضرورتمہارا گوشت کھاؤں گا۔ ضرورتمہارا خون پیوں گا!‘‘۔ تاہم عظیم چلبل اب مجبور تھا۔ اسے اس جگہ کی صفائی جاری رکھنا تھی جہاں انسان رہتا تھا۔

علی روئی نےاسے کہا :

’’ چلو!‘‘۔

دونوں چل پڑے۔

حکیم الداس نے علی روئی کو آتے دیکھا اور پرجوش ہو گیا۔ گو کہ جب اس سے پوچھ گچھ کی گئی تھی تو اس نے بتایا تھا کہ ابتدا میں اس کا نام آرتھر تھا اور اب علی روئی ہے۔ لیکن سیاہ ایلف حکیم ایسی معمولی بات کی پرواہ نہیں کرتا تھا۔ آج کل حکیم الداس کو ہوارونگ ڈاؤ پرمکمل یقین آچکا تھا۔ اس نے اب حکیم کی سچائی پر سوال نہیں اٹھایا۔ علی روئی کو بیکار ہونے پر مارنے کا اصل خیال بھی بھول گیا تھا۔ یہاں تک کہ ایک معمولی کٹوتی کے آلے میں بھی ایسی جادوئی کشش تھی کہ امرت اورقالب آہستہ آہستہ دریافت کیے جا سکتےہیں۔۔۔۔ سیاہ ایلف اس کے بارے میں سوچتے ہی پرجوش نہیں ہو سکتا تھا۔ اس نے کہا:

’’میں نے جو نئی شطرنج بنائی ہے اسے دیکھو‘‘۔

علی روئی نے دیکھا کہ اصلی ہوارونگ ڈاؤ جو اس نے جلدی میں بنایا تھا اسے سیاہ ایلف نے ایک عمدہ فن میں تبدیل کر دیا تھا۔ ہر ٹکڑے پر خوبصورت سر کا مجسمہ کندہ کیا گیا تھا۔ تاہم کاؤ کی شکل غیر معمولی طور پر خوبصورت ہو گئی اور گوان یو نے حقیقت میں دو خم دار سینگ پیدا کر لیے تھے۔ باقی جیسے زاؤ یون، ما چاؤ نے بھی اپنی شکلیں بدل لی تھیں۔ یہ ہوارونگ ڈاؤ کا دیومالائی ورژن بن گیا تھا۔

ان دنوں حکیم الداس اور چلبل کے ساتھ بات چیت کے ذریعے علی روئی نےدیومالائی دائرے کے عمومی علم کے بارے میں مزید معلومات حاصل کر لی تھیں۔ اسے معلوم ہو چکا تھا کہ وہ نیرنگ آباد میں ہے۔ یہ شہر تومانی سلطنت کے علاقے میں ہےاور شہزادی شمائلہ کی بہن شہزادی اقابلہ لوسیفریہاں حکمران ہے۔ دیومالائی دائرے میں ڈیمنوں کی کئی نسلیں آباد ہیں۔ عام ڈیمن اور گریٹ ڈیمن ہیں۔ ان کے علاوہ سوکیوبلس، میناٹور، لیچ اور امپ ہیں۔

ان ڈیمنوں میں سے ہر ایک کی اپنی خاص خصوصیات ہیں۔ جنہیں گریٹ ڈیمن بھی کہا جاتا ہے۔ وہ درندہ صفت ہیں۔ شاہی خاندان کے بعد وہی اعلیٰ درجے کے ڈیمن ہیں۔ وہ طاقتور جنگجو پیدا ہوتے ہیں اور تمام ہتھیاروں کے استعمال میں مہارت رکھتے ہیں۔ روح یا جسم کی طاقت یا دونوں میں مہارت حاصل کرنے کا انتخاب کر سکتے ہیں۔ کچھ عظیم ڈیمن اپنے خون کی لکیر میں تبدیلی کر لینے کے باعث زیادہ طاقتور ہیں۔ ایک عام گریٹ ڈیمن کی بالائی حد ایک ہائی رینک ڈیمن ہے۔ متغیرانہ طبیعت کے باعث اونچے درجے تک پہنچنے کے لیے ہررکاوٹ کو توڑ سکتے ہیں۔ مینوٹورز مضبوط، بہادر اور نڈر ہیں۔ عام طور پر حملے میں بہترین جنگجوسمجھے جاتے ہیں۔ ان میں سے کچھ اسلحہ سازبھی بن جاتے ہیں جو جعل سازی میں مہارت رکھتے ہیں۔ ان کی آخری حد مڈل رینک پر ہے۔

لیچ نازک ہیں لیکن ان میں زبردست جادوئی طاقت ہے۔ ہنرمند ہیں دیومالائی درندوں کو قابو کرنے کی صلاحیت رکھتے ہیں۔ ان کی بھی بالائی حدمڈل رینک پر ہے۔

سوکیوبکس خواتین کے لیے مخصوص نسل ہےجو صرف روح کی طاقت میں مہارت رکھتی ہے۔ وہ کسی کو بھی اپنی طرف مائل کرنے کا ہنر جانتی ہے۔ ان کے ہاں تولید میں لڑکی ہونے کا امکان زیادہ ہے اور جب تک وہ لڑکی ہے بچہ سوکیوبکس ہی رہے گا۔ ان کی بالائی حد بھی مڈل رینک کی ہے۔

امپس جو چلبل کی طرح ہوتے ہیں سب سے نچلے درجے کے ڈیمن ہیں۔ وہ عام طور پر میدان جنگ میں قربان ہونے کےلیے ہوتے ہیں۔ اعلیٰ درجے کے امپس میں وہم کی صلاحیت ہے جو دوسروں کو پریشان کر دیتی ہے۔ تغیرپذیروں کی بہت کم تعداد کو گریٹ ڈیمن میں فروغ دیا جاسکتا ہے۔ سیاہ ایلف اور ڈروف کا تعلق ویسل مخلوق سے ہیں لیکن وہ ڈیمنوں کے خاندان میں بھی ناگزیر ہیں۔ سیاہ ایلف چوری، قتل کرنے اور زہر دینے میں ماہر ہیں لیکن حکیم الداس جیسا کوئی شخص جس نے دواسازی میں مہارت حاصل کر لی ہواور حکیم بن گیاہو۔ یہ ایک انوکھی بات ہے۔ اس کے علاوہ، چند سیاہ ایلوز میں شاندار جادوئی صلاحیتیں ہیں جو فوت شدگان کے ساتھ گفتگو بھی کر سکتے ہیں اورلِچ سے زیادہ مضبوط ہیں۔

اگرچہ سیاہ ڈروف چھوٹے اور بدصورت ہیں اور ان میں لڑنے کی طاقت کم ہے لیکن تخلیقی صلاحیتیں حیرت انگیز ہیں۔ وہ دستکاری اور ایجاد میں مہارت رکھتے ہیں۔ ان میں کچھ نمایاں لوگ ایلکمی میں مکینکس کے حکیم بن جاتے ہیں۔

ڈیمن کے دائرے میں دو چاندوں کی خصوصی طاقت کی وجہ سے مخلوط خون جیسی کوئی چیز نہیں تھی۔ یہاں تک کہ دو مختلف نسلوں کے امتزاج کے ساتھ بچہ یا تو باپ کی نسل سے ہو گا یا ماں کی نسل سے، اس کے علاوہ ڈیمن کے دائرے میں بہت سی طاقتور مخلوقات بھی ہیں، جیسا کہ عنصری نسل، نظر بد، گرے ہوئے ڈریگن جو زمین سے نکالے گئے اور بہت سے دیومالائی درندے جو اس جگہ کو خطرات سے بھرا ہوا بنا ئے رکھتے ہیں۔

انسانوں کے مقابلے میں ڈیمنوں کی ابتدائی طاقت بہت زیادہ تھی لیکن ان کی بہتری کے راستےکم تھے۔ پیدائش کے وقت دونوں ایک جیسے ہوتے۔ دونوں کانقطہ آغاز تقریباً ایک ہی تھالیکن انسانوں کی صلاحیتیں مسلسل بڑھتی رہتی تھیں۔ ڈیمن مختلف تھےان میں یہ بات نہیں تھی۔ درجات میں فرق پیدائش کے وقت واضح ہوجاتاتھا۔ بالغ ہونے کے بعد بھی وہ غالباً بالائی حد تک پہنچ جاتے تھے لیکن ان کےلئے آگے بڑھنا مشکل تھا۔ دوسرے لفظوں میں ڈیمن کا نقطہ آغاز انسانوں سے بلند تھا اور ان کی زندگی کا دورانیہ بھی طویل تھا۔ پھر بھی ان کی ترقی کرنے کی صلاحیت انسانوں سے بہت کم تھی۔ ڈیمن کا درجہ جتنا اونچا تھا ان میں بہتری کی گنجائش اتنی ہی کم تھی۔

اقابلہ اور شمائلہ کا تعلق ڈیمن کے شاہی خاندان سے تھا۔ عام طور پر شاہی خاندان مضبوط ترین انسانوں سے ملتا جلتا تھا۔ یہ لوگ لامحدود صلاحیتوں کا مالک تھے۔ لڑائیوں کے دوران ان کا عام ڈیمن کے برعکس فطری جبر تھا۔ ان کی بلڈ لائن سب سے زیادہ مضبوط ہےان کے پاس ایک خاص ٹیلنٹ تھاجو خوفناک دباؤ کو خارج کرتا ہے۔

شاہی خاندا ن کی تعظیم کی وجہ سے حکیم الداس اور چلبل نے علی روئی دونوں شہزادیوں اور تومانی سلطنت کے بارے میں کچھ نہیں بتایا۔

’’ان کرداروں کی تصویر اچھی نہیں ہے۔ قدیم زمانے میں طاقتور افراد ایسے نہیں تھی۔۔۔ خوبصورتی اور ترمیم تاریخ کے مطابق ہونی چاہیے‘‘۔

علی روئی نے دو ٹوک الفاظ میں ہوارونگ ڈاؤ کےدیومالائی دائرےکے کرداروں پر تنقید کی، پھر بھی اس نے اس بات پر غور نہیں کیا کہ تاریخ یا اصلیت سے قطع نظر اس نے پہلے ہی مکمل گڑبڑ کر دی تھی۔ صرف عظیم حکیم سن ووکونگ ہی وو چینگ این کو انڈرورلڈ میں آنسو بہانے کے لیے کافی تھا۔

حکیم الداس نے اس تنقید کو قبول کیا اور شرمندگی سے مسکرایا:

’’بس میرے ہاتھ میں خارش تھی۔ اگلی بار میں آپ کے کہنے کے مطابق بناؤں گا۔ اس بار میں209 قدموں کے ساتھ گزرا، جو پچھلی بار کے مقابلے بہت بہتر ہے۔

علی روئی نے ہلکا سا سر ہلایا اور آہ بھری۔

’’کافی نہیں ہے۔ حکیم نے صرف81 قدموں کا استعمال کیا، اور ان کے قیاس کے مطابق، یہ اس سے بھی کم ہو سکتا ہے‘‘۔

حکیم الداس جانتا تھا کہ کسی حرکت کو کم کرنے کے لیے ایک تفصیلی حساب کی ضرورت ہے۔ جب اس نے پہلی بار ہوارونگ ڈاؤ کو حل کیا تو وہ اتنا پرجوش تھا کہ اسے یاد نہیں تھا کہ اس نے کتنے قدم استعمال کیے تھے۔ دوسری بار300 سے زیادہ قدموں کا استعمال کیا۔ جب اس نے علی روئی کو100 قدموں سے کامیاب ہوتے ہوئے دیکھا تو اسے یقین ہو گیا کہ وہ صرف حکیم کی وارثت کے سبب ممکن ہے۔

علی روئی نے کہا:

’’دراصل ’تلوار کے ساتھ گھوڑے کی سواری‘ کا انتظام صرف ہوارونگ روڈ کے انتظامات میں سے ایک ہے۔ چند اور بھی ہیں تاہم Huarong Dao عظیم حکیم کے لیے محض ایک مستعدی تفریحی سرگرمی تھی، آپ کو زیادہ جنون میں مبتلا ہونے کی ضرورت نہیں ہے‘‘۔

یہ علی روئی نے جان بوجھ کر کہا۔ اسے یقین ہوچکا تھا کہ حکیم الداس ہوارونگ ڈاؤ کےجنون میں مبتلا ہوچکا ہے۔ وہ واضح طور پر حکیم الداس کے ساتھ بلی چوہے کا کھیل کھیل رہا تھا۔ دراصل سیاہ ایلف نے اپنا سر ہلایا اور کہا:

’’حکیم واقعی ایک حکیم ہے، اس کے لیے ایک معمولی چیز بھی ہمارے لیے اتنی بڑی تحقیقی قدر رکھتی ہے‘‘۔

’’پھر بھی آپ اپنے فارماسیوٹکس کو نظر انداز نہیں کر سکتے‘‘۔

علی روئی نے موضوع کو تبدیل کیا اور باتوں باتوں میں دل کی بات کہہ دی:

’’آپ ادویات ٹیسٹ کر رہے ہیں، کیوں نہ میں بھی آپ کی ادویات آزماتا رہوں گا۔ اگر آپ حکیم کی برکات حاصل کرلیں تو شاید آپ کی ادویات بھی اعلیٰ سطح تک پہنچ بھی جائیں‘‘۔

علی روئی کے ذہن میں تھا کہ یہی عمل یقینی طور پر سپرسسٹم کی بوٹنگ کو آگے بڑھانا ہے۔

ہوارونگ ڈاؤ مجھے صرف عارضی طور پر بچا سکتا ہے۔ یہ کوئی طویل مدتی حل نہیں۔ صرف اس صورت میں میں اپنی جان بچا سکتا ہوں کہ میرے پاس مضبوط طاقت ہو۔ اس دیومالائی دائرےمیں اپنے آپ کو محفوظ رکھنے کےلئے یہ پراسرار سپر سسٹم ہی میری واحد امید ہے۔

سیاہ ایلف یعنی حکیم الداس نے حیران ہو کر کہا:

’’کیا تمہیں ڈر نہیں لگتا کہ ایک وقت آئے گا، تم مر جاؤ گے؟‘‘۔

علی روئی بولا:

’’جڑی بوٹیوں کی خصوصیات کو بہتر طور پر سمجھنے کے لیے حکیم نے ذاتی طور پر تمام جڑی بوٹیوں کو چکھا۔ وہ کئی دفعہ زہر کی وجہ سے موت کے بالکل قریب پہنچ گئے مگر انہوں نے ہمت نہ ہاری۔ اسی وجہ سے انہوں نے آڑو جیسا امرت بنا لیا۔ وہ صرف اعلیٰ ہنرہند ہی نہیں تھے ان کے پاس استقامت اور پائیداری بھی تھی۔ ‘‘

حکیم الداس کا چہرہ عقیدت سے بھرا ہوا تھا اور اس نے کہا:

’’اس میں کوئی تعجب کی بات نہیں ہے کہ وہ دیوتاؤں کے ساتھ جھگڑا کرنے والا ایک عظیم حکیم بن سکتا ہے! ایسا لگتا ہے کہ علم کے علاوہ اور بھی بہت سی چیزیں ہیں جو مجھے عظیم حکیم سے سیکھنی ہیں۔ باقی جو دوائی تم آزمانا چاہو خود ہی آزمالو۔۔ ‘‘۔

علی روئی نے حکیم الداس کے چہرے پر جوش دیکھاتو کہا:

’’ان دنوں مجھے عظیم حکیم کی باقیات کے پیغامات محسوس ہو رہے ہیں۔ مجھ پہ گہرے اثر ات مرتب ہو رہے ہیں۔ میں نے عظیم حکیم کی میراث میں حصہ لینے کا ارادہ کر لیا ہے۔ بدقسمتی سے میرے پاس ماضی میں فارماسیوٹکس کی کوئی بنیاد نہیں ہے اور میں اس گہرے علم کو نہیں سمجھ سکتا۔ حکیم !، کیا آپ میری مدد کرنا پسند کریں گے۔ یہ دیکھ لیجئے، میں ایک انسان ہوں‘‘۔

’’میں کروں گا! آج سے، میں آپ کو فارماسیوٹکس کی بنیادی باتیں سکھاؤں گا!‘‘۔

ایک سیاہ ایلف کے طور پرحکیم الداس یقینی طور پر ایماندار ڈیمن نہیں تھا۔ لیکن وہ ایک حقیقی ادویات کا حکیم بھی تھا۔ اس نے زندگی بھر بھائی بننے کی قسم کھالی تھی۔ حکیم الداس کے تاثرات کو دیکھتے ہوئےعلی روئی نے کہا

’’آپ کا شکریہ!حکیم ۔ بےشک یہ سیکھنا بہت مشکل کام ہے مگر میں آپ کی توقعات پر پورا اتروں گا ‘‘۔

علی روئی جانتا تھا کہ اس کے بعد وہ بنیادی طور پر زندہ رہنے کے بارے میں فکر کرنا چھوڑ سکتا ہے اور فارماسیوٹکس کے بارے میں کچھ سیکھنے کے بعد مزید سیکھنے میں کوئی تکلیف نہیں ہوتی۔

حکیم الداس نے ایک کتاب اٹھائی جس کا نام ہے ’’جڑی بوٹیوں کی بنیادیں‘‘۔ وہ اپنی تعلیم شروع کرنے ہی والاتھا کہ چھوٹی شہزادی شمائلہ آگئی اور کیا کے علاوہ ایک اور اجنبی چھوٹے بالوں والی لڑکی بھی اس کے ساتھ تھی۔

یہ چھوٹی لڑکی بھی خوبصورت لگ رہی تھی۔ جامنی بال، سرخ آنکھیں، ہلکی بھوری جلد، متناسب جسم، اس کی آنکھوں کے درمیان ایک بہادری کا جذبہ اور سرخی مائل نارنجی زرہ بکتر کا تھوڑا سا ظاہر کرنے والاسیٹ وہ ایک بڑی تلوار بھی میان میں اٹھائے ہوئے، عالمِ حسن و شباب سے ہر طرف ایک جنگلی دلکشی پھیل رہی تھی۔

چھوٹے بالوں والی چھوٹی لڑکی کی خوبصورتی دیکھ کرعلی روئی لاشعوری طور پر گھبرا ساجاتا ہے شہزادی شمائلہس بولی:

’’فلورا! یہ وہ انسان ہے جس کا میں نے ذکر کیا ہے، یہ کافی دلچسپ ہے‘‘۔

شمائلہ نے فلورا کا بازو قریب سے پکڑ لیا۔ اگر وہ فلورا کے خم دار جسم اور نازک چہرے پر غور نہ کرتا تو اسے لگتا ہے کہ یہ دونوں جڑواں بہنیں ہیں۔

’’ ہیلوحکیم الداس !‘‘۔

فلورا مزاجاًشمائلہ کی طرح نہیں تھی۔ وہ شائستگی سے حکیم الداس کے سامنے جھکی تھی تاہم اس کی نظر میں شکریہ ادا کرنے فرض صرف سیاہ ایلف پر لاگو ہوتا تھا۔ علی روئی کی طرف اس نے عجیب نظروں دیکھا۔ بڑی بےاعتمادی سے اس کا جائزہ لیا۔ جیسے کسی جھوٹ کو پہچاننے کی کوشش کررہی ہو۔ علی روئی کو ایسا لگا جیسے وہ چڑیا گھر کے ایک پنجرے میں بند ہے اور کچھ سیاح اسے دیکھنے کےلئے آئے۔ اس نے مدد کے لیے حکیم الداس کی طرف دیکھا۔ مگر سیاہ ایلف ہوارونگ ڈاؤ کےدیومالائی دائرے کےوژن کو اپنی آسیتنوں میں چھپا رہا تھا۔ اس کےلئے فلورا سے نمٹنا آسان تھا لیکن شہزادی شمائلہ نیرنگ آباد میں ایک مشہور چھوٹی سی ڈیمن تھی۔ اسے ڈر تھا کہ جو نئی شطرنج اس نے بڑی محنت سے بنائی تھی، شہزادی کہیں ساتھ لے نہ جائے۔

حکیم الداس کی یہ حرکت ننھی شہزادی کی تیز نظروں سے کیسے چھپ سکتی تھی۔ شمائلہ کی بڑی آنکھوں نے حکیم الداس کی آستینوں کو دیکھا اور اس کا چھوٹا سا سر حرکت میں آیا۔ یہ دانستہ حرکت اتنی واضح تھی کہ فلورا کی توجہ بھی ادھر ہی چلی گئی۔

’’حکیم !آپ اپنی آستین کے نیچے کیا چھپا رہے ہیں؟ کیا آپ مجھے دیکھنے دے سکتے ہیں؟‘‘۔

’’کچھ نہیں، میں نے بس جلدی میں Huarong Dao کا ایک سیٹ بنایا ہے‘‘۔

حکیم الداس نے خراب صورتحال کو دیکھا اور جلدی سے موضوع کو بدل دیا:

’’اوہ ٹھیک ہے، علی روئی، وہ تحفہ کہاں ہے جو تم نے پرسوں شہزادی شمائلہ کو دینے کا وعدہ کیا تھا؟‘‘۔

شمائلہ کی توجہ واقعی آستین سے ہٹ گئی اور امید سے چمکتی ہوئی اس کی بڑی بڑی آنکھیں علی روئی پرپڑنے ‘‘۔

وہ بولی:

’’انسان بھائی، میں آپ کے تحفے کا انتظار کر رہی ہوں‘۔‘

بھائی کہنے کے میٹھے انداز نے علی روئی کو تین دن پہلے کا تجربہ یاد دلایا۔ اس نے ذہنی طور پرتقریباً چھلانگ لگائی اورخود سے چیخ کر کہا۔ ’’ ایک ہی چال ایک دائرے سے گزرنے والے کے لیے کارگر نہیں ہوتی‘‘۔

مگرشمائلہ کی چالاکی کے دباؤ میں علی روئی نے فوراً کچھ نکال دیا۔ وہ کسی صورت میں بھی شمائلہ کو

ناراض نہیں کرنا چاہتا تھا۔

اسے معلوم تھا کہ ننھی شہزادی بہت ہوشیار ہی نہیں چالاک بھی ہےاوروہ اس ستم ظریف کو پوری طرح اپنی گرفت میں لانا چاہتا تھا۔ اس نے سوچا کہ وہ اس کےلئے ایک یا دو چھوٹی چیزیں اور بھی بنا سکتا ہے۔ ابھی تک اسے علی روئی ’’ہوارونگ ڈاؤ ‘‘صرف ایک شے ملی تھی۔ پرسوں، اس نے مایا کو لیبارٹری میں بھیجا تھا کہ وہ علی روئی سے ایک اوردلچسپ تحفہ مانگے۔ علی روئی مجبور تھا سو اسے یہ سب کچھ کرنا تھا۔ اس نے حکیم الداس کے ساتھ مل کر ایک اور چیز بنائی۔ آج شمائلہ اپنا تحفہ دیکھنے آئی تھی۔ وہ اپنے ساتھ اپنی بہترین دوست فلورا کوبھی لائی تھی ۔

’’دوبارہ لکڑی؟ اس بار کیا ہے؟‘‘۔

شمائلہ نے مختلف اشکال اور سائز والی لکڑی کے ٹکڑوں کو تجسس سے دیکھا۔

’’چھوٹی شہزادی، آئیے دیکھتے ہیں‘‘۔

علی روئی نے لکڑی کے بلاکس کو میز پر رکھا اور مہارت سے انہیں جمع کیا۔ جلد ہی، لکڑی کے بلاکس کو ایک خوبصورت تین جہتی دل کی شکل میں ملا دیا۔ اس سے بھی زیادہ حیرت انگیز بات یہ تھی کہ یہ بغیر کسی رکاوٹ کے لگ رہا تھا جیسے اسے مجموعی طور پر بنایا گیا ہو۔

شمائلہ نے حیرت سے ایک سانس لیا اور اسے احتیاط سے اٹھایا۔ یہ محض لکڑی کے بلاکس کا ڈھیر تھا۔ تاہم جمع ہونے کے بعد ایک مضبوط چیز بن گئی۔ اگر اس نے اسے خود نہیں دیکھاہوتا تولگتا کہ علی روئی نے انہیں ایک ساتھ جوڑ دیا ہے۔ فلورا آگے آئی اور حیرت سے چیز کو دیکھا۔ مایا کی دلکش آنکھیں بھی تجسس سے بھری ہوئی تھیں۔

’’اسے burr puzzle کہتے ہیں۔ یہ سیاہ چمکدار لکڑی سے بنا ہے۔ اس کی سختی لوہے کے مقابلے میں بہت مضبوط ہے‘‘۔

علی روئی کی آنکھوں میں چمک آئی۔ اس burr پہیلی کو محبت کا تالابھی کہا جاتا ہے۔ ساخت دراصل بہت پیچیدہ تھی لیکن وہ اسے دل سے یاد رکھ سکتا تھا کیونکہ یہ ویلنٹائن ڈے پر اسے ملنے والاپہلا تحفہ تھا۔ تاہم کالج میں بہت سی دوسری محبت کی کہانیوں کی طرح سخت محنت کے باوجود اس لڑکی کے ساتھ اس کا تعلق بھی فطری انجام پر ختم ہوا۔

جب حکیم الداس نے پہلی بار اسمبل شدہ برر پزل کو دیکھا تو وہ بہت حیران ہوا۔ اسے فوراً افسوس ہوا کہ وہ کیوں دوا سازی میں مہارت رکھتا ہے۔ اگر وہ میکینکس کا حکیم ہوتا تو یہ یقینی طور پر زیادہ ترغیب دیتی۔

شمائلہ کو خاص طور پر اس قسم کے شاندار کھلونے پسند تھے۔ وہ جنونی انداز سے اس پہیلی کے ساتھ کھیل رہی تھی اس نےپوچھا:

’’کیا اس burr پہیلی کو دوبارہ جدا کیا جا سکتا ہے؟‘‘۔

’’یقینا اس کا مزہ جدا کرنے میں ہے۔ مجھے یقین ہے کہ چھوٹی شہزادی کو ذہانت کی وجہ سے کوئی مسئلہ نہیں ہوگا‘‘۔

درحقیقت یہ ایک ایسی چیز تھی جس کا علی روئی نے ذکر نہیں کیا۔ اس burr پہیلی کو پیچیدہ سمجھا جاتا ہے۔ بغیر کسی تجاویز کے حل کرنا مشکل ہوگا۔ علی روئی نے سوچاکہ اس کالے دل والی ننھی شہزادی کو آہستہ آہستہ اس کے ساتھ بار بار کھیلنے دے، تاکہ میں آرام کر سکوں اور بوٹنگ کے عمل پر توجہ مرکوز کر سکوں۔

شمائلہ نے اسے غور سے دیکھا۔ وہ اسے توڑنے سے ڈرتی تھی لیکن burr پہیلی کا مجموعہ بہت سخت تھا۔ وہ کافی دیر بعد بھی الگ کرنے کا کلیدی حصہ نہیں ڈھونڈ سکی۔ پہلو میں موجود فلورا کوشش کرنے کے لیے بے تاب تھی، وہ بولی:

’’چھوٹی شہزادی! مجھے کوشش کرنے دو‘‘۔

شمائلہ ان سنی کرتے ہوئے کوشش میں لگی رہی۔ فلورا کئی بار چیخی مگرکوئی جواب نہ ملنے کے پر اس نے اپنی حکمت عملی بدل دی۔ اس نے شمائلہ سے کہا:

’’نیلی جھیل کے ارد گرد جیڈ ڈریگن فروٹ پک چکے ہیں، میں آپ کو وہاں لے جانا چاہتی ہوں لیکن شہزادی اقابلہ جانتی ہے کہ آپ نے پچھلی بار تاریک برساتی جنگل میں میرا پیچھا کیا تھا۔ اس لیے شہزادی اقابلہ نے مجھے حکم دیا کہ تمہیں شہر سے باہر نہ لے جاؤں‘‘۔

شمائلہ کے چہرے پر ایک معصومانہ مسکراہٹ دکھائی دی اور دو پیارے ڈمپل نمودار ہوئے، وہی فرشتہ مسکراہٹ جو شمائلہ نے علی روئی سے پہلی بار ملنے پر بکھیری تھی۔

علی روئی جانتا تھا کہ کوئی بدقسمت ہونے والاہے۔ خوش قسمتی سے اس بار ہدف فلورا تھی۔

’’فلورا آپ بوغائی سلطنت کے میجر جنرل بوغا کی بیٹی ہیں۔ نیرنگ آباد میں سب سے مضبوط تلوار والی سمجھی جاتی ہیں۔ کیا آپ اس پہیلی کو حل کرسکتی ہیں؟‘‘۔

اپنے والد کا نام سن کر، وہ بھڑک اٹھی اور جواب دیا:

’’یقینا!‘‘۔

’’شرط لگائیں کہ آپ اگر ایک گھنٹہ کے اندر burr پہیلی کو حل نہ کرسکیں تو اپنی بہترین دوست شمائلہ لوسیفر کو نیلی جھیل لے جائیں گی اور اس کی حفاظت بھی کریں گی۔ کیا آپ یہ کر سکتی ہیں؟‘‘۔

فلورا حیران رہ گئی اور فوراً سر ہلا دیا:

’’اگر یہ نہ کروں تو؟‘‘۔

’’کیا بوغائی فیملی کے لوگ اپنی باتوں پر قائم نہیں رہتے؟‘‘۔

شمائلہ نے مایوسی ظاہر کی اور سر ہلایا۔

فلورا بولی:

’’تم فکر نہ کرو، یہ صرف ایک چھوٹی سی پزل ہے، ابھی حل کرلوں گی۔ فلورا بوغائی یہ چیلنج قبول کرتی ہے۔ لکڑی کا یہ چھوٹا کھلونا ایک گھنٹہ بھی نہیں لے گا ‘‘۔

شمائلہ مسکرائی۔ اس کی چالاک آنکھیں بالکل چھوٹی لومڑی جیسی تھیں۔ افسوس مایا بھی مدد نہ کر سکی۔

گھنٹہ گھر میں وقت منٹ بہ منٹ گزرتا گیا۔ علی روئی میز کے سامنے بیٹھاحکیم الداس کی کتاب’’جڑی بوٹیوں کی بنیادی باتیں’’ پڑھ رہا تھا۔ شمائلہ نے ہوارونگ ڈاؤ کا دیومالائی ورژن کے چکر میں تھی۔ حکیم الداس کی بنائی ہوئی نئی شطرنج کے چنگل سے بچ نہیں پائی تھی۔ مایاایک طرف بیٹھی دیکھتی رہی، وقتاً فوقتاً مشورے دیتی رہی۔ غریب حکیم الداس ایک کونے میں دائرے بنا رہا تھا۔

پہیلی ابھی تک برقرار تھی۔ فلورا پسینے میں نہاچکی تھی۔ ’’لکڑی کا چھوٹا کھلونا’’ اس کی پیٹھ پر موجود عظیم تلوار سے زیادہ بھاری ثابت ہوا تھا۔

اچانک شمائلہ نے چیخ ماری:

’’وقت ختم ہو گیا ہے‘‘۔

اس جملے نے تلوار والی کے غصے کو پوری طرح سے بھڑکا دیا۔ فلورا کی آنکھیں شعلے برسانے لگیں۔ جلد سرخ ہونے لگی۔ سر پر دو خمدار سینگ نمودار ہو نے لگے۔ جسم سے ایک مضبوط چمک کا اخراج ہونے لگا۔ وہ دانت پیس کربولی:

’’جس چیز پر فلورا بوغائی کے خاندان کی عزت دائو پر لگ جائے۔ اسے رہنا ہی نہیں چاہئے‘‘۔

’’ کچک ‘‘۔

ٹوٹنےکی آواز پھیلتی چلی گئی۔

دھات کی سخت سیاہ چمکدار لکڑی کے مضبوط ٹکڑے بکھرتے چلے گئے۔

لکڑی کے ٹوٹے ہوئے ڈھیر کو سب نے حیرت سے دیکھا۔ حکیم الداس نے کانپتے ہوئے ہاتھ سے فلورا کی طرف اشارہ کیا۔ وہ اتنا غصے میں تھا کہ اس کے منہ سے لفظ نہیں نکل رہے تھے۔ اس نے پہلے ہی اسے اپنے دل میں لیب کی بلیک لسٹ میں شامل کر لیا تھا۔

علی روئی نے ریڑھ کی ہڈی میں ٹھنڈک محسوس کی۔ یہ دیومالائی دائرےواقعی خطرناک ہے، مجھے زمین پر واپس جانا چاہیے۔

فلورا پزل کو توڑنے کے بعدہوش میں آئی تو اس نے دیکھا کہ شمائلہ کی آنکھوں میں آنسوؤں سے چمک رہے ہیں۔ اس نے رندھی ہوئی آواز میں کہا:

’’فلورا! یہ میرا پسندیدہ تحفہ تھا‘‘۔

’’شمائلہ! سوری، میں اسے دوبارہ بنانے کی کوشش کرتی ہوں ‘‘۔

وہ اسے جوڑنے لگ گئی مگر فلورا کی ہر کوشش ناکام رہی۔ شمائلہ اونچی آواز میں نہیں روئی تھی لیکن اس نے شکایت میں سر جھکا لیا تھا۔ اس کا نازک ساجسم کانپ رہا تھا اور برداشت کرنے کی کوشش کر رہا تھا۔ فلورا جانتی تھی کہ وہ ایک لاپرواہ شہزادی ہے، کوئی بھی فیصلہ سنا سکتی ہے۔ آخر اس نےمجرمانہ انداز میں کہا:

’’چلو نیلی جھیل چلتے ہیں تم وہاں خوش ہو جائوگی۔ ایک شہزادی کو کسی چیز کے ٹوٹنے کا غم نہیں ہونا چاہیے‘‘۔

شمائلہ نے سرخ آنکھوں سے دیکھا اور نہیں میں سر ہلا کر کہا:

’’آپ کو میری بہن نے پچھلی بار برساتی جنگل کے تاریک واقعے کی وجہ سے مورد الزام ٹھہرایا تھا۔ میں نہیں چاہتی کہ آپ پر دوبارہ کوئی الزام آئے ‘‘۔

علی روئی نے ننھی شہزادی کے بارے میں اپنی پر دوبارہ غورکیا اور فلورا کے اس جملے میں کھو گیا:

’’چھوٹی شہزادی! تم فلورا کی بہترین دوست ہو،تمہارےلیے میں ہر سزا قبول کر سکتی ہوں۔ ہر قربانی دے سکتی ہوں(اور پھرفلورا نے اپنےسینے پر ہاتھ مار کرپوری عقیدت سے کہا)صرف نیلی جھیل پر ہی نہیں تولان پہاڑ کے غار میں بھی میں تمہاری حفاظت کروں گی۔ تمہیں یاد ہے تم نے نیلی جھیل پر کہا تھاکہ جب بھی ماؤنٹین ژیلانگ جائومجھے ضرور ساتھ لے کر جانا !‘‘۔

آخرکار شمائلہ نے اپنے آنسوؤں کو ہنسی میں بدل دیا۔ فلوراکو لگا کہ دال میں کچھ کالاہے مگروہ پورا اندازہ نہیں لگا سکی۔ وہ گھٹنے ٹیک کر بکھری ہوئی سیاہ چمکدار لکڑی کے ٹکڑےاحتیاط سے اٹھانے لگی تو نیلی جھیل پرجانے کےلئے بے چین شمائلہ نے زو ر دے کر کہا:

’’اسے چھوڑو فلورا! چلو اب نیلی جھیل چلتے ہیں‘‘۔

’’ذرا رکو، مجھے دیکھنے دو کہ کیا کہ کیا یہ اس قابل ہے کہ دوبارہ ٹھیک ہو سکتی ہو، لگتا ہے یہ دوبارہ آسانی سے بن جائے گی‘‘۔

شمائلہ نے لاتعلقی سے کہا:

’’بررپزل علی روئی نے بنائی تھی۔ اب اسے کچھ اور بنانے دو‘‘۔

فلورا کی انگلیاں اچانک ہوا میں اکڑ گئیں اور ٹوٹے ہوئے ٹکڑے ادھر ادھر بکھر گئے۔ شمائلہ نےاسے دیکھا اور بڑے پیار سے کہا:

’’پیاری فلورا! بوغائی فیملی وعدہ وفا کرنے میں مشہور ہے۔ چلو نا اپنا وعدہ وفا کرو‘‘۔

فلورا مایوسی سے اٹھ کھڑی ہوئی۔ علی روئی نے سوچا کہ اس تلوار والی کی چھاتیاں تو بڑی ہیں لیکن عقل نہیں ہے۔ وہ ابھی یہی سوچ رہا تھا کہ اس کے کانوں میں شمائلہ کا یہ جملہ گونجنے لگا:

’’علی روئی! یہ عظیم شہزادی تمہیں اپنے ساتھ لے چلنے کا حکم دیتی ہے‘‘۔

علی روئی نے جلدی سے سر ہلایا۔ گھومنا پھرنا اور خوبصورتیوں سے کھیلنا اس کےلیے خوشگوار تجربہ ہو سکتا ہے مگر یہ تینوں خوبصورتیاں بڑی سیاہ دل ہیں۔ ایک جوہر چوستی ہے اور دوسری پرتشدد کہ ایک ٹکڑے میں میرے واپس آنے کے امکانات کم ہیں۔

’’کیا تم شہزادی کی حکم عدولی کر رہے ہو؟‘‘۔

شمائلہ بے اطمینانی سے بولی۔

’’علی روئی!تم ابھی تک دیومالائی دائرے میں نہیں پھرے ہو۔ چونکہ چھوٹی شہزادی میں اتنی مہربانی ہے، اس لیے تمہیں ساتھ جانا چاہیے‘‘۔

حکیم الداس نے اچانک کہا:

’’واپس آنا یاد رکھنا اور ’جڑی بوٹیوں کی بنیادی باتیں‘ پڑھنا جاری رکھنا۔ کل میں تمہیں جڑی بوٹیوں میں فرق کرنے کا سب سے بنیادی طریقہ سکھاؤں گا‘‘۔

حکیم الداس کی بات نے شمائلہ اور دوسری دو لڑکیوں کو حیران کر دیا۔ اس کا مطلب یہ تھا کہ علی روئی اس کا سٹوڈنٹ بن گیا تھا۔ وہ اب کوئی تجرباتی چیزنہیں رہا تھا۔

حکیم الداس پورے دیومالائی دائرے میں مشہور دوائیوں کا حکیم تھا۔ یہاں تک کہ نیرنگ آباد کی حکمران شہزادی اقابلہ نے بھی اس کے ساتھ شائستہ سلوک کیا۔ اب اس نے حقیقت میں ایک انسانی اسیر کو بطور اسٹوڈنٹ لیا، بس ایک رسمی سٹوڈنٹ کے طور پر، اپنے تجربات کےلئے۔

اگرچہ شمائلہ اور فلورا کے لیے دوائیوں کے حکیم کا یہ سٹوڈنٹ کوئی بڑی چیز نہیں تھا مگر علی روئی کے لیےشمائلہ زندگی کو محفوظ رکھنے والاتعویز تھی۔ اسی کے سبب اسےدیومالائی دائرے میں رہنے کی اجازت مل رہی تھی۔ بصورت دیگروہ جب بھی اپنی انسانی شناخت کے ساتھ لیب سے باہر نکلا تو اسے فوری طور پر مار دیاجائے گا۔

علی روئی شمائلہ کے ساتھ ایک سیدھے راستے جا رہا تھا۔ اسے پہلی مرتبہ احساس ہوا کہ حکیم الداس کی یہ ’’جاگیر’’ دراصل نیرنگ آباد کے محل کا بیرونی صحن ہے اور اندرونی حصہ چونکہ شہزادیوں کی رہائش گاہ پر مشتمل ہے اس لئے اس کی سخت حفاظت کی جاتی ہے۔ خوش قسمتی سےوہ پہلی بار جب باہر نکلا تھا تو اس کی شمائلہ سے ملاقات ہو گئی تھی۔ اگروہ اندرونی حصے کےکسی گارڈ کو مل جاتا تو شاید اب تک مر چکا ہوتا۔

انسانی گوشت کھانے والے ڈیمنوں کے ساتھ گھومتے ہوئے علی روئی کسی حد تک متجسس تھا کہ اصل دیومالائی دائرہ کیسا ہے۔ اس نے ایک لمحے کےلئے خود کولمبس محسوس کیا کہ اس نے ایک نئی دنیا دریافت کرلی ہے مگر پھردیومالائی دائرے کا سوچ کر کپکپا سا گیا۔

تیسرا باب

سفید برف کا انتقام

خون کے بھی کئی رنگ ہوتے ہیں

گندگی کا ڈھیر۔ کچرا۔ یہ نیرنگ آباد پر اس کا پہلا تاثر تھا۔ اس کےدماغ میں دیومالائی دائرے کی پسماندگی کا خیال لہرا گیا۔ اس نے سوچا یا تو کہانیاں غلط تھیں یا پھر یہی شہر ایسا ہے۔ پتہ نہیں دیومالائی دائرے کے دوسرے شہر کیسے ہیں۔

محل سمیت نیرنگ آباد کی زیادہ تر عمارتیں پرانی لگ رہی تھیں۔ خرید و فروخت کے لیے دکانیں اور ریڑھیاں کم تھیں۔ راستے میں اس نے جن ڈیمنوں کو دیکھا وہ زیادہ تر بدصورت کپڑے پہنے ہوئے تھے۔ پورا شہر تباہ حال، پستی کے ماحول سے بھرا ہوا تھا۔ ڈیمن کے چہروں کو دیکھ کر علی روئی کو خوف محسوس ہوا۔ اس نے سوچا کہ اگر اس روز اس کی انسانی شناخت سامنے آجاتی تو وہ یقینی طور پر مر چکاہوتااسکی لاش بھی کھائی جا چکی ہوتی۔

’’ارے! تم اپنی کمر سیدھی رکھو۔ ٹانگوں کو اتنا تنگ نہ کرو، کندھے کو بھی آرام دو!‘‘۔

فلورا کی آواز نے علی روئی کے خیالات میں خلل ڈالا۔

’’تم تومرد ہوکر بھی بالکل کمزور ہو۔ بوغائی فیملی کا کوئی بھی بچہ تم سے زیادہ طاقت ور ہے۔

اس وقت علی روئی کی حالت قدرے عجیب تھی، وہ تین سینگوں والے گینڈے کی پشت پر تقریباً لیٹا ہوا تھا۔ توازن کےلیے پوری توانائی کے ساتھ دونوں ہاتھوں سے اس کی جلد کو پکڑرکھا تھا۔ اسے لگتاتھا کہ ذرا سی غفلت ہوئی تو وہ گر پڑے گا اورگرا تو گینڈے کا ایک پاؤں ہی اس کےلیے کافی ہے۔ اس نے فلورا سے کہا:

’’میں معافی چاہتا ہوں، دراصل پہلی باراتنے بڑے جانورپر بیٹھا ہوں‘‘۔

علی روئی جب گینڈے پر سوار ہونے لگا تھاتو اسے خیال آیا کہ اس دنیا میں رکاب اور کاٹھی جیسی کوئی چیز کیوں نہیں۔ جب وہ اس ایجاد کا ذہنی طور پر سرقہ کرنے ہی والاتھا اسے احساس ہواکہ نہیں یہ مختلف برتاؤ کا قصہ ہے۔ شمائلہ اور دوسروں کا تین سینگوں والاگینڈا مکمل طور پر معاون آلات سے لیس ہے۔

’’تمہیں پہلی بار بھی اتنی مضبوطی سے پکڑنے کی ضرورت نہیں ‘‘۔

فلورا نے سرزنش کی۔

مگر شمائلہ معاملے کو سمجھ گئی تھی اس نے نرمی سےفلورا کوسمجھایا:

’’فلورا!اتنی پریشان مت ہو، پہلی باریقیناً وہ مضبوطی سے پکڑے گاوگرنہ۔۔۔۔۔ ‘‘۔

اس جملے نےعلی روئی کو تین سینگوں والے گینڈے سے تقریباً گرا ہی دیا۔ اس نے بڑی مشکل سے خود کو سنبھالا۔ راستے میں ڈیمنوں نے اس کی عجیب کیفیت کو دیکھا۔ انہوں نے اس کی طرف اشارہ کیا اور چہ مگوئیاں شروع کردیں۔ خوش قسمتی سے علی روئی نے چادر پہن رکھی تھی اس لیے اس کی انسانی شناخت عارضی طور پر ظاہر نہیں ہوئی۔ صرف وہ ڈیمن جن کی سونگھنے والی حس تیز تھی ان کےلیے مشکوک تھا۔ لیکن کوئی بھی چھوٹی شہزادی اور فلورا کےہوتے ہوئے اس تک پہنچنےکی ہمت نہ کر سکا۔

شہر کے دروازے پر پہنچ کر چاروں تین سینگوں والے گینڈوں کو روک لیا گیا۔

’’شہزادی شمائلہ، تم کہاں جا رہی ہو؟‘‘۔

جس نے تین سینگوں والے گینڈوں کو روکا وہ بکتر بند نر ڈیمن تھا۔ لمبا تڑنگا، سرخ جلد والا، سر پر دو بڑے مڑے ہوئے سینگ، شکل و شباہت سے گریٹ ڈیمن لگ رہا تھا۔

’’اوہ، یہ شیرف ہے، جنرل ایان، جو آج سلطنت کے معائنے کےلیے نکلا ہوا ہے۔

شمائلہ نرمی سے مسکرائی:

’’ہم نیلی جھیل کی طرف جا رہے ہیں‘‘۔

جنرل ایان نے ہیبت ناکی سے کہا:

’’حال ہی میں نیلی جھیل پر کچھ واقعات ہوئےہیں جو بہت پریشان کن ہیں۔ مجھے لگتا ہے سویا ہوا زہریلا ڈریگن جاگ اٹھا ہے۔ تفتیش کے لیے اسکاؤٹس بھیجے ہیں۔ شہزادی شمائلہ تب تک وہاں کھیلنے کا ارادہ ترک کر دیں جب تک حفاظتی انتظامات کی تصدیق نہ ہو جائے‘‘۔

’’زہریلا ڈریگن ہزاروں سالوں سے سو رہا ہے۔ وہاں تاریک سورج کے بادشاہ کی طرف سے سب سے زیادہ طاقتور تاریک چمک کا تالا لگاہے۔ اس لیے کوئی مسئلہ نہیں ہونا چاہیے۔ ‘‘

شمائلہ نے علی روئی کی طرف اشارہ کرتے ہوئے کہا:

’’میں اس بار کھیلنے نہیں جا رہی، یہ حکیم الداس کا نیا سٹوڈنٹ ہے۔ حکیم نے مجھے کچھ جڑی بوٹیاں جمع کرنے کے لیے نیلی جھیل پر لے جانے کو کہاہے ‘‘۔

حکیم الداس اس سلطنت کا ایک اہم نمائندہ تھا۔ محل کےمحافظ بھی اس کی لیب کےقریب جانے کی ہمت نہیں کرتے تھے اور سوچتے تھے کہ محل کے بیرونی صحن میں اتنے خطرناک کردار کو کیوں رکھا ہے۔ حکیم الداس پراسرار اور خوفناک دوائیوں کا حکیم تھا۔ اس کا احترام اپنی جگہ پر مگر ایک ایسے سٹوڈنٹ کی بھرتی پر کسی اور تو کجا خود ایان کو بھی تجسس تھا۔ وہ سوچنے لگا کہ یہ نیاسٹوڈنٹ ڈیمنوں کی کس نسل سے تعلق رکھتا ہے۔ ایان کی آنکھیں اچانک تیز ہو کر علی روئی پر مرکوز ہوگئیں۔ اسی لمحے شمائلہ نے علی روئی کی چادر اتاردی۔

ایان کے پیچھے ایک سپاہی چیخا:

’’یہ وہی انسان ہے جسے ہم نے پکڑا تھا!‘‘۔

اچانک ہر قسم کی مخالف نظریں علی روئی پر مرکوز ہو گئیں۔ اس نے اپنے چہرے پر کوئی تاثر نہ آنے دیا لیکن ٹھنڈے پسینے کو ماتھے پر بہنے سے نہ روک سکا۔

ایان نے فوجیوں سےعلی روئی کی شناخت دریافت کی تو اسے یاد آیا جب اس نے ایک انسان کے ملنے کی اطلاع شہزادی رائل کو دی تھی تو وہاں اس وقت حکیم الداس موجود تھا۔ اس نے شہزادی سے درخواست کی تھی اپنے تجربات کےلئےانسان اس کے حوالے دیا جائے۔ پھر اسے لے گیاتھا۔ اب ایک قیدی حکیم کا سٹوڈنٹ بن چکا ہے ؟۔

شمائلہ نے ایان سے اس کا تعارف کرایااس انداز میں کرایا جیسے وہ اس کے بارے میں کچھ زیادہ نہ جانتی ہو۔ اس نے کہا:

’’اس انسان کا نام علی روئی ہے۔ فارماسیوٹکس میں اس کی قابلیت کی وجہ سے حکیم الداس نے اسے ایک باضابطہ سٹوڈنٹ کے طور پر قبول کیا ہے۔ اب یہ ہمارے نیرنگ آباد کا حصہ ہے ‘‘۔

فلورا نے بے صبری سے کہا:

’’اس کے بارے میں شمائلہ اور میں نے آج ہی حکیم سے سنا ہے۔ اگر آپ کو کوئی شک ہے تو حکیم الداس سے براہ راست پوچھ سکتے ہیں!‘‘۔

’’فلورا!معذرت، میرا یہ مطلب نہیں میں۔۔ ‘‘۔ اور’فلورا نے اس کاجملہ کاٹ کر سرد لہجے میں کہا:

’’ایان !تمہاری پوچھ گچھ ختم ہوجانی چاہیے۔ جڑی بوٹیاں اکٹھی کرنے میں تم ہمیں لیٹ کرا رہے ہو‘‘۔

فلورا کے دو ٹوک رویے کے سامنے ایان بے بس محسوس ہوا۔ اس نے شمائلہ سے کہا:

’’چھوٹی شہزادی! آپ جائیں مگر میں آپ کی حفاظت کے لیے سپاہیوں کا ایک دستہ ساتھ ضروربھیجوں گا‘‘۔

شمائلہ نے مسکرا کر پوچھا:

’’تم کیوں پریشان ہو؟۔ کیا تم سمجھے ہو فلورا میری حفاظت نہیں کر سکتی؟‘‘۔

فلورا نے اپنی خوبصورت بھنویں اونچی کیں۔ اس کی سرخ آنکھوں میں ایک تیز کرن چمک رہی تھی۔ ایان نے جانے کی اجازت دیتے ہوئے علی روئی کو ایک سرد نظرڈالی اورکہا:

’’دیکھ فرار ہونے کی کوشش کرنا نہ کوئی چال چلنا۔ ورنہ میں تمہاری ساری ہڈیاں گودے میں بدل دوں گا‘‘۔

چھوٹی شہزادی کی طرف سے آگے بڑھنے کا شارہ ہوا۔

چار تین سینگوں والے گینڈے بھاری قدموں کے ساتھ شہر کے بڑےدروازے سے باہر نکل آئےاور یہ خبر برق رفتاری سے نیرنگ آباد میں پھیل گئی کہ حکیم الداس نے ایک نیا سٹوڈنٹ بھرتی کیا ہے جو انسان ہے۔

شمائلہ نے فلورا کی طرف دیکھتے ہوئے مسکرائی اور کہا:

’’ مجھے لگتا ہے کہ ایان دل کابرا نہیں۔ آپ دونوں کی فیملیوں کے آپس میں بہت گہرے مراسم ہیں اگر اس نے آپ کی اجازت کے بغیر براہ راست آپ کے والد کو شادی کی پیشکش نہیں کی ہوتی تو آپ شاید اسے اتنا ناپسند نہ کرتیں‘‘۔

فلورا نے حقارت سے کہا:

’’میں اسے شروع سے ہی ناپسند کرتی ہوں، یہ بچپن سے ہی ڈرپوک اور نااہل ہے۔ شیرف تو یہ اپنی کارون فیملی کے اثر رسوخ سے بن گیا ہے۔ صرف کمزوروں کو دھمکانا جانتا ہے۔ اس کے پاس کوئی حقیقی صلاحیت نہیں ہے‘‘۔

علی روئی کو بھی معاملے کی سمجھ آ گئی تھی۔ شمائلہ بولی:

’’وہ اب بھی مجھے لائن مارنے کی کوشش کر رہاتھا‘‘۔

فلورا نے طنز یہ انداز میں بڑے غرور سےکیا:

’’پہلے میری تلوار سے تو پوچھےجو کہےفلورا میری ہے۔ اسے کوئی نہیں لے جا سکتا۔ مجھے پورا یقین ہے اسی نے بڑی شہزادی کوہمارے تاریک برساتی جنگل کے سفرکی شکایت کی ہوگی۔ مجھے اس شخص سے نفرت ہے‘‘۔

شمائلہ ہنس پڑی۔

’’تیزچلو ‘‘۔

تین سینگوں والے گینڈوں کی رفتار تیز ہونے لگی۔ یقین کرنا مشکل تھا کہ اتنے بڑے جسموں والے جانوراتنے تیز رفتار بھی ہو سکتے ہیں۔ کسی قسم کی کاٹھی نہ ہونے کے سبب علی روئی کے لیے یہ تیز رفتاری عذاب کی طرح تھی۔ وہ مضبوطی سے گینڈے پرلیٹا کئی بار گرتے گرتے بچا۔ فلورا کو دیوہیکل گینڈے کی پیٹھ پر آرام سے بیٹھے ہوئے دیکھ کر علی روئی کو اپنی کم مائیگی کا احساس ہوا۔

زمین کے اوپر دھوپ والی دنیا کےآرتھر کی یاد کے مقابلے میں دیومالائی دائرے کا ماحول بہت زیادہ خراب تھا۔ یہاں روشنی کا منبع آسمان کے دو روشن ستارےتھے۔ یہ ستارہ کہلانے والاروشنی اور حرارت کا منبع زمین کے لیے سورج سے کافی چھوٹا تھااورزیادہ تر دھوئیں کے بادلوں سے ڈھکا رہتا تھا۔ شام کووہی چاند بن جاتے تھے۔ ان سے ٹھنڈی ٹھنڈی ہلکی ہلکی روشنی نکلنے لگتی تھی۔ دن اور رات کے درمیان درجہ حرارت کا فرق بہت زیادہ تھا۔

راستے میں بہت پرانے کائی سے اٹے ہوئے بڑے بڑے جوہڑ بھی دکھائی دیے۔ نامعلوم تاریک اور پراسرار غاریں اور عجیب و غریب پودے،ان سب چیزوں نے مل کر ایک تاریک لیکن خوبصورت زمین کی تزئین کی تشکیل کی ہوئی تھی۔ پہاڑوں سے گھری ہوئی نیلی جھیل بہت بڑے علاقے پر محیط تھی۔ ماحول بہت ہی پرسکون تھا۔ جھیل کے پانی کا رنگ گہرا نیلا تھا۔ یہ پانی جھیل کے کنارے پر اگے ہوئے پودوں اور پھولوں کو خوبصورت تر بنا رہا تھا۔ جھیل کے کنارے پر یہ تاریک دنیا کسی جنت کی طرح لگ رہی تھی۔ علی روئی کو شمائلہ سے معلوم ہوا کہ جھیل کا پانی اس لئے نیلا ہے کہ ایک زہریلا ڈریگن جھیل کے اندر سو رہا ہے۔ اس کے جسم سے نکلنے والے زہر نے جھیل کے پانی کو نیلا کرد یا ہے۔ یہ جھیل بھی زہریلی ہو چکی ہے۔ اس جھیل میں کوئی جاندار چیز نہیں رہی۔ یہ تمام سرسبز پودے زیادہ تر انتہائی زہریلے ہیں۔

حتی کہ سبز گھاس میں بھی ہلکی سی نیلاہٹ موجود تھی۔ اسی سے علی روئی کو اندازہ ہوا کہ زہریلے ڈریگن کے زہر کی طاقت خوفناک حد تک زیادہ ہے۔ اس نے سوچا کہ چند زہریلے ڈریگنوں کی معمولی سی حرکت شہر کی ساری آبادی کو ختم کر سکتی ہے۔ شاید اس لیےکبھی کسی نے اسے چھیڑنے کی کوشش نہیں کی۔

یہ زہریلا اژدہا کئی ہزار سال سے جھیل میں سو رہا تھا۔ چار سو سال پہلے نیرنگ آباد کے علاقے میں خانہ جنگی ہوئی تھی۔ جب دیومالائی دائرے کا سب سے مضبوط آدمی تاریک سورج کا بادشاہ فوج کی قیادت کر رہا تھا وہ اپنی فوج کے ساتھ نیلی جھیل کے پاس سے گزرا تو اس نے بھی زہریلے ڈریگن کو جگانے کی ہمت نہیں کی اورتاریک چمک کا تالاکی مہر لگادی تھی تا کہ یہ ڈریگن مسلسل سویا رہے۔

’’ڈیمن کے دائرے میں خوبصورت چیزیں اکثر زیادہ خطرناک ہوتی ہیں‘‘۔

علی روئی نے دل ہی میں شمائلہ کی بات سے اتفاق کیااور خود سے کہا:

’’بے شک فی میل دیومالائین زیادہ خطرناک ہیں ‘‘۔

اورخوبصورت ترین فلورا اور شمائلہ کے بارے میں سوچنے لگا۔

جھیل میں سویا ہواڈریگن نمائشی نہیں تھا۔ فلورا کے ساتھ بھی چھوٹی شہزادی نے جھیل کے قریب جانے کی ہمت نہ کی۔ دونوں نے احتیاط سے ایک محفوظ پہاڑی کی چوٹی کا انتخاب کیا جہاں سے اس وسیع و عریض جھیل کا منظر بہت ہی خوبصورت دکھائی دیتا تھا۔

’’میں کافی عرصے سے نیلی جھیل کے قریب نہیں گئی ہوں۔ فلورا! تمہیں یاد ہے جب ہم پچھلی بار یہاں آئے تھےتو اس وقت بھی اس کے قریب نہیں گئے تھے ‘‘۔

فلورا قدرے ہچکچائی۔

مایا نے کہا:

’’ چلو اس کے قریب جا کر پکنک مناتے ہیں ‘‘۔

شمائلہ نے کہا:

’مگر ایان نیلی جھیل پر ہونے والے کچھ عجیب و غریب واقعات کا ذکر کررہا تھا‘‘۔

مایا بولی:

’’چلو پھل چن کر جلدی جلدی واپس واپس آتے ہیں‘‘۔

فلورا نے کہا:

’’کیا تم واقعی اس ڈرپوک ایان کی باتوں پر یقین کرتی ہو؟‘‘۔

شمائلہ نے نفی میں سر ہلایا اور کہا:

’’نہیں۔ مجھے معلوم ہے اگر تم نے اسے ساتھ آنے کی دعوت دی ہوتی تو فوراً کہتازہریلے ڈریگن کا صفایا ہو چکاہے، یہ نیلی جھیل اس کے خاندان کے باتھ روم سے زیادہ محفوظ ہے‘‘۔

’’مگرمیں اس قسم کے نفرت انگیز آدمی کو کبھی مدعو نہیں کروں گی‘‘۔

فلورا نے شمائلہ سے اتفاق کیا۔

’’ٹھیک ہے پھر، مایا کچھ جیڈ ڈریگن فروٹ لے گی۔ میں کچھ شکار کروں گی۔ (علی روئی سے )تم اور شمائلہ اس جگہ کو جتنا سجا سکتے ہو سجا دو‘‘۔

درحقیقت علی روئی سپرسسٹم کی ترقی کو بڑھانے کےلیے زہریلے پھولوں کو استعمال کرنے کی کوشش کرنا چاہتا تھا۔ لیکن جھیل میں خوفناک گوشت خور پھول اور ڈریگن پر غور کرتے ہوئے اس نے فوری طور پر اس خیال کو ترک کر دیا۔ مایا اور فلورا کے جانے کے بعد شمائلہ نے علی روئی کو جگہ کی صفائی کا حکم دیا۔ شمائلہ کی کلائی پرایک عجیب و غریب کڑاتھا۔ یہ کڑا زنبیل کی طرح تھا اس میں چیزیں کو ذخیرہ کیا جاسکتا تھا،لیکن مقداربہت زیادہ نہیں، کیونکہ اندر سے زیادہ بڑا نہیں تھا۔ شمائلہ نےیہ زنبیل پوری طرح سے بھری ہوئی تھی۔ جیسے ہی اس جادوئی چیز کا منہ کھلا، بہت سی چیزیں گر پڑیں۔

دونوں نے مل کر ضرورت کی تمام چیزیں سجادیں۔ پکنک کے برتنوں کا پورا سیٹ تیارکر کے ایک طرف سجادیا۔ نیچے بیٹھنے کےلئے قالین کے چھوٹے چھوٹے چار ٹکرے رکھ دیے۔ شمائلہ کے کھیلنے کی بھی تمام چیزیں باہر نکال دیں۔ علی روئی کو شمائلہ کا کڑا دیکھ کر عمرو عیار کی زنبیل یاد آ گئی۔

شمائلہ نے اس طرف دیکھا جدھر فلورا اور کیا گئی تھیں۔ دور دور تک ان کی آمد کا کوئی امکان نہیں تھا۔ یہ دیکھ کر کہ آس پاس کوئی نہیں ہے شمائلہ آہستہ آہستہ علی روئی کی طرف بڑھنے لگی۔ علی روئی ایک لمحے کے لیے گھبرا گیا اور پوچھا:

’’چھوٹی شہزادی، کیا بات ہے؟‘‘۔

شمائلہ نے ایک عجیب سی مسکراہٹ کے ساتھ کہا:

’’یہ بات نہیں، اصل میں تم یہ کہنا چاہتے ہو کہ میرے قریب مت آؤ، اگر آئی تو میں کسی کو بلا لوں گا۔ تب میں کہوں گی کہ تم چیختے رہو گے یہاں تک کہ پنی آواز کھو دوگے مگر کوئی تمہیں بچانے نہیں آئے گا‘‘۔

علی روئی نے بے آواز ہو کر آنکھیں موند لیں۔ اس نے پھر پوچھا:

’’پکارو اور پکارتے پکارتے اپنی آواز کھو دو تاکہ تمہیں یقین آجائے کہ کوئی تمہیں بچانے کےلیے آیا‘‘۔

علی روئی اس طرح خاموش رہا جیسے شہزادی شمائلہ اس کا کچھ بھی نہیں بگاڑ سکتی۔ ایکس اسے کچھ دیر حیرت سے دیکھتی رہی اور پھر بولی:

’’لگتا ہے کہ انسانی دنیا کے پاس بھی ڈیمن کنگ اور شہزادی نام کی یہی کہانی موجودہے‘‘۔

علی روئی ناقابل فہم انداز میں مسکرایا لیکن کوئی جواب نہیں دیا۔ شمائلہ نے کہا:

’’مجھے ایک اچھی سی کہانی سناؤ۔ بالکل اسی طرح جیسے قدیم دورکی تم نے پہلے کہانی سنائی تھی۔

علی روئی کا دل تیزی سے دھڑک رہا تھا اس کے لب آہستہ آہستہ وا ہوئے:

’’وہ کوئی کہانی نہیں تھی، ایک حقیقی واقعہ تھا۔ اگر مجھے حکیم کے خیالات ورثے میں نہیں ملے ہوتے تو میں ہوارونگ ڈاؤ اور برر پزل کیسے بنا سکتا تھا‘‘۔

’’میں تمہیں ایک راز بتاؤں گی جو فلورا بھی نہیں جانتی‘‘۔

شمائلہ نے پراسرار آواز میں کہا۔

’’جب میں تم سے پہلی بار ملی تھی تو لوسیفر کی منفرد صلاحیتوں میں سے صرف ایک کو بیدار کیا تھا جسے مائنڈ ریڈنگ کہا جاتا ہے۔ اورمیں نے اتفاق سے تم پر تجربہ کیا تھا‘‘۔

علی روئی کوذہنی طور پر ایک جھٹکا لگا اور وہ کچھ دیر بول نہ سکا۔ یہ سوچ کر اور زیادہ پریشان ہو گیا کہ یہ بچی تو اس کے اندر کی ایک ایک بات جان چکی ہے۔ شمائلہ اسے تیز نظروں سے گھورتی رہی۔ علی روئی سوچنے لگا کہ اس بچی کے ساتھ کس طرح آگے بڑھا جائے گا کیا یہ سچ مچ مائنڈ ریڈکر سکتی ہے۔ کیا اسے سپرسسٹم کے متعلق بھی علم ہے۔ اچانک شمائلہ ہنس پڑی

’’فکر نہ کرو میری مائنڈ ریڈنگ پاور اب کمزور ہے۔ میں صرف یہ بتا سکتی ہوں کہ تم جھوٹ بول رہے ہوسچ۔ میں دماغ کے مخصوص خانوں میں اب نہیں جھانک سکتی۔ گہرائی میں پھرتی تحریریں نہیں پڑھ سکتی، مثال کے طور پرمجھے یہ معلوم نہیں ہوسکتا کہ تمہیں مایا پسند ہے‘‘۔

یہ سن کرعلی روئی نے سکون کا سانس لیا اور سوچنے لگا کہ کیا شمائلہ واقعی ذہنوں کو پڑھ سکتی ہوگی۔ شمائلہ کی اس گفتگو کا اصل مقصد کیا ہے۔ کیا شمائلہ میں مایا کے ساتھ کسی طرح کی رقابت کا احساس جاگا ہے۔ مایا واقعی ایک ایساسائرن تھا جو کسی کو آسانی سے مار سکتا تھا۔

علی روئی کو مسلسل خاموش دیکھ کر شمائلہ بولی:

’’دراصل مائنڈ ریڈنگ میں بہت زیادہ روح کی توانائی استعمال ہوتی ہے، اسے استعمال کرنے کے بعد مجھے کچھ دن آرام کرنا پڑ جاتا ہے۔ فکر نہ کرومیں اسے تم پر ضائع نہیں کروں گی‘‘۔

شمائلہ نے انگرائی لے کر کہا:

’’میں بہت تھکی ہوئی ہوں۔ اگر تم کوئی کہانی سنائو تو مجھے اچھا لگے گا‘‘۔

’’تم نے کچھ بھی نہیں کیا اور تھکاوٹ کی شکایت کرتی ہو؟‘‘۔

علی روئی نے شمائلہ سے کہا۔

وہ بولی:

’’تمہیں میری محنت نظر نہیں آ سکتی ‘‘۔

علی روئی نے سوچا اس بات پر یقین کرنا بہتر ہے کہ اس کے پاس مائنڈ ریڈنگ کی طاقت موجودہے۔ یہ پیاری سی چھوٹی شہزادی ایک چھوٹی مادہ ڈیمن ہے۔ ابھی اس کی بات ماننا ہی بہتر بات ہے۔

علی روئی نے چھوٹی شہزادی کو ’’دی ڈیمن کنگ اینڈ دی شہزادی‘‘ کا اضافی مضحکہ خیز ورژن بتایا۔ یہ چھوٹی سی بورنگ کہانی چھوٹی شہزادی کو بہت پسند آئی۔ اسے سنتے ہوئے اس کی آنکھیں نم ہو رہی تھیں۔ جب اس نے سنا کہ ڈیمن بادشاہ نے خودکشی کر لی ہے تو وہ اس سے مطمئن نہیں ہوئی۔ اس نے اس کہانی کے مرکزی کردار کو ایک شریر انسانی جنگجو اور ایک مہربان خاتون ڈیمن میں تبدیل کردو۔ علی روئی نے اپنا سر کھجایااور بدلنے کا وعدہ سا کرلیا۔

اب وہ حکیم الداس کو اپنا بنا چکا تھا۔ اپنے آپ کو اس کا سٹوڈنٹ۔ دیومالائی دائرے میں رہنےکےلئے ضروری تھا کہ انسانوں کا غدار سمجھا جانا چاہیے۔ اس نے سوچا اپنی زندگی کو برقرار رکھنے کےلئے دیومالائی دائرے جو کچھ چاہتی ہے تم ویسا ہی کرو ممکن ہے کسی وقت انسانی دنیا میں واپس جانے کا موقع مل جائے۔

مایا پھلوں سے بھری ٹوکری لے کر واپس آئی۔ جیڈ ڈریگن فروٹ خشک اخروٹ سے ملتا جلتا تھا۔ بظاہر یہ بہت بڑا، پتلی جلد والا میٹھا گوشت تھا۔ علی روئی نے اس کا ذائقہ چکھا اور اس کا ذائقہ پستے کی طرح تھا۔ یہ پھل واقعی لوگوں کو اپنی طرف راغب کر سکتا تھا۔ ااسے اب اندازہ ہوا کہ چھوٹی شہزادی نے نیلی جھیل پر آنےکےلئے اصرار کیوں کیا۔

جلد ہی فلورا بھی صاف شدہ چند مچھلیوں اورشکار شدہ دو بکری نما جانوروں کو اٹھائے پہاڑ کی چوٹی پر واپس آگئی۔ یہ مچھلیاں اس نے ایک پہاڑی کی ندی سے پکڑی تھیں۔ اس نے آتے ہی کہا:

’’عجیب بات ہے، ابھی دو مہینے ہی ہوئے ہیں۔ آس پاس کا شکار اتنا کم کیسے ہوگیا؟‘‘۔

فلورابھی الجھن میں تھی۔

’’میرے ہاتھ صرف یہ کچھ آیا۔ مجھے نہیں لگتاکہ یہ ہمارے لیے کافی ہے‘‘۔

’’چھ مچھلیاں اور دو بھیڑیں کافی نہیں ہیں؟ ‘‘۔

علی روئی چونک کر :

’’کل چار لوگ، تین عورتیں، اور ایک مرد، کیا تم سب ٹاؤٹی ہو ‘‘۔

فلورا اور مایا کی حرکتوں میں یک لخت تیزی آگئی۔ انہوں نے فوراً گوشت کاٹا اور پھر لوہے کی سلاخوں ٹانگ دیا۔ مصالحے وہ ساتھ لائی تھیںجن کے لگانے کام شمائلہ کررہی تھی۔ علی روئی نے والدین کی وفات کے بعدکچھ عرصہ اپنےلیے کھانا تیار کیا تھا۔ وہ اتنے اچھے کھانے پکانے لگا تھا کہ یونیورسٹی میں دوست اسے ’’لٹل گاڈ آف کوکری‘‘ کے نام سے پکارنے لگے تھے۔ اس وقت جو مصالحہ مچھلیوں کو لگایا جارہا تھا، علی روئی نے اس میں پوری دلچسپی لی۔ علی روئی کی بنائی ہوئی گرل فش چکھنے کےبعد تینوں لڑکیاں باربی کیو کے سارے پرانے ذائقے بھول گئیں۔ یہاں تک کہ مایا بھی متاثر ہوئی۔ چھوٹی شہزادی نے فخر سے کہا کہ علی روئی کو ساتھ لانے کی غیر معمولی فیصلہ اس نے کیا تھا۔ فلورا خاموشی سے کھانا کھانے میں مصروف رہی۔ علی روئی کو اب اندازہ ہوا کہ فلورا کیوں کہہ رہی تھی کہ شاید کھانا کافی نہ ہو۔ مبالغہ آمیز حد تک فلورا نے بہت زیادہ کھانا کھایا۔ جب شمائلہ باتوں میں مصروف تھی، فلورا نےاس کی پلیٹ سے اپنی پلیٹ میں سے کھانا جھاڑ لیا۔ شمائلہ بہت سست تھی۔ اس نے مچھلی کی چند سیخوں کو دیکھا جنہیں علی روئی نے ابھی باربی کیو کیا تھا، وہ اسے پکڑنے ہی والی تھی کہ وہ بھی فلورا لے اڑی۔ اس نے شرمندگی سے کہا:

’’پہلے تم اسے کھا لو۔ میں بعد میں کھا لوں گی ‘‘۔

علی روئی نے جلدی سے کچھ اور تیار سیخیں شمائلہ کے حوالے کیں۔ چھوٹی مادہ ڈیمن کے لیے مہربانی کا اظہار کرنا شاذ و نادر ہی تھامگر اس نے علی روئی کا شکریہ ادا کیا۔

اس ماحول نے علی روئی کو ماضی کی یاد دلادی جب اس نے یونیورسٹی میں اپنے چند قریبی دوستوں کے ساتھ باربی کیو کیاتھا۔ شمائلہ نے گرل مچھلی کے چند نوالے لیے۔ دیکھا کہ علی روئی اپنے خیالوں میں گم تھا، اس نے جیڈ ڈریگن فروٹ اس کے سر پر پھینکا اور ہنس پڑی۔

’’ علی روئی! یقین نہیں آتا کہ تمہاری بنائی ہوئی گرل فش کا ذائقہ اتنا اچھا ہے۔ آج سے میں تمہیں اپنا کھلونا لڑکا قرار دیتی ہوں‘‘۔

علی روئی نے سوچا، کیا یہ پیاری لڑکی’’کھلونا لڑکے‘‘ کا مطلب جانتی ہے؟۔

فلورا کی ساری توجہ کھانے پر تھی اس لیے وہ لاتعلق تھی۔ صرف کیا نے علی روئی کو وارننگ کے طور پر ایک نظر ڈالی لیکن بولی نہیں۔ کھانا کھانے کے بعد شمائلہ کی دھمکی اور بہکاوے نے علی روئی کو مجبور کردیا کہ اب وہ باورچی نہ رہے داستان گو بن جائے۔ علی روئی نےایک لمحہ ضائع کئے بغیر اپنا کرادار بدلااور انہیں کہانیاں سنانے لگا۔

علی روئی کی منتخب کردہ کہانی زمین کی مشہورداستان ’’سفید برف ‘‘تھی جو انہیں اتنی پسند آئی کہ انہوں نے دو مرتبہ سنی۔ تینوں لڑکیوں نے کہانیوں پر کئی قسم کے اعتراض کیے اور علی روئی نے قبول کیے اور ان کہانیوں میں ترمیم کو ضروری قرار دیا۔

باربی کیو ختم ہو چکا تھا۔ تینوں لڑکیوںکا پیٹ بھر چکا تھا۔ وہ اب کھانےپر لڑنے والی نہیں لگ رہی تھی بلکہ ہر معاملے میں اکٹھی تھیں۔ زور و شور سے ہونے والی گفتگو مدہم ہوتی گئی۔ ان کی آوازیںمدھم ہوتی ہوئی آہستہ آہستہ خاموش ہو گئیں، حتیٰ کہ سب سے زیادہ متحرک نظر آنے والی شمائلہ بھی وہیں زمین پر سو گئی۔

علی روئی نے ایک نظر تینوں پر ڈالی۔ اسے یقین ہو گیا کہ تینوں حسینائیں سو رہی ہیں مگرجاگنے والاآدمی تھا بھیڑیا نہیں۔ اس نے خود سے سوال کیا:

’’کیا میں کچھ کر سکتا ہوں؟‘‘۔

علی روئی نے اپنا سر نفی میں ہلایا۔ یقیناً یہ سیاہ دل شہزادی شمائلہ کا ڈرامہ ہے جس میں اس نے فلورا اور مایا کو بھی شامل کر لیا ہے یا صرف مجھے دکھانے کےلیے گہری نیند میں ہیں۔ اگر میں نے فرار ہونے کی کوشش کی تو اس جال میں پھنس جاؤں گا۔ بہتر یہی ہوگا کہ اس وقت تک انتظار کروں جب تک کہ چھوٹی شہزادی ڈرامے میں اپنا صبر نہ کھو دے، پھر اس کا مذاق خطرناک نہیں رہےگا۔

علی روئی کو شمائلہ کی اداکاری اچھی نہیں لگ رہی تھی۔ اس کے سانس بہت لمبے اور جعلی محسوس ہورہے تھے اور بھی بہت سی خامیاں تھیں۔ فلورا کا انداز بھی مصنوعی سا اور عجیب تھا۔ اس نے سوتے ہوئے اپنی تلوار کو مضبوطی سے پکڑ رکھا تھا۔

’’ بیچارہ ایان‘‘۔

علی روئی کو ایان یاد آگیا جو فلورا سے شادی کرنا چاہتا ہے۔ وہ تو فلورا کی تلوار سے بھی مقابلہ نہیں کر سکتا۔ سب سے کامیاب اداکاری مایا کی تھی۔ لگتا تھا کہ وہ واقعی سو رہی ہے۔ پیٹھ کی گولائیوں کی وجہ سے وہ بہت پرکشش لگ رہی تھی۔ اس بار یہ ایوارڈ مایا کے حصے میں آیا۔

علی روئی اپنے پیشہ ور اوٹاکو کے نقطہ نظر سے فیصلہ کر رہا تھا، پھر اسے آہستہ آہستہ محسوس ہوا کہ کچھ غلط ہو رہاہے۔ اس نے باربی کیو کا سامان ایک طرف ہٹایا اور اٹھ کھڑا ہوا۔ اس نے دیکھا کہ تین سینگوں والے چاروں گینڈے بے چین ہورہے ہیں۔ وہ اپنی بھاری آواز میں غرا رہے تھے۔ علی روئی کے ذہن میں اطلاعات کی آوازیں آنے لگیں۔ سپر سسٹم کی پیشرفت خود بخود بڑھتی چلی جاتھی۔ یہ سلسلہ آہستہ آہستہ شروع ہوا مگر تیز تر ہوتا چلا گیا۔ 20فیصد سے 30 فیصد تک پہنچا اور پھر یکدم 80فیصد تک بڑھتا چلا گیا۔

حکیم الداس کی لیبارٹری میں مختلف زہروں کے باوجود یہ صرف20 فیصد سے بھی کم تک پہنچ سکتا تھا۔ علی روئی سوچنے لگا کہ یہاں اتنی خوفناک زہریلی چیز کیا تھی جس نے سسٹم کی ترقی کو اتنی تیزی سے بڑھا دیا۔ کیا یہاں کی ہوا یکدم زہریلی ہو گئی ہے۔ وہ خوش تھا کہ سپرسسٹم اسٹارٹ اپ کی پیش رفت میں تیزی آئی ہے۔ مگر جب علی روئی نے پہاڑ کے دامن میں آئینہ مثال نیلی جھیل پر نظر ڈالی تو اسے ایک خیال آیا اور فوراً ٹھنڈا پسینہ آنے لگا۔ پھر خیال حقیقت بن گیا۔ ہلکی سی ہوا چلی، پھر اچانک ایک چھوٹے بالوں والاآدمی علی روئی کے پاس نمودار ہواعلی روئی نے مقابلے کےلئے ہاتھوں میں باربی کیو والی سیخیں پکڑ لیں۔ اس آدمی کے بال کالے تھے۔ بھوری پیلی جلدتھی۔ مضبوط بدن تھا۔ اس نے ایک عجیب گہرےدائروں والالباس پہناہوا تھا۔ ایسا لگتا تھا کہ جسم عجیب و غریب علامتوں کے تاروں سے گھرا ہوا ہے جس سے ہلکی سی چمک نکل رہی ہے۔ علی روئی نے اس سےپوچھا:

’’تم یہاں کیوں آئے ہو ‘؟‘۔

آدمی کو اس سوا ل نے دنگ کر دیا اور اس نے حیرت سے پوچھا:

’’کیا تم مجھے جانتے ہو؟‘‘۔

علی روئی نے نیلی جھیل پر فضا میں ہاتھ پھیرتے ہوئے کہا:

’’زہر یلاڈریگن؟‘‘۔

ڈریگن مسکرا کر اپنے سفید دانت دکھاتے ہوئے بولا:

ہاں !تم مجھے گریٹ پوائزن ڈریگن یا پوائزن ڈریگن کہہ کر مخاطب کرسکتے ہو۔

’’تم یہاں کیوں آئے ہو ؟‘‘۔

علی روئی کے لئے یہ جملہ بہت خوفناک تھا۔ اس ذہن نے ڈریگن کے کہے کے کئی مفہوم نکالے۔ اس نے سوچا کہ یہ کہہ رہا ہے تمہیں یہاں نہیں آنا چاہیے تھا،۔ تم یہاں آگئے ہوتو اب مر جاؤ گے۔

دل دہلا دینے والی خاموشی کے بعد دونوں ایک دوسرے کو قدر کی نگاہ سے دیکھنے رہےتھے۔ ڈریگن کو علی روئی کوئی عام سا انسان نہیں لگ رہا تھا۔ اسے معلوم تھا کہ اس کے زہرنے اس پر کوئی اثر نہیں کیا۔ دوسری طرف علی روئی کا دل دھڑک رہا تھا۔ وہ قدیم زہریلے ڈریگن کے بارے میں ہر بات جان چکا تھا اور اس سے دوستی کا خوہش مند تھا۔ اس نے ڈریگن سے تعلق بنانے کی پلاننگ شروع کردی۔

’’پوائزن ڈریگن ! مجھے اسی وقت معلوم ہوگیا تھا کہ تم جاگ چکے ہو جب فلورا نے بتایا کہ آس پاس شکار بہت کم رہ گیا ہے۔ یہ لیجئے بار بی کیو کھائیے‘‘۔

علی روئی نے باقی بچا ہوا تمام بار بی کیو ڈریگن کے سامنے رکھ دیا۔

علی روئی سوچ رہا تھا کہ زہریلا ڈریگن ہزاروں سالوں سے سو رہا تھا اور اسے دیومالائی دائرے کے سب سے مضبوط آدمی نے تاریک چمک کے تالے سے سیل کر دیا تھا۔پھر یہ کیسے جاگ پڑا ہے اور اس سے میرا سامنا ہی کیوں ہواہے ؟۔ زہریلے ڈریگن نے فوراً باربی کیو کا سارا گوشت ختم کر دیا اور خالی لوہے کی سلاخوں کو زمین پر پھینکتے ہوئے علی روئی سے پوچھا:

’’تم ایک انسان ہو۔ یہ بڑی عجیب بات ہے۔ تم یہاںدیومالائی دائرے میں موجود ہواوریہ باربی کیو بہت زیادہ لذیذ ہے۔ کیا مزید ہے۔ ابھی میں نے کچھ دیومالائی سکاوٹس کا گوشت کھایا ہے۔ بہت بد ذائقہ تھا‘‘۔

زہریلے ڈریگن نے جنرل ایان کی طرف سے بھیجے گئے اسکاؤٹس کے خاتمے کا اتفاقی طور پر انکشاف کیاتوعلی روئی نےاپنی ریڑھ کی ہڈی میں سردی محسوس کی۔ اس نے خوف کو دبانے کی کامیاب کوشش کرتے ہوئے کہا:

’’نہیں۔ ختم ہوچکا ہے اگر پوائزن ڈریگن ، یہی بار بی کیو اور کھانا چاہتےہیں تو جاکے شکار کر لائیں، میں آپ کو باربی کیوکرکے دے دوںگا‘‘۔

’’کیا کچھ ریڈی میڈ نہیں بن سکتا ؟۔ یہ تین سینگوں والے گینڈے کا ذائقہ تو بالکل اچھا نہیں ہوتا‘‘۔

ڈریگن نے گینڈوں کی طرف اشارہ کرتے ہوئے کہا جو بہت پہلے بیہوش ہو گئے تھے۔ پھر اس نے تینوں مادہ ڈیمنوں کی طرف دیکھااور بولا:

’’دراصل یہ ٹھیک ہیں۔ اور ہاں، جہاں تک تمہاراتعلق ہے تو جب تک تم کی خدمت کرتے رہو گے میرے لیے باربی کیو پر توجہ مرکوز رکھو گے تب ہی تمہاری زندگی برقرار رہے گی ‘‘۔

ایک کمزور آواز آئی:

’’نہیں ایسا نہیں ہو سکتا ‘‘۔

یہ فلورا کی آوازتھی۔ وہ واقعی نیرنگ آباد کی بہترین تلوار باز کہلانے کے لائق تھی۔ اس نے درحقیقت زہریلی نیند کا مقابلہ کیا اور بیدار ہو گئی۔ اب اس کی شکل بھی بدل گئی تھی، بھوری جلد ہلکی سرخ ہو چکی تھی، سر پر دو خمدار سینگ نکل آئے تھے، آنکھیں لال لال ہو گئیں۔ وہ بالکل اسی دیومالائی شکل میں آ گئی تھی جس نے بررپزل کو تباہ کیا تھا۔ اس کا جسم بھی جلتے ہوئے شعلوں سے ڈھکا ہوا تھا، پھر بھی وہ مدھم نظر آرہا تھا۔ وہ صرف عظیم تلوار سے اپنے جسم کو سہارا دے سکتی تھی۔

’’علی روئی! جلدی سے شمائلہ کے ساتھ بھاگ جاؤ، میں اسےروکتی ہوں!‘‘۔

اتھینا دانت پیس کر چلائی۔ اس کی سانس تیز تھی اور آگ کے شعلےمزید روشن ہو گئے تھے۔

’’زیادہ پر اعتماد، بیوقوف عورت! یہاں تک کہ تم اپنی طاقت کو جلا دیتی ہو، تو تب بھی سنکھیار کی طاقت کا مقابلہ نہیں کر پاؤ گی‘‘۔ زہریلے ڈریگن نے حقارت کے ساتھ اپنی زہریلی پھونک اس کی طرف پھینکی اور دیومالائی تلواروں کی عظیم تلوار اس رفتارسے زنگ آلود ہوتی چلی گئی۔ پھر تھوڑی ہی دیر بعد زنگ آلود عظیم تلوار چھوٹی سے چھوٹی ہوتی گئی یہاں تک کہ وہ فلورا کے وزن کو مزید سہارا نہیں دے سکتی تھی، پھر ’’پھاہ‘‘کی آواز آئی اور تلوار بکھر گئی۔

فلوراکی طاقت زہر کی وجہ سے ماند پڑ گئی تھی جس سے وہ زمین پر گر گئی۔ اس کی دیومالائی شکل اور زندگی کا شعلہ آہستہ آہستہ غائب ہو کر انسانی شکل میں واپس آ گیا۔ اگر زہریلا ڈریگن اسے خوراک کے طور پر رکھنا نہ چاہتا تو وہ سفید ہڈیوں کا ڈھیر بن جاتی۔

’’دیکھا؟ اے انسان! تیرے پاس صرف دو ہی راستے ہیں، تابعداری کرو یا مر جاؤ‘‘۔

سنکھیار نے طنز کیا۔

’’اب سنکھیار چھوٹی بچی کو کھا نا شروع کرے گا۔ ابھی فیصلہ کرو!‘‘۔

اس نے دل میں فیصلہ کر لیا اور مضبوطی سے سر ہلاکر کہا:

’’یہ ممکن نہیں ہے ‘‘۔

اس نے سوچا اگر شمائلہ واقعی یہاں مر گئی تو شہزادی رائل اقابلہ یقینی طور پر اپنی تمام طاقت بدلہ لینے کے لیے وقف کر دےگی۔ اس وقت یہ ڈریگن تو پھر جھیل کی تہہ میں جاکر سوجائے گا اور سارا الزام مجھ پر آئے گا۔ نہیں نہیں میں یہ برداشت نہیں کر سکتا کہ اتنی خوبصورت سی چھوٹی شہزادی کو یا فلورا اور مایا کو یہ خوفناک زہریلا ڈریگن کھاجائے۔ مجھے کچھ کرنا ہوگا، چاہے زندگی کی بازی ہی کیوں نہ لگانی پڑے۔ مجھے ان تینوں کو بچانا ہے۔ اور اگر یہ مر گئیں تو تم کونسا بچ جائو گے۔ کسی بھی وقت یہ ڈریگن تمہیں کھالے گا۔ کانپنے اور کونے میں چھپ کرمرنے سے بہتر ہے خطرہ مول لیا جائے۔ شاید اس سے بچنے کا امکان پیدا ہو جائے۔ ویسے بھی جب سے وہ اس دنیا میں آیا ہے خطرے ہی تو مول لیتا آیا ہے۔

فلورا نے حیرت سے علی روئی کی طرف دیکھا۔ اسے یہ توقع نہیں تھی کہ شمائلہ کابیان کردہ لالچی اور خوف زدہ انسان خوفناک زہر یلے ڈریگن کا سامنا کرتے ہوئے اتنا بہادر ہوسکتا ہے۔ اس نکتے کی بنیاد پر وہ اسے ایان سے بہت بہتر لگا۔

’’تم کمزور انسان سنکھیار کی مہربانی سے انکار کرنے کی ہمت کررہےہو!‘‘۔

زہریلے ڈریگن کی قاتلانہ آنکھیں للکار رہی تھیں۔ اس کے ہاتھ میں موجود لوہے کی سلاخ اچانک زنگ آلود ہوکر سبز دھوئیں کے بادل میں غائب ہو گئی۔

’’میں پہلے تمہیں کھاؤں گا، پھر تمہاری عورتوں کو!‘‘۔

’’رکو!‘‘۔

اس نے بڑی جرات اور دانشمندانہ لہجے میں کہا۔

علی روئی کے پاس شمائلہ اور لڑکیوں کے ساتھ اپنے تعلقات کی وضاحت کرنے کا وقت نہیں تھا۔ وہ زندگی اور موت کی کشمکش کے لمحے میں بالکل پرسکون ہوگیاتھا۔

’’تم پوائزن ڈریگن ہو۔ تمہیں اپنے زہر پر بڑا ناز ہے۔ ہے نا؟؟‘‘۔

ڈریگن بولا:

’’ہاں مجھ سے زیادہ زہریلا ڈریگن اور کوئی نہیں۔ میں تمام زہریلے ڈریگنوں کا ماسٹر ہوں ‘‘۔

علی روئی بولا:

’’توآؤ پھر ایک شرط لگاتے ہیں، تم نے اگر تم مجھے زہر سے شکست دے لی تو میں ہتھیار ڈال دوں گااور اگر تم ایسا نہیں کر سکےتو پھر ہم چاروں کو جانے دو گے‘‘۔

’’شرط؟‘‘۔

سنکھیار نے چونک کر علی روئی کی طرف دیکھا۔ علی روئی محسوس کر سکتا تھا کہ سپرسسٹم بوٹنگ کی پیشرفت جو شروع میں رک گئی تھی آہستہ آہستہ دوبارہ بڑھنے لگی، 82.6فیصد 83.1فیصد ہو گئی ہے۔ ڈریگن نے کہا:

’’ تمہاری چھوٹی سی جانیں ابھی تک میرے ہاتھ میں ہیں۔ میں ایسی بورنگ شرط نہیں کھیلنے جا رہا ‘‘۔

زہریلا ڈریگن چالاک تھا، دراصل بات کرتے ہوئے زہر چھوڑ رہا تھااور زہر کے بیکار ہونے کی تصدیق کرنے کے بعداس نے علی روئی کی تجویز مسترد کر دی۔

’’میں تم جیسے بے اختیار انسان ایک انگلی سے مسل سکتا ہوں‘‘۔

علی روئی نے چالاکی پر لعنت بھیجی اور فوراً موضوع کو بدل دیا۔ اس نے شمائلہ کی طرف اشارہ کیا جو فلورا کے پیچھے لیٹی ہوئی تھی، کہا:

’’یہ چھوٹی لڑکی تومانی سلطنت کی چھوٹی شہزادی شمائلہ لوسیفر ہے۔ اگرتم نے اسے تکلیف پہنچانے کی ہمت کی تو تمہیں پوری تومانی سلطنت کے غضب کا سامنا کرنا پڑے گا‘‘۔

لوسیفر فیملی؟؟، تومانی سلطنت ؟‘‘

سنکھیار نے طنزیہ قہقہہ لگایا۔

’’میری طاقت کو کیا سمجھتے ہو۔ اگر ساکیا لوسیفر ابھی تک زندہ ہے تو صرف وہی میری برابری کر سکتا ہے‘‘۔ ساکیا لوسیفر پچھلی دو نسلوں کی تومانی سلطنت کا عظیم شہنشاہ تھا۔ اس کی طاقت ظالمانہ تھی۔ وہ ڈیمنوں کے پروں کے طور پر جانا جاتا تھا۔

علی روئی نے جانچنا جاری رکھا:

’’مبالغہ آرائی نہ کرو۔ جب سےتم جاگ رہے ہوتواس جگہ ہزاروں سالوں سے ناکافی خوراک کے ساتھ کیوں سو رہے ہو؟۔ تمہارے جسم پر زنجیر جیسی علامتیں مہرہیں۔ میں نے سنا ہے کہ چار سو سال پہلے دیومالائی دائرے کے سب سے مضبوط ڈیمن مڈنائیٹ سن کے لارڈ نےتم پر تاریک چمک کے تالے کی مہر لگائی تھی‘‘۔

زہریلےڈریگن نے جھنجھوڑ کر کہا:

’’تاریک چمک کا تالا؟ ‘‘۔

علی روئی نے زہریلے ڈریگن کو ہچکچاتے ہوئے دیکھا اور ڈھٹائی سے کہا:

’’مجھے اندازہ لگانے دو، پوائزن ڈریگن اس وقت سیل کو دیکھ رہاہوں۔ مہر کو پڑھ رہا ہوں۔ مجھے معلوم ہو چکا ہے کہ تمہاری نقل و حرکت پر پابندی ہے۔ تمہاری طاقت کمزور کردی گئی ہے۔ اگر یہ خبر پھیل گئی کہ تمہاری طاقت پر مہر لگی ہوئی ہے تو مجھے یقین ہے کہ بہت سے لوگ ڈریگن واریر کے ٹائٹل کے لیے تمہارے ساتھ لڑنے آجائیں گے‘‘۔

سنکھیار کا لہجہ بدل گیا اور اس نے غصے سے کہا:

’’ذلیل انسان! سنکھیار کو دھمکی دینے کی جرأت کر رہے ہو! میں تمہیں زہر سے راکھ کا ڈھیر بنا دوں گا!‘‘۔

علی روئی نے دیکھا کہ سنکھیار شیر کی کھال میں ایک گدھا ہے۔ وہ آہستہ آہستہ بالکل پرسکون ہوتاگیااور بولا:

’’تمہیں پتہ ہونا چاہیے کہ میں تمہارے زہر سے نہیں ڈرتا‘‘۔

اس سے پہلے کہ علی روئی اسے عظیم حکیم سے ڈرانا شروع کرتا، سنکھیار اچانک انتہائی حیران نظر آیا اور کہنے لگا:

’’ تم نے کہا تم میرے جسم پر مہر لگی ہوئی دیکھ رہے ہو۔ یہ کیا علامت کسی زنجیر کی ہے؟‘‘۔

’’ہاں‘‘۔

علی روئی نے سنکھیار کے جسم پر ان علامتوں کی طرف اشارہ کیا جو مدھم روشنی کا اخراج کر رہی تھیں۔

’ ’کئی علامتیں ہیں، حرکت کرتی ہوئی، زنجیروں کی طرح دائروں میں ‘‘۔

سنکھیار غیر معمولی طور پر مشتعل ہو گیا:

’’یہ کیسی علامتیں ہیں ؟ ان کامطلب کیا ہے؟‘‘۔

علی روئی نے سر ہلا کر فلورا سے پوچھا:

’’فلورا! کیا یہ تاریک چمک کے تالے کا خاص متن ہے؟ میں اسے پڑھ نہیں پا رہا‘‘۔

’’کون سی علامتیں؟ میں انہیں نہیں دیکھ سکتی‘‘۔

فلورا نے الجھن میں پڑ کر آنکھیں پھیلائیں۔ اس کی آنکھوں میں سنکھیار کے جسم پر وہ کچھ نہیں تھا جو علی روئی نے کہا تھا۔

’’کیا تم دونوں ایسی واضح چیزیں نہیں دیکھ سکتے ہو ؟ ‘‘۔

علی روئی نےلوہے کی سلاخ سےکچھ علامتیں زمین پرنقل کیں۔ فلورا بولی:

’’کیا ایسی علامتیں ہیں؟۔ یہ تاریک چمک کا تالا تو نہیں ؟‘‘۔

یہ تو قدیم روئن ہے! یہ واقعی ایسی ہی چیز ہے ! ‘‘۔

سنکھیار نے جو ابھی تک مشکوک تھا اس نے علی روئی کی ڈرائنگ دیکھ کر اندازہ لگایا کہ یہ کوئی حیرت انگیز انسان ہے۔ دوسری طرف وہ جانتا تھا کہ قدیم روئنز! زہریلے ڈریگن پر ایک مہر ہےاور وہی سب سے طاقتور مہرہے۔ سنکھیار نے لوہے کی سلاخ اپنی مٹھی میں مضبوطی سے پکڑی، وہ بے چین سا ہو گیا۔ اس نے اپنے آپ سے کہا:

’’صرف وہی عورت قدیم روئنز کو سمجھتی ہے۔ مجھے ایسا نہیں کرنا چاہیے تھا‘‘۔

علی روئی نے سنکھیار کو جذباتی طور پر غیر مستحکم ہوتے دیکھا، اس نے چپکے سے فلورا کو اشارہ کیا۔ فلورا کو احساس ہوا اور آہستہ آہستہ شمائلہ کے قریب پہنچی۔ وہ موقع سے فرار ہونا چاہتی تھی۔

مگر سنکھیار نے ایک دھمکی آمیز چمک جاری کی۔ بہت دور سےعلی روئی کے پاؤں ٹھنڈے ہو گئے۔ وہ خوفناک دباؤ برداشت نہ کر سکا اور زمین پر گر پڑامگر پھر اٹھ کھڑا ہوا۔ ڈریگن نے کہا:

’’تم نے سنکھیار کا راز دریافت کیا ہے، اور اب جانے کا سوچ رہے ہو؟ تمہیں تو آج ہی مرنا ہے‘‘۔

علی روئی نے جواباً کہا:

’’شہزادی رائل اور جنرل ایان دونوں جانتے ہیں کہ ہم آج نیلی جھیل پر آ ئے ہیں۔ اگر تم ہمیں ماروگے اور حالات کو مزید خراب کرو گے تو تمہارا انجام اچھا نہیں ہوگاحکیم پوائزن!۔ پوائزن کی طرح باقی طاقتیں بھی بے اثر ہوجائیں گی۔ تم ہم معاہدہ کیوں نہیں کرلیتے؟ تم ہمیں جانے دوگے وعدہ کرو تو ہم تمہاری مہر توڑنے میں تمہاری مدد کرنے کی کوشش کر سکتے ہیں‘‘۔

سنکھیار حیران رہ گیا اور پوچھا:

’’آپ قدیم روئنز کی مہر کو توڑنے کے لیے کیا کر سکتے ہیں؟‘‘۔

قدیم روئنز کے بارے میں اپنی لاعلمی کی وجہ سےعلی روئی نے حکیم کے ساتھ چال چلنے کی ہمت نہیں کی۔ اس نے کچھ سوچا اور کہا:

’’شمائلہ تومانی سلطنت کی چھوٹی شہزادی ہے، ہم کسی ایسے شخص کی تلاش کر سکتے ہیں جو قدیم روئنز میں مہارت رکھتا ہو جوتاریک چمک کا تالاکھولنے میں تمہاری مدد کر سکے تاکہ صدیوں بعد تم اصل آزادی حاصل کر سکو‘‘

سنکھیار نے طنز یہ انداز میں کہا:

’’مجھے ڈر ہے کہ جومدد کو آئیں گے وہ ڈریگن سلئیر ہوں گے۔ تاریک چمک کے تالے کچھ بھی نہیں ہے۔ قدیم روئن اصل مہر ہے اور یہ تقریباً دو ہزار سال پہلے کھو چکی ہے۔ اس کے علاوہ یہ مہر ’’ایک عورت‘‘ نے لگائی تھی۔ مجھے ڈر ہے کہ سرپھری عورت کے علاوہ پورے دیومالائی دائرے میں کوئی بھی مہر نہیں توڑ سکتا‘‘۔

علی روئی بیوقوف نہیں تھا۔ اس نے پہلے ہی تصدیق کر دی تھی کہ یہ زہریلا ڈریگن اب لوگوں کو نہیں کھانا چاہتا لیکن وہ اسے مہر توڑنے کے لیے استعمال کرنا چاہتا ہے۔ ورنہ وہ اپنے پنجوں سے حملہ کر دیتا۔ علی روئی مزید پُر اعتماد ہو رہا تھا۔

’’ٹھیک ہے، پھر سرپھری عورت کو تلاش کرلیتے ہیں‘‘۔

سنکھیار کچھ دیر تک علی روئی کو غور سے دیکھتا رہااور پھر بولا:

’’مجھے یقین ہے کہ تم میری مدد نہیں کروگے؟‘‘۔

علی روئی نے سنجیدگی اور اعتماد سے کہا:

’’ہم ایک حکیم سرونٹ کا معاہدہ کرلیتے ہیں تاکہ دونوں ایک دوسرے کو دھوکہ نہ دے سکیں‘‘۔

اس دنیا میں معاہدہ ایک منفرد روحانی اصول تھا جس کے لیے دو رضاکارانہ جماعتوں کی ضرورت تھی۔ خلاف ورزی کرنے والے فریق کے خلاف کارروائی کی جائے گی اور سزائیں دی جائیں گی۔ ڈریگن نے کہا:

’’یہ یاد رکھو ! معاہدہ توڑنے کی سزا بہت سخت ہے۔ جو بندہ خیانت کرے گا تو فوراً مر جائے گا‘‘۔

علی روئی ہچکچایامگرسنکھیار کی طرف اعتماد سے دیکھتا ہوا بولا:

’’یہ ٹھیک ہے،مجھے قبول ہے۔ شاید تم نہیں جانتے دوسروں کو بچانا انسان کی فطری خوبی ہے۔ یہ برابر کی سطح کا معاہدہ ہوگا مگر میں تمہیں قید سے آزادی دلائوں گا اوراس کا صلہ بھی نہیں مانگوں گا‘‘۔

ڈریگن کو بات تھوڑی دیر کے بعد سمجھ آئی اور وہ غصے سے بولا:

’’میں مالک ہوں! تم غلام ہو! لعنتی آدمی! یہ مہربانی نہیں ہے، یہ ایک سودا ہے‘‘۔

معاہدے کے لیے باہمی مفادات کا ہونا ضروری ہے۔ علی روئی سکون سے مسکرایا:

’’چونکہ یہ ایک معاہدہ ہے اس لیے ہم دونوں کو مخلص ہونا چاہیے اور شرائط پر بات کرنی چاہیے۔ یعنی یہ دیکھنا ہوگا کہ میں تمہاری مدد کروں گا تو مجھے کیا ملے گا

چوتھا باب

موت کا معاہدہ

یادداشت میں پہلی چیز انڈے کا چھلکا بھی ہو سکتا ہے

سنکھیار نے انتہائی سرد لہجے میں کہا:

’’طاقتور لوگ احترام کے قابل ہوتے ہیں ان کی عزت کی جاتی ہے۔ میں نےتمہاری جان بخشی کی اور اسی قیمت پر تم میرے غلام بنے۔ یہ صرف اتنی سادہ سی بات ہے۔ بحث کے لیے کچھ نہیں ہے۔ ‘‘

علی روئی نے سکون سے سر ہلایا:

’’ہماری تقدیریں آپس میں جڑی ہوئی ہیں۔ اگر آپ نے ہمیں قتل کیا تو آپ اپنے آپ کو بھی مایوس کن صورتحال میں ڈال دیں گے۔ اس لیے ہمارے درمیان ڈیل اور تعاون کا مساوی رشتہ ہے۔ آقا اور نوکر کا فرق ناممکن ہے۔ یہ جیتنے یا ہارنے کی صورت میں طے ہوگا‘‘۔

سنکھیار نے ناپسندیدگی کے ساتھ کہا:

’’میں جو جانتا ہوں وہ یہ ہے کہ تمہاری زندگی میرے ہاتھ میں ہے۔ تمہیں موت سے بچانا میری مہربانی ہے۔ اگرتم پریشان کرتے رہے تو سنکھیار اب تم سب کو کھا جائے گا‘‘۔

علی روئی نے کچھ دیر سنکھیار کی طرف دیکھا اور اچانک اپنی آواز کو بلند کر دیا:

’’جینے کی کیا خوشی ہے؟ مرنے سے ڈرنے کی کیا بات ہے؟۔ چونکہ میں غلطی سے دیومالائی دائرےمیں گر گیا ہوں اس لئے پہلے سے ہی خطرے میں ہوں۔ میں ایک کمزور انسان سہی مگرایک سچا آدمی ہوں۔ میں اپنی زندگی کے واحد وقار کو کبھی نہیں چھوڑوں گا۔ تمہیں تھوڑا بہت میرا اندازہ ہو چکا ہے۔ زہر پر ناز کرنے والے ! حقائق پہ غور کرو۔ سچائی کو سمجھو‘‘۔

فلورا کی آنکھیں اچانک چمک اٹھیں۔ مایوس کن لمحے میں کوئی دوسرے کی حقیقی خوبیوں کو دیکھ سکتا ہے۔ کمزور، دبلا پتلا انسان لگتا تھا کہ بڑا اور طاقتور ہو گیاہے۔ یہ سچی ہمت تھی۔ اس نے سوچااگر یہ ایلون فیملی کے ایان یا یوسف ہوتے تو ڈر جاتے اور ان کے پاؤں ٹھنڈے پڑ جاتے۔ وہ اسے ایک مختلف زاویے سے دیکھ رہی تھی۔ یہ انسان واضح طور پر غیر متزلزل لگ رہاتھا۔

علی روئی جانتا تھا کہ سنکھیار پھنس گیا ہے اور وہ اسے استعمال کرنے کا ارادہ رکھتا ہے۔ اس نے جان بوجھ کر ایک پرسکون موقف اختیار کیا تھااورپانسا پلٹ دیا تھا۔ اس نے صورتحال کو اور واضح کرنے کی کوشش جاری رکھی۔ وہ سوچ رہا تھا کہ ڈریگن اتنی آسانی سےاپنی جان کو شرط کے طور پر لگانےکی ہمت نہیں کرے گا۔ علی روئی نے پھر ایک اور جملہ شامل کیا:

’’میں، علی روئی، اِس دنیا میں انسانوں کے وقار کی قسم کھاتا ہوں کہ واقعی زہریلے ڈریگن سنکھیار کی مہر توڑنے میں مدد کرنا چاہتا ہوں۔ اگر کوئی خلاف ورزی ہوئی تو میں بری طرح مر جاؤں گا اور میری روح غائب ہو جائے گی‘‘۔

اتنی بھاری قسم کی بات سن کر سنکھیار حیران رہ گیا۔ وہ نہیں جانتا تھا کہ پہلا جملہ پہلے ہی جھوٹ سے بھرا ہوا تھا۔ علی روئی اس دنیا کا انسان ہی نہیں تھا۔

’’ سنکھیار! میں مہر توڑنے میں تمہاری مدد کرنے کو تیار ہوں۔ لیکن میں بھی ہمیشہ زندہ رہنا چاہتا ہوں اور اس کےلئے تمہاری دوستی اور مدد کی امید رکھتا ہوں۔ اپنا خلوص ظاہر کرنے کے لیے میں تمہیں زہر کے خلاف اپنی مزاحمت کا راز بتا سکتا ہوں۔ اپنا سب سے بڑا راز۔ ‘‘

زہریلے ڈریگن نے ایک لمحے کے لیے علی روئی کی طرف دیکھا اورکہا:

’’اےانسان !تمہاری فصاحت تمہاری طاقت سے کہیں بہتر ہے۔ اگر تم مجھے اپنا خلوص دکھا سکتے ہیں تو سنکھیار تمہارے ساتھ مساوی معاہدے پر دستخط کرنے پر غور کر سکتا ہے‘‘۔

علی روئی کو اچانک بالکل کمتر پوزیشن سے برابر کی پوزیشن پر چھلانگ لگاتے ہوئے دیکھ کر فلورا کو لگا کہ کوئی معجزہ ہواہے۔ وہ ایک ڈریگن کا سامنا کر رہا تھا۔ اس مقابلے میں حکمت اور بہادری صرف ایک تعریفی اصطلاح تھی۔ یہاں معاملہ اس سے کہیں آ گے کا تھا۔ فلورا کے نزدیک موت یقینی تھی مگرعلی روئی نے اسے ٹال لیا تھا۔ علی روئی نہیں جانتا تھا کہ اس نے غیر ارادی طور پر فلورا کے دل میں ایک مضبوط امیج بنا لیا ہے۔

علی روئی کا ’’خلوص‘‘ عظیم آقا اور قدیم دور کی کہانی کو دہرانے کے علاوہ کچھ نہیں تھا۔ اس نے کچھ چھوٹی تفصیلات کو ایڈجسٹ کیاتھا۔ زہریلے ڈریگن کو حکیم الداس کے مقابلے میں واضح طور پر قائل کرنا خاصامشکل تھا۔ وہ خاموشی اختیار کر رہا تھا لیکن فلورا اس میں کھو چکی تھی۔ ڈریگن کا اعتماد جیتنے کے لیے علی روئی نے ایک نیا کھلونے کا سیٹ پیش کیا۔

عمودی اور افقی گرڈز کی تین قطاریں زمین پر کھینچ دیں، کل33 گرڈز۔ مرکز کے علاوہ ہر گرڈ پر ایک سوراخ بنا دیا گیا۔ پھر شطرنج کے ٹکڑوں کے طور پر ہرسوراخ پر ایک پتھر رکھ دیا۔ زہریلے ڈریگن نے حیرت سے اس چیز کودیکھا۔ اس نے اپنے ہزاروں سال کے تجربے میں ایسی چیز کبھی نہیں دیکھی تھی۔ علی روئی نے پیگ سولیٹیئر کے گیم پلے کی وضاحت کے لیے گرینڈ حکیم کی ایلکمی ڈیڈکشن ٹول کو کور کے طور پر استعمال کیا۔

کہا جاتا ہے کہ یہ کھیل ایک رئیس نے ایجاد کیا تھا جو انقلاب فرانس سے پہلے باسٹیل میں بند تھا اور جلد ہی مقبول ہو گیا۔ گیم پلے چیکرز کی طرح تھا۔ یہ ایک شخص نے کھیلا تھا۔ وہ ٹکڑا جس پر چھلانگ لگانی ہےہٹا دی جائے گی۔ جتنے کم قدم استعمال کیے جاتے ہیں اور جتنے کم پیسزرہتے ہیں اتنا بہتر ہے۔ باقی ٹکڑوں اور پوزیشن کے مطابق اسے 6لیولز میں تقسیم کیا گیا۔ اس میں علی روئی کا کس ٹم گریٹ حکیم لیول تھا۔

پیگ سولٹیئر ہوارونگ ڈاؤ اور روبک کیوب کو دانشورانہ کھیل کی دنیا میں تین ناقابل یقین معجزات سمجھا جاتا تھا۔ فلورا کو اس قسم کی اعصاب شکن چیزوں سے الجھن ہونی تھی لیکن ایک دھوکے باز زہر یلےڈریگن کے لیے یہ مختلف کھیل تھا۔ اگر یہ مساوی معاہدہ نہیں تھا لیکن ڈریگن اسے آزمانے کے لیے بے چین تھا۔ اس نے کہا:

’’میں آگے کیاکہنے جا رہا ہوں۔۔۔ میں نہیں چاہتا کہ اسے کوئی تیسرا شخص سنے۔ اےعورت! فرار جیسے احمقانہ کام کرنے کی کوشش نہ کرنا‘‘۔

زہریلے ڈریگن نے فلورا کی طرف دیکھا۔ علی روئی نے اپنی آنکھوں سے فلورا کو اشارہ کیا۔ فلورا نے سر ہلایا اوروہ شمائلہ اور مایا کے پاس جا کر بیٹھ گئی۔

زہریلے ڈریگن نے سنجیدہ انداز میں علی روئی سےکہا:

’’میں زہر کا حکیم ڈریگن ہوں، سنکھیار مہیراچیلز، تم اپنا نام بتاؤ‘‘۔

سنکھیار نےاپنے پورے نام کے ساتھ اپنا تعارف کرایا یہ اس بات کی واضح دلیل تھی کہ اس کا رویہ بدل چکاہے۔ زہریلا ڈریگن بھی ایک مخمصے میں تھا۔ اس کے خیال کے مطابق نہ تو ان لوگوں کو مارا جا سکتا تھا اور نہ ہی رہا کیا جا سکتا تھا۔ دوسرا اس انسان کے پاس واقعی کوئی پراسرار اور طاقتور ورثہ موجود ہے۔ یہ یقینی طور پر مہر توڑنے کے قابل ہو سکتا ہے۔

’’میرا نام علی روئی ہے‘‘۔

علی روئی نے آخر کار سکون کا سانس لیا۔ تعلقات عامہ کا یہ مشکل کام بالآخر انہوں نے مکمل کر ہی لیا۔

’’علی روئی! تم نے کامیابی سے سنکھیار کا اعتماد جیت لیا ہے ‘‘۔

زہریلے ڈریگن نے کہا:

’’کچھ چیزیں ہیں جو میں تمہیں مساوی معاہدے پر دستخط کرنے کے بعد ہی بتا سکتا ہوں۔ بہت کچھ سوچنے کے بعدمیں تمہارےساتھ ایک علامتی معاہدہ کرنا چاہتا ہوں۔ دوسرے لفظوں میں ہماری زندگیاں جڑی ہوں گی۔ اگر تم نے ایک دن میری دوستی اور بھروسہ چھوڑ دیا تو تم اپنی جان گنوا دو گے‘‘۔

ایک علامتی معاہدہ کی تجویز علی روئی کی توقع سے زیادہ تھی۔ اس نے جلدی سے سوچا اور سر ہلایا:

’’یہ طے شدہ بات ہے کہ میرے اندر ڈریگن چلبلٹر بننے کی کوئی خواہش نہیں ہے۔ چونکہ یہ مشترکہ زندگی کاایک معاہدہ ہے اس لیے میں تمہیں بتا دینا چاہتا ہوں کہ اگر مجھے کوئی حادثہ پیش آجائے یا میں بڑھاپے کے سبب مر جاؤں تو تم بھی مر جاؤ گے؟‘‘۔

ڈریگن نے کہا۔

’’ہاں سمبیوٹک معاہدے کی ایک اہم خصوصیت زندگی کا اشتراک ہے‘‘۔

سنکھیار نے اوروضاحت کرتے ہوئے کہا:

’’ڈریگنزمیں زرخیزی کی صلاحیت انتہائی کم ہوتی ہے لیکن زندگی کا دورانیہ بہت طویل ہوتا ہے۔ کچھ چند ملین سال تک پہنچ سکتے ہیں۔ میں اب چودہ ہزار سال کا ہوں۔ اس علامتی معاہدے پر دستخط کرنے کے بعدتم میری زندگی کے ساتھ جڑ جائوگے۔ تمہارے لیے وقتی طور پر بڑھاپے میں مرنے کا کوئی مسئلہ نہیں ہوگا۔ اس کے علاوہ تمہارے جسم کے بعض پہلوؤں سے بھی اس معاہدے سے ایک خاص فائدہ ہوگا‘‘۔

’’زندگی کا اشتراک ‘‘علی روئی ایک دم چونک گیا۔ چینی تاریخ میں بہت سے شہنشاہوں نے لافانی بننے کا پیچھا کیا لیکن کوئی کامیاب نہیں ہوا یہاں تک کہ دیومالائی دائرے کا شاہی خاندان کی عمر (بغیر کسی حادثے کے) عموماً ایک یا دو ہزار سال ہوتی ہے، عام ڈیمن کے پاس چند سو سال ہوتے ہیں۔ اس دنیا میں انسان کی عمر تو بہت ہی کم ہوتی ہے۔

’’اور حادثاتی موت ‘‘۔

سنکھیار نے سر ہلایااور کہا:

’’ہم میں سے کسی ایک کی حادثاتی موت ہوتی ہے تو دوسرے کی موت ناگزیر ہے۔ میں تمہیں سچ بتاؤں گا۔ میری طاقت کم ہو گئی ہے۔ میں صرف ایک شخص کے ساتھ معاہدہ کر سکتا ہوں۔ قدیم روئنز کے معاملے کو راز میں رکھنے کے لیے میں شروع میں تمہیں قتل کرنا چاہتا تھا اور اس عورت کو اپنی نوکرانی بنا ناچاہتا تھا۔ لیکن تمہاری حکمت بھری گفتگو اور تمہاری صلاحیتوں نے میرا ذہن بدل دیا ہے یا تم کہہ سکتے ہو کہ تمہاری چال کامیاب ہوئی ہے‘‘۔

علی روئی کو پسینہ آ گیا۔ معلوم ہوا کہ وہ واقعی موت کے کنارے پر تھا۔ زہریلے ڈریگن نے سب سے محفوظ راستہ اختیار کیا۔ دونوں کی زندگی ایک دوسرے سے جڑی ہوئی تھی۔ مفادات اور خطرات ایک ساتھ رہیں گے۔ لہذاعلی روئی مہر کے معاملے کو کبھی نظر انداز نہیں کر سکتا تھا۔ زہریلے ڈیگن کو بہتر طور پر زندہ رہنے کو یقینی بنانا ہی اس کی لمبی عمر کی ضمانت تھا۔

’’صرف ایک یاددہانی،تم مجھ سے کہیں زیادہ خطرہ مول لے رہے ہو۔ ایک کمزور انسان کے طور پر مجھے دیومالائی دائرے میں بہت سے خطرات کا سامنا کرنا پڑے گا‘‘

علی روئی نے ایک لمحے کے لیے سوچا اور کہا:

’’اگر تم ان کو پہلے سے جانتے ہواور ایک علامتی معاہدے پر دستخط کرنے پر اصرار کرتے ہو تو میں اتفاق کرتا ہوں‘‘۔

زہریلے ڈریگن نے سر ہلایا اور معنی خیز مسکراہٹ دی:

’’آئیے اپنے خدا جیسے عظیم آقا کی وراثتی طاقت پر عارضی طور پر یقین کریں‘‘۔

علی روئی بھی ہنس دیا۔ خیالی حقیقت نہیں ہوگی۔ ناولوں کی تفصیل جیسا ہونا ناممکن ہے۔ صرف مرکزی کردار ذہین ہے جبکہ باقی سب بےوقوف۔ جو شخص دوسروں کو بے وقوف سمجھتا ہے وہ سب سے بڑا احمق ہے۔ اگرچہ وہ نہیں جانتا تھا کہ سنکھیار پراسرار کہانی پر کتنا یقین رکھتا ہے لیکن یہ یقینی تھا کہ یہ طاقتور زہر یلاڈریگن اپنے نئے جنم کے بعد اس کاپہلا حقیقی اتحادی بن گیا تھا۔ معاہدہ پر دستخط کا احساس جادوئی تھا۔ یہ روحانی طور پر دوسرے فریق کے ساتھ معاہدہ کرنے جیسا تھا۔ یہ صرف اتنا تھا کہ معاہدہ خود بخود چلتے ہوئے کسی پراسرار ’’قانون’’ کی نگرانی میں ہوا تھا۔

علی روئی نے کامیابی سے علامتی معاہدے پر دستخط کر دیے تھے۔ وہ واضح طور پر خود میں ایک عجیب تبدیلی محسوس کررہا تھا۔ ایسا لگا کہ جیسے اس کی طاقت بہت بڑھ گئی ہے لیکن سنکھیار میں بھی کمزور ہونے کی کوئی نشانی نظر نہ آئی۔

’’علی روئی! اب ہم علامتی شراکت دار ہیں، بہن بھائیوں سے بھی زیادہ قریب‘‘۔

سنکھیار نے معاہدے پر دستخط کرنے کے بعد کہا۔

وہ اب شائستہ نہیں رہاتھا، اس نے پوچھا:

’’مجھے پہلے یہ بات بتائو کہ یہ خوفناک عورت۔ یہ گریٹ ڈیمن تمہاری عورت ہے؟ یہ عورت تبدیل شدہ خون کی لکیر کے ساتھ ایک گریٹ ڈیمن ہے۔ یہ بہت بڑی صلاحیت ہے،مستقبل میں ڈیمن بادشاہ کے درجے تک پہنچ سکتی ہے۔

’’نہیں، ہم دوست تک نہیں ہیںلیکن میں اسے ناراض نہیں کر سکتا‘‘۔

علی روئی نے جواب دیا.

فلورا واقعی خوبصورتی کا ایک شہکار تھی۔ علی روئی نے اپنے دل میں جھانکا تو اس میں فلورا پوری طرح موجود تھی۔ زہریلے ڈریگن نے پھر معنی خیز مسکراہٹ دی:

’’پھر میرا مشورہ ہے کہ تم اسے اپنا بنا لو۔ عورت گریٹ ڈیمن ڈیمنوں میں سب سے زیادہ وفادار ڈیمن ہے۔ اگر تم اس کے جسم اور دماغ کو حاصل کر لو وہ ہمیشہ کے لیےتمہاری وفادار رہے گی۔ زندگی بھردھوکہ نہیں دے گی۔ جب تک تم مر نہیں جاتے وہ کسی دوسرے آدمی کی تلاش نہیں کرے گی اور اگر تم ایسا نہیں کرتے تو پھراس بات کی کوئی ضمانت نہیں کہ ہمارے راز راز رہیں گے لیکن اس نسل کی لڑکی کو منانا آسان نہیں ہوتا۔ یہ تمہارا کارنامہ ہوگا۔ ویسے مجھے لگ رہا ہے کہ خواتین کو پٹانے کا بہت ٹیلنٹ ہے تم میں ‘‘۔

’’تم مجھ سے کچھ زیادہ امید یں وابستہ کررہے ہو۔ اتنی توقعات۔ شاید مجھ میں ایسی صلاحیت نہیں ہے‘‘۔

سنکھیار مسکرایااور بولا:

’’میرے دوست!تم بھی اپنے فریب اور دیومالائیت میں کسی سے کم نہیں ہو۔ خود کو کمزورمت سمجھو۔ میں اسے اپنا راز افشا کرنے سے روکنے کے لیے ایک چھوٹی سی چال استعمال کروں گا۔ لیکن یہ چال زیادہ دیر نہیں چلے گی۔ تمہیں اس کے دل میں اترنے کا راستہ تلاش کرنا ہوگا۔ وہ تمہاری بقا کی اچھی ضمانت ہو سکتی ہے۔ اب تمہیں ہمیشہ یہ یاد رکھنا ہوگاکہ ہماری زندگیاں آپس میں جڑی ہوئی ہیں، میں بھی ہمیشہ اس بات کاخیال رکھوں گا‘‘۔

علی روئی نے جواباًصرف اتنا کہا:

’’فکر نہ کرو، اب ہم ایک ہی تار سے بندھے ہوئے دو ٹڈّی ہیں۔ میں اپنی پوری کوشش کروں گا‘‘۔

’’ٹڈی؟ کیا یہ قدیم زمانے کی ایک طاقتور مخلوق ہے؟ ‘‘۔

زہریلےڈریگن نے اپنے تجسس کا اظہار کیا، پھر اس نے فوراً کہا:

’’عورتوں کا مقابلہ کرنا یقیناً مشکل ہوتاہے۔ پھرقدیم روئنز میں ماہر ایک عورت جس سے میں نے دشمنی مول لی تھی ‘‘۔

سنکھیار طاقتور، چالاک اور بدنام تھا۔ خوفناک زہر کی وجہ سے وہ بڑے پیمانے پر تباہی پھیلا سکتا تھا۔ یہاں تک کہ کئی سلطنتوں نے اسے مشتعل کرنے کی کبھی ہمت نہیں کی تھی۔ ایک ڈریگن کے طور پر، زہریلے ڈریگن میں لامحالہ دولت جمع کرنے کے جنون تھا۔ دولت پر قبضہ کرنے کا لالچ اس میں بہت شدید تھا۔

خزانے کی جنگ میں، سنکھیار نے فیری ڈریگن،اسوہ کے ساتھ مل کر اپنے نیمیسز، بلیو ڈریگن، رانیری کو مار ڈالاتھااور رانیری کے اتحادی، کرسٹل ڈریگن جیکب کو زخمی کردیا تھا مگرخزانے کے لیے سنکھیار اپنے طاقتور لالچ کا مقابلہ نہیں کر سکا، اس نے مشترکہ تحقیق کے معاہدے کو عارضی طور پر نظر انداز کردیا اور دھوکے سے اسوہ کی پشت پر وار کرکے خزانہ چرا لیاتھا۔

غضب ناک اسوہ پاگل ہو کر زہریلے ڈریگن کا پیچھا کرنے لگی۔ اسوہ بہترین ڈریگنزمیں سے ایک تھی۔ یہاں تک کہ اس نے قدیم روئنز میں مہارت حاصل کی۔ چالاک سنکھیار جانتا تھا کہ وہ جیت نہیں سکتا۔ اسے ڈر تھا کہ اس کا خزانہ ضائع ہو جائے گا۔ اس لیے اس نے اسے قاف کی پہاڑیاں میں ایک خفیہ اڈے میں چھپا دیا۔ اس نے پریوں کے ڈریگن کو الجھانے کے لیے ایک اور غار میں متعدد جال بچھائے اور بھول بھلیوں کا ایک سلسلہ بنادیا کہ کوئی خزانے تک نہ پہنچ سکے۔

سنکھیار اسوہ کے تعاقب سے بچ گیا، لیکن اس کا ایک اور خطرناک آدمی کے ساتھ ٹکراؤ ہو گیا۔ زہریلے ڈریگن کی طاقت اوراس کا زہر اس انسان کے سامنے بچوں کے کھیل کی طرح تھا، اس لیے وہ جلد ہی محکوم ہو گیا۔ زہریلے ڈریگن کی حیرت کی بات یہ ہے کہ انسان کا مقصد اصل میں خزانہ تھا۔ سنکھیار بےوقوف نہیں تھا۔ اس نے ہتھیار ڈالنے کا ڈرامہ کیا تھا خزانہ حوالے کرنے کا وعدہ کیا اور آدمی کو اس کے ’’خفیہ’’ غار میں لے آیا۔ اس نے اندرونی غار کی زمین پر بکھرے ہوئے سونے کے سکوں اور جواہرات کے ساتھ ایک گڑبڑ تھی جس سے وہ ناکام ہو گیا۔ اسوہ کو چکرانے کی تدبیریں بھی کام آئیں وہ بھی ناکام رہی۔ جب وہ آدمی کچھ بھی حاصل کرنے میں ناکام رہا تو اس نے نیلی جھیل میں سنکھیار کو سیل کرنے کے لیے قدیم روئنز کا استعمال کیا۔ پھر چار سو سال پہلےجب تاریک سورج کا بادشاہ کے بے خبر لارڈ نے نیرنگ آباد پر حملہ کرنے کےلیے فوج کی قیادت کی، تو اس نے زہریلے ڈریگن کو جگانے سے روکنے کے لیے لاک آف لائٹ اینڈ ڈار ک کی مہر بھی لگادی تھی جس نے مجموعی صورت حال کو متاثر کیا۔ دونوں مہروں کے درمیان ایک عجیب سا ٹکرائوہوا جس کے سبب سنکھیار وقت سےپہلے جاگ پڑا۔ فی الحال، پوائزن ڈریگن پردو مہریں لگی ہوئی تھیں، تاریک چمک کے تالے کی اور دوسری قدیم روئنز کی۔ پہلی نے اسے نیلی جھیل کا علاقہ چھوڑنے کے قابل نہیں چھوڑا تھاا اور دوسری مہرنے زہریلے ڈریگن کی طاقت کو بہت زیادہ کم کردیا تھا۔

علی روئی یہ سن کر حیران رہ گیا کہ کوئی ایسابھی ہے جو زہریلے ڈریگن جیسے مضبوط فرد کو آسانی سے پکڑ کر مہر لگا سکتا ہے۔ زہریلا ڈریگن آہستہ آہستہ اپنی طاقت سے لاک آف لائٹ اینڈ ڈار ک کی مہر سے آزاد ہوسکتا تھا لیکن اب یہ ڈبل مہر تھی۔ قدیم روئنز کی مہر ختم کئے بغیر یہ ممکن نہیں تھا۔ صورتحال تشویشناک تھی۔ سنکھیار علی روئی سے یہ چاہتا تھاکہ سب سے پہلے، قاف کی پہاڑیاں کے خفیہ اڈے پر جائے اور لاک آف لائٹ اینڈ ڈار ک کو ختم کرنے کے لیے خزانہ تلاش کرے۔ دوسرا پری ڈریگن اسوہ کا ٹھکانہ تلاش کرے اور اس کے ساتھ مہر کو ختم کرنے کا معاہدہ کرے۔

سنکھیار اس بارے میں خاصا محتاط تھا۔

’’تم کو قاف کی پہاڑیاں میں دو چیزیں تلاش کرنی ہوں گی۔ پہلا ایک مٹھی کے سائز کا کرمسن کرسٹل ہے۔ اس کی شکل ایک آنکھ سے ملتی جلتی ہے جسے آئی آف سورون کہتے ہیں۔ اپنی دبی ہوئی طاقت کے ساتھ مجھے لاک آف لائٹ اینڈ ڈار ک سے چھٹکارا پانے کےلیے اس پر بھروسہ کرنا ہوگا اور اس لعنتی جھیل کو چھوڑنا ہوگا۔ دوسری چیز چاندی کا صندوق ہے جس میں وہ خزانہ ہے جو اسوہ سےچھیناگیا تھا۔ اس کے علاوہ کچھ اور بھی خزانے ہیں جنہیں تم استعمال کر سکتے ہو جو تمہیں دے سکتا ہوں۔ ‘‘

علی روئی نے دل ہی دل میں کرمس کرسٹل اور چاندی کے صندوق کو حفظ کیا اور پوائزن ڈریگن کی طرف دیکھتے ہوئے مسکرا کر کہا:

’’فکر نہ کرو بھیا۔ میرے پیارے زہریلے ڈریگن! میں تمہارا کوئی خزانہ نہیں لوں گا‘‘۔

’’نہیں لوں گا۔ ؟ میں شرط لگاتا ہوں کہ تم سب کچھ لینا چاہتے ہو! یہ مت سمجھو کہ میں تمہارے حرص اور فریب کو نہیں دیکھ سکتا۔ اب مجھے شک ہے کہ تم انسانی شکل میں ڈریگن ہو۔ پھر سنکھیار نے جھنجھلاہٹ سے کہا:

’’میں تمہیں خزانے کا 20فیصددے سکتا ہوں، لیکن زیادہ خوش نہ ہو۔ قاف کی پہاڑیاں میں داخل ہونا اتنا آسان نہیں ہے۔ مجھے ڈر ہے کہ تم اس کے گردونواح تک پہنچنے سے پہلے ہی دیومالائی درندوں کی خوراک بن جاؤ گے۔ تمہیں جلد از جلد فلورا کو اپنا بنانا چاہیے اور اسے اپنے ساتھ وہاں لے کرجاناچاہیے۔ صرف یہی نہیں تمہیں ڈریگن نوشتے بھی سیکھنے کی بھی ضرورت ہے۔ میں نے وہاں جو ان گنت نوشتہ جال قائم کیے ہیں وہ اتنے مضبوط ہیں کہ اگر بڑے سے بڑاڈریگن بھی اندر داخل ہو جائے تو اسے نہ صرف شدید نقصان ہوگا بلکہ جال کے اندر کے تمام خزانےبھی تباہ ہو جائیں گے‘‘۔

سنکھیار نے بار بار فلوراکے لیے علی روئی پر زور دیا۔ ڈریگن نوشتہ جات ڈریگن کی ایک منفرد مہارت تھی۔ یہ جادو کے دائرے کی طرح تھا لیکن ان کےلیے طاقت کی بھی ضرورت تھی۔ سنکھیار اس میں کافی ماہر تھا۔ علی روئی نے کہا:

’’زیادہ پریشان ہونے کی ضرورت نہیں۔ جب تم مجھے بتائو گے کہ جال کہاں کہاں ہیں اور کیسے ہیں پھر میں وہاں جاؤں گا‘‘۔

سنکھیار کا چہرہ سرخ ہو رہا تھا۔

’’یہی ضروری ترین بات ہےکیونکہ میری یادداشت اتنی اچھی نہیں ہے۔ خاص طورپرمیں ابھی بیدار ہوا ہوں۔ مجھے بہت سی چیزیں واضح طور پر یاد نہیں ہیں بشمول قاف کی پہاڑیاں میں نوشتہ جال‘‘۔

علی روئی نے سن کر آنکھیں موند لیں اور سوچنے لگا۔

یادداشت خراب ہے۔ پھر بھی اتنے جال بچھا رکھے ہیں۔ کیاخود کو بھی تباہ کرنے کا پروگرام ہے۔

فلورا نے علی روئی کو دیکھا۔ سنکھیار نے سر ہلایا اور شدید بحث کی۔ چونکہ وہ کچھ سن نہیں سکتی تھی، اس نے اندازہ لگایا کہ قابل نفرت زہریلا ڈریگن بہادر انسان کو کچھ سخت شرائط قبول کرنے پر مجبور کر رہا ہے۔

کافی دیر بعد سنکھیار اور علی روئی کے درمیان بحث ختم ہوئی۔

’’تمہیں 40فیصد ملے گا اور مجھے 60فیصد ملے گا‘‘۔

سنکھیار کے اس جملے کے کہنے کے بعد اس نے فوراً ساؤنڈ پروف غیر مرئی شلیڈ ہٹا دی اور جان بوجھ کر سخت لہجے میں کہا:

’’طے ہوگیا۔ میرے صبر کو مزیدنہ آزماؤ کرو!‘‘۔

فلورا فوراً ان کی طرف بھاگی۔ علی روئی نے چپکے سے اس زہریلے ڈریگن پر لعنت بھیجی کیونکہ وہ خزانہ یکساں طور پر تقسیم کرنا چاہتا تھا۔ سنکھیار نے اپنا ہاتھ ہلایا، فلورا میں موجود زہریلے مادوں کو واپس کھینچ لیااور طنز کیا:

’’قابلِ نفرت انسان!اگرچہ تم نے سنکھیار کو مساوی معاہدے پر دستخط کرنے کے لیے دھوکہ دیا، لیکن اس کا یہ مطلب نہیں کہ میں تم پر مکمل بھروسہ کرتا ہوں، خاص طور پر ان خواتین ڈیمن پر۔ یہ 3خواتین میرے سب سے طاقتور سست زہر کے اثر میں ہیں۔ یہ زہر بے ذائقہ اور بو کے بغیر ہے، یہاں تک کہ سب سے شاندار دوائیوں کا حکیم بھی اس کا علاج نہیں کر سکتا۔ اب سے ہر7دن بعدتم کو ایک تریاق کے بدلے باربی کیو کے ساتھ اس جگہ پر واپس آئو گے ورنہ ان کا پورا جسم سڑ جائے گا اور ان کی ہڈیاں راکھ ہو جائیں گی‘‘۔

فلورا نے ڈریگن کے زہر سے عظیم تلوار کو آسانی سے تباہ ہوتے دیکھا تھا۔ وہ سچائی پر شک کرنے کی ہمت نہ کرسکی۔ وہ اور بھی خوفزدہ ہو گئی اور سوچنے لگی کہ یہاں تک تو ٹھیک ہے کہ صرف مایا اور میں آیا کریں لیکن شمائلہ تو تومانی سلطنت کی چھوٹی شہزادی ہے، وہ اس خوفناک خطرے سے کیسے دوچار ہو سکتی ہے؟۔

اس لمحے فلورا کو گہرا پچھتاوا محسوس ہوا کہ اسے شہزادی رائل کے حکم کی خلاف ورزی نہیں کرنی چاہیےتھا اور شمائلہ کو نیلی جھیل تک نہیں لانا چاہیےتھا لیکن علی روئی کو احساس ہوگیا تھا کہ یہ سنکھیار کی عارضی چال ہے۔ سست زہر ایک بلف تھالیکن باربی کیو کو یقینی طور پر جان بوجھ کر شامل کیا گیا تھا۔ اس نے فوراً زہریلے ڈریگن کوحقارت آمیز نظرسے دیکھا اور، دانت پیس کر کہا:

’’میں وعدہ کرتا ہوں، مہر اٹھانے کے بعد زہر کا علاج کرنے میں تم فلورا اور دوسروں کی مدد کروگے‘‘۔

ڈریگن بولا:

’’میں ضمانت دیتا ہوں ڈریگن کے اعزاز کے ساتھ‘‘۔

سنکھیار نے فلورا کی طرف اشارہ کیا۔

’’تم نےاور میں نے برابری کے معاہدے پر دستخط کیے لیکن اس نے ایسا نہیں کیا۔ میں نے ان میں صرف اس لیے زہر ڈال دیاہے کہ یہ راز نہیں رکھ سکتی، اگر یہ سب باتیں راز میں نہ رکھی گئیں تو خطر ناک نتائج کی ذمہ دار یہ خود ہوں گی۔ اب جلدی سے نکلو۔ سنکھیار اس پیگز سولیٹیئر کے بارے میں مطالعہ کرنے جا رہا ہے‘‘۔

اس کے بعد اس نے علی روئی کو نظر انداز کیا اور حکیم کے شاہکار کے ساتھ بڑی دلچسپی سے کھیلنا شروع کردیا۔

علی روئی نے اپنی آنکھوں سے فلورا کے لافانی حسن پر دستخط کیے جس سے وصال کی تمنا ابھر رہی تھی اور کہا:

’’چلو یہاں سے نکلیں ‘‘۔

فلورا پریشان تھی، اور مکمل طور پر اپنا دماغ کھو چکی تھی۔ علی روئی کے اشارہ ملتے ہی اس نے فوری طور پر مایا اور شمائلہ کو اٹھایا۔ وہ تین سینگوں والے گینڈوں کے پاس گئی جو پہلے ہی ٹھیک ہو چکے تھے، لڑکیوں کو ان کی پیٹھ پر بٹھا دیا۔ تین سینگوں والے گینڈے بہت نرم مزاج تھے۔ تین سینگوں والالیڈر گینڈاجو فلورا کے کنٹرول میں تھاوہ آ گے آگے تھا۔ اس سے پہلے علی روئی نے خاص طور پر پوائزن ڈریگن سے درخواست کی تھی کہ وہ اس کی طرف اپنا سب سے مضبوط زہر چھوڑے۔ مگر سسٹم بوٹنگ کا عمل 90% تک پہنچنے کے بعد سپرسسٹم اسے مزید آگے نہیں بڑھا سکا تھا۔ یعنی زہر اپنی آخری حد کو پہنچ چکا تھا۔ علی روئی کی توقع پوری نہ ہوسکی۔ سپرسسٹم کےلیے زہر کوبوٹنگ انرجی کے طور پر تبدیل کرنے کی بھی شاید کوئی حد مقرر تھی۔

آج جن روئی شمرالفی فائدہ ہواتھا۔ اس نے ایک مضبوط ساتھی بھی بنا لیا تھا اور لمبی زندگی بھی حاصل کرلی تھی۔ سپرسسٹم کی بوٹنگ کی پیشرفت میں بھی زبردست اضافہ ہو ا تھا۔ اس نے سوچا اب اگر حکیم الداس کی لیب کے وسائل کا معقول استعمال کرلیتا ہے تو وہ ایک خودمختارحیثیت سے نئی زندگی شروع کرسکتا ہے۔ لیکن یہ طے ہے کہ فارماسیوٹکس کا مطالعہ کرنے کے لیے پرجوش حکیم کی پیروی ضروری ہے۔

’’فلورا!‘‘۔

علی روئی نے اپنے دل میں ایک جملہ ترتیب دیا اور کہا:

’’چھوٹی شہزادی اور کیا کو زہر کے بارے میں مت بتانا ایسا نہ ہو کہ وہ اسے برداشت نہ کر سکیں۔ نیز سنکھیار کی خبروں کو افشا نہیں ہونا چاہیے کیونکہ ہماری زندگی اس کے ہاتھ میں ہے۔ تم یقین کر سکتی ہو کہ میں زہریلے ڈریگن کی مہر کو ہٹانے اور جلد از جلد اس زہر کےکنٹرول سے چھٹکارا حاصل کرنے کا راستہ تلاش کروں گا‘‘۔

فلورا ایسی نہیں تھی جسے ترجیحات کا کوئی احساس نہیں تھا۔ اس نے سر ہلایا اور کہا:

’’آج کےلیے تمہارا شکریہ۔ تم نہ ہوتے توشاید ہم واپس نہ آسکتے۔ میں پہلے کی اپنی بدتمیزیاں واپس لے لیتی ہوں۔ بے شک تم ایک بہادر انسان ہو‘‘۔

علی روئی فلورا کی تعریف پر حیران رہ گیا۔ وہ اس کی نظر میں نخریلی تھی۔ اس نے جنرل ایان کی طرف سیدھی نظر بھی نہیں ڈالی تھی۔ اس نے فلورا سے کہا:

’’زہریلےڈریگن نے ہمارے تعلقات کو غلط سمجھا۔ امید ہے تمہیں کوئی اعتراض نہیں ہوگا‘‘۔

’’میں جانتی ہوں‘‘۔

فلورا نے دھیمی آواز میں جواب دیا۔

اس کا چہرہ قدرے سرخ ہو گیا۔ خوش قسمتی سے اس کی جلد مایا کی طرح پیلی نہیں تھی اس لیے فرق نہیں بتایا جا سکا۔ علی روئی نے سکون کا سانس لیا۔ سیاہ دل چھوٹی شہزادی کے مقابلے میں پرتشدد بیمبو سے نمٹنا یقینی طور پر آسان تھا۔ اگر یہ شمائلہ ہوتی تو اسے اتنی آسانی سے قائل نہ کیاجاسکتامگر لڑکی کوبھی پٹانا بہت مشکل تھا۔ علی روئی نے سوچا۔ کیا مجھے واقعی فلوراکو پٹانے کی ضرورت ہے۔ ڈریگن ٹھیک کہتا تھا۔

تین سینگوں والے گینڈے آہستہ آہستہ چل رہے تھے۔ یہ عجیب و غریب سواری تھی جس کا رواج نیرنگ آباد میں بہت زیادہ تھا۔ علی روئی اور فلورا دونوں کو اپنی فکر لاحق تھی لیکن ان میں سے کوئی بھی بات نہیں کرپا رہا تھا۔ ماحول عجیب سا تھا۔ عجیب و غریب ماحول کے سکوت کو توڑ تے ہوئے علی روئی نے سوال کیا:

’’فلورامیں انسان ہوں شاید اس لیے میں دیومالائی دائرے کے بارے میں کچھ نہیں جانتا، نیرنگ آباد کا ممبر ہونے کے ناطےمیں تومانی سلطنت کے بارے میں جاننا چاہتا ہوں۔ کیا آپ مجھے بتا سکتی ہیں؟‘‘۔

یہ ایک عام تقاضا تھا اس لیے فلورا سوچے سمجھےبغیر اسے بتانے لگی۔

’’دیومالائی دائرے کے سات شاہی خاندان تھےجو ان گنت لڑائیوں کے خاتمے پراب صرف تین رہ گئے۔ ایک لوسیفر شاہی خاندان جس کی تومانی سلطنت پر حکومت ہے۔ میمن شاہی خاندان جس کی لہووانی سلطنت پر حکومت ہے اور تیسرا ایسموڈیس خاندان جس کی خاقانی سلطنت پر حکومت ہے۔ اپنی خوبیوں اور خامیوں کے ساتھ ان تین خاندانوں نے دس ہزار سال سےاپنے وجود برقرار رکھے ہوئے ہیں۔ انسانی اور دیومالائی دائرے کا جادو ہر پانچ سو سال بعد کمزور ہو جانے والاتھا، اور یہی عرصہ ان دنیاؤں کے مابین جنگوں کا نقطہ آغاز تھا۔ تومانی سلطنت سلطنت کا تاریک سورج دیومالائی دائرے کا سب سے طاقت ور ڈیمن تھاجو تمام جماعتوں کے لئے محترم تھا۔ اس نے تقریباً300 سال قبل بنی نوع انسان کے ساتھ جنگ کے دوران دیومالائی اتحاد کے سپہ سالار کے طور پر خدمات انجام دیں۔ اس اکیلے نے تین طاقتور ترین انسانوں کو مار ڈالا۔ یوں ایک بار دیومالائی فوج کو زمین کی روشن دنیا میں واپسی کا راستہ دکھائی دیا تھا۔ پھر ایک انسان کے مضبوط ہاتھوں نے تاریک سورج کی پیٹھ کو ایسا زخمایا کہ دیومالائی فوج نے اپناسپہ سالار ہمیشہ کے لئے کھو دیا جس کے نتیجے میں نہ صرف ان کی فتح شکست میں بدل گئی بلکہ انہیں اُس دنیا سے بھی نکال پھینکا گیا۔

عظیم سپہ سالارآف تاریک سورج کا ولی عہد گریم ابھی دیومالائی حکومتی معاملات سنبھالنے کے لیے بہت چھوٹا تھا کہ دو دشمن مملکتیں لہووانی سلطنت اور خاقانی سلطنت کی نگاہیں تومانی سلطنت پر گڑ گئیں اور داخلی و خارجی ہر طرح کے مسائل کا شکار ہوگئی۔ وقت کی حساسیت کو جانچتےہوئے تاریک سورج کا چھوٹا بھائی اور گریم کا چچا شہزادہ شوالہ نے بطور نائب حکومتی امور کوسنبھال لیا۔ اگرچہ شہزادہ شوالہ کی طاقت اور فوجی طاقت آدھی رات کے سورج سے بہت کم تھی لیکن اس کی سیاسی بصیرت قابل ستائش تھی یوں اس نے اپنے بھائی کا وقار قائم رکھنے کے لیے دشمن سلطنتوں کے ساتھ امن کا معاہدہ کرلیا۔ شوالہ نے بیرونی سیاسی بحران پر قابو پاتے ہی سلطنت بھتیجے کے حوالے کرنے کی بجائے خود سنگھاسن پر برجمان ہو گیااور ہر اس مخالف کا سر کچل ڈالاجو بادشاہت کے خواب دیکھ رہا تھا، البتہ اسے لوسیفر خاندان کے چنیدہ گروہ ’سوارڈ آف تومانی سلطنت ‘ کی منظوری نہ ملی۔ تین فوجی جنرلوں سے بھی صرف ایک نے اس کی حمایت کی۔ لہذا شوالہ اپنے لیے نائب کا خطاب ہی رکھ سکتا تھا لیکن اس نے ہار نہ مانی اور ’سوارڈ آف تومانی سلطنت ‘ کو ضبط کر انے کے بعد گریم کوجلا وطن کرکے دور افتادہ نیرنگ آباد سلطنت میں بھیج دیا۔ ویران نیرنگ آباد سلطنت جہاںوسائل کا قحط تو تھا ہی، رہی سہی کسر چوروں اور خوفناک ڈاکوؤں نے نکال دی۔ یوں یہ سلطنت ہمیشہ پسماندہ رہی۔ عمر کے آخری حصے میں مصیبت زدہ گریم کا ساتھ اس کی بیٹیوں شہزادی اقابلہ اور شہزادی شمائلہ تک نے چھوڑ دیا اوروہ اپنی تمام تر اداسیوں اور ناکامیوں کو سمیٹے چل بسا۔ البتہ گریم نے تخت دوبارہ حاصل کرنے کی چنگاری شہزادی اقابلہ کے دل میں اوائل عمری میں ہی بھڑکا دی تھی جو اپنا کام کر گئی۔ اقابلہ نے سولہ سال کی عمر میں نیرنگ آباد میں تمام تر مسائل کے باوجود پورے عزم کے ساتھ کام کیا لیکن اقابلہ پُرعزم ارادوں کے باوجود نیرنگ آباد کے حالات نہ بدل سکی۔ دوسری طرف جنرل بوغائیفلوارا کا باپ اور نیرنگ آباد فوج کا پہلا جنرل ایک بار پھر گریم کی موت کے بعد شوالہ کی طرف متوجہ ہوا جو سلطنت کی شمالی سرحد پر بند قلعے کی حفاظت پر معمور تھا۔ تین سال پہلے فلورا اپنے باپ کی حوصلہ افزائی کی خاطر نیرنگ آباد آئی تھی تاکہ دوسروں کو یہ دکھا سکے کہ جنرل بوغا تخت کے جائز حق دار کے حمائتی تھے اور رہیں گے۔ برسوں شوالہ ’سوارڈ آف تومانی سلطنت ‘ کے ان اسرار کو سمجھنے کی کوشش کرتا رہا جو اقابلہ کو اس سلطنت کا پیدائشی حق دار سمجھتے تھے۔ ایک بار اگر اس گتھی کا کوئی سرا اس کے ہاتھ لگ جاتاتو پھراسے حقیقی بادشاہ ہونے سے کوئی نہیں روک سکتا تھا۔ یہاں تک کہ جنرل بوغا کی قیادت میں حزب اختلاف تک وفاداری تسلیم کر چکی تھی۔ انتہائی کم سنی میں ہی نیرنگ آباد کی حمایت حاصل کرناآسان کام نہ تھابقول فلورا اقابلہ کی سرد مہری کی اصل وجہ حکومت کی بھاری بھرکم ذمہ داریاں ہیں۔

علی روئی کو نیرنگ آباد کی خستہ حالی کا احساس اس وقت ہوا جب اسے اچانک یاد آیا کہ شوالہ نے ’سوارڈ آف تومانی سلطنت ‘ پر اپنی تحقیق مکمل کر لی اور نیرنگ آباد کے خلاف جنگ شروع کر دی تو کوئی بھی زہریلے ڈریگن کی حفاظت کی ضمانت نہیں دے سکے گا۔ اگر یہ ہار گیا تو سنکھیار ممکنہ طور پر ڈریگن چلبلئر کےلیے فتح کا اعلان ہو گا یوں علی روئی خودبھی مر جائے گا۔ اس نے سوچا کم از کم اسےزہریلے اژدھے کی تاریک چمک کے تالے کو توڑنے میں مدد کرنی ہوگی اور پھر بسنے کے لیے ایک محفوظ جگہ تلاش کرنی ہوگی۔ فی الحال سپرسسٹم کی صلاحیت ابھی تک واضح نہیں تھی۔ لہذا وہ صرف فلورا کی طاقت کے بدلے اپنی جنسی کشش کی قربانی دے سکتا تھا۔ علی روئی نے اپنی تحقیقات کا آغاز کرتے ہوئے بات چھیڑی:

’’میں نے ایک بار حکیم الداس کو یہ کہتے ہوئے سنا تھا کہ شاہی خاندان میں خون کی خاص صلاحیت ہے۔ کیا آپ جانتی ہیں کہ لوسیفر شاہی خاندان میں ایسی کون سی صلاحیتیں ہیں ؟‘‘۔

فلورا نے جواب دیا:

’’میں نے ایک بار اپنے والد سے سنا تھا کہ شاہی خاندان کی بیداری کی سطح جتنی زیادہ ہوگی اتنی ہی طاقتور صلاحیتوں کا استعمال کر سکتے ہیں۔ لوسیفر خاندان کا سب سے طاقتور ہنر <ہارٹ آف لائٹ اینڈ ڈارک >ہے جو کسی کی بھی طاقت کو کھا سکتا ہے، یہاں تک کہ انسان کی روشنی کی طاقت بھی اس سے مستثنیٰ نہیں ہے۔ یہاں ڈارک شعلہ اور مقدس پروں والابھی ہے۔ گئے دنوں میںتاریک سورج کی طاقت کا انحصاران تین طاقتوں پر تھا یہاں تک کہ اس کے سامنے دیومالائی دائرے کاسب سے طاقتور ڈیمن لہووانی سلطنت کا رائزن دی گریٹ تک اس کے سامنے شکست تسلیم کر سکتا تھا۔

جب فلورا نے تاریک سورج کے بارے بات شروع کی تو اس کا چہرہ عقیدت سے چمک اٹھا۔ علی روئی نے سوچا کہ یہ لڑکی واقعی تشدد پسند ہے صد شکر کہ اس نے سنکھیار کامشورہ نہیں مانا تھا ورنہ وہ فلورا کےمزاج سے کبھی مطابقت نہ پیدا کر سکتا۔ اُس نے دوبارہ اُسیتسلی کے ساتھ تحقیق کی، اس کے علاوہ کیا اور بھی ہنر ہیں جیسے… <مائنڈ ریڈنگ >‘‘۔

’’مائنڈ ریڈنگ ؟۔ فلورا نے بغیر کسی ہچکچاہٹ کے مضبوطی سے اپنا سر ہلایا:

’’ناممکن۔ لوسیفر خاندان کے پاس صرف تین خون کی صلاحیتیں ہیں جیسا کہ دیومالائی دائرے میں سب جانتے ہیں‘‘۔

علی روئی سمجھ گیا۔ شمائلہ نے اسے چکما دیا ہےلیکن اس نےشمائلہ کو بے نقاب کرنا مناسب نہ سمجھا۔ اس نے سوچا یہ ننھی شہزادی کے شریر خیالات ہیں جو وقت کے ساتھ خود بخود ٹھیک ہو جائیں گے۔

’’فلورا! میرے سوالات شاہی خاندان کے قوانین کی خلاف ورزی کر رہے ہیں۔ براہ کرم انہیں راز میں رکھیے گا‘‘۔

’’خاص طور پر ننھی شہزادی سےکوئی مسئلہ نہیں! میں کبھی نہیں بتاؤں گی‘‘۔

فلورا علی روئی سے بات کر کے کچھ مطمئن سی ہوگئی عادتاً اس نے اپنے سینے کو تھپتھپایا۔ اس کی چھاتیوں میں ہونے والی ہلچل نے علی روئی کواپنی جانب متوجہ کیا۔ اس کی اپنی چھاتی میں ستار بج اٹھے۔

دونوں باتیں کرتے رہے۔ علی روئی نے فلورا سے بہت سی مفید معلومات حاصل کیں۔ آسیبوں کی طاقت کی درجہ بندی صعودی ترتیب میں تھی۔ کم درجہ کا ڈیمن درمیانی درجے کا ڈیمن، اعلیٰ درجے کا ڈیمن، ڈیمن بادشاہ، گریٹ ڈیمن بادشاہ، ڈیمن شہنشاہ، ڈیمن غالب اور ڈیمن سپریمو۔ ہر درجہ ایک واٹرشیڈ کے برابر تھا۔ نہ صرف طاقت میں بہت بڑا فرق تھا بلکہ ایک خاص درجہ کا دبائو بھی تھا۔ مثال کے طور پر ایک درمیانی درجے کا ڈیمن جس کا سامنااگر ایک اعلیٰ درجے کے ڈیمن سے ہو تووہ شاید ہی اپنی پوری صلاحیت سے لڑ سکے۔ اگرچہ ایک ہی عہدے کے درمیان درجہ بندی نہیں تھی پھر بھی طاقت میں اختلافات موجود تھے۔ مثال کے طور پر ایک تجربہ کار اعلیٰ درجے کا ڈیمن جو عروج پر پہنچ جائے تو کم از کم10 اعلیٰ درجے کے ڈیمنوں کو شکست دے سکتا ہے۔

ڈیمن سپریمو لیجنڈ میں سب سے اونچا درجہ تھا۔ افواہوں کا کہنا تھا کہ اس کی طاقت دیوتاؤں کو خوفزدہ کر سکتی ہے لیکن کسی نے کبھی کسی ڈیمن کے بارے میں نہیں سنا تھا جو ڈیمن سپریمو بن گیا ہو۔ تین سو سال پہلے تاریک سورج انتہائی باصلاحیت ڈیمن تھا۔ اُس نے ڈیمنوں کے بلند ترین سردار کی تربیت حاصل کی تھی۔ وہ بھی سپریمو سے ایک قدم دور تھا لیکن بدقسمتی سےبنی نوع انسان کے ہاتھوں مارا گیا۔

آج لہووانی سلطنت کی رائزن دی گریٹ اور خاقانی سلطنت کی پرام دی گریٹ دونوں ہی تجربہ کار ڈیمنوں کے حاکم تھے جن کے متعدطاقت ور ماتحت تھے اس کے باوجوکوئی بھی تاریک سورج کے مقابلے میں نہیں آسکتا تھا یہاں تک کہ تومانی سلطنت کا سب سے طاقت ور شہزادہ شوالہ جو ایک سلطنت کا حاکم تھا پھر بھی اس سے کم تر ہی تھا سوارڈ آف تومانی سلطنت کی طاقت حاصل کرنے کے بعدوہ اس قابل ہوسکتا تھا۔ فلورا جو خود ایک گریٹ ڈیمن خاندان کی رکن تھی اور اسےتلواربازی میں خاص مہارت حاصل تھی، صرف انیس سال کی عمر میں وہ درمیانی درجے کے ڈیمن کا عروج حاصل کر چکی تھی اور اونچے درجے سے بالشت بھر دور تھی۔ دوسرے ڈیمنوں کے لیے وہ ایک مثال تھی لیکن کوئی بھی نچلے درجے کا امپ محض تربیت اور محنت کی بنیاد پر اگلے درجے کو نہیں پہنچ سکتا ماسوائے کسی انہونی کے۔ زہریلے ڈریگن کے سامنے علی روئی کی کارکردگی نے فلورا کو اپنے خیالات بدلنے پر مجبور کر دیا تھا پھر یوں دونوں کے درمیان خوش گپیوں کاسلسلہ چل نکلا۔ اس نے سوچا ایک کمزور انسان ہونے کے باوجود اس کی ہمت اور حکمت قابل داد ہے،اب وہ ویسا انسان نہیں رہا جو اسے حقیر دکھائی دیتا تھا۔

’’فلورا!‘‘۔

شمائلہ کی خفیف آواز نے دونوں کی گفتگو میں مخل انداز ہوئی۔

’’شمائلہ!‘‘۔

فلورا نے حیرانی سے کہا:

’’تم جاگ رہی ہو؟‘‘۔

’’ہم کہاں ہیں؟‘‘۔

شمائلہ نے اپنی دھندلی آنکھیں رگڑتے ہوئے کہا:

’’ابھی کہانی ختم نہیں ہوئی؟‘‘۔

’’لو!، کب کی ختم ہو چکی اور تم سنتے سنتے سو گئیں اورمیں تم دونوں کو تین سینگوں والے گینڈے کے پاس لے لائی ہوں، ہم نیرنگ آباد کی طرف واپس جا رہے ہیں‘‘۔

شمائلہ نے کچھ دیر یاد کرنے کی کوشش کی پھر کہنے لگی:

’’کیا واقعی ایسا ہی ہوا ہے؟‘‘۔

پھر وہ آگے بڑھی اور علی روئی سے کہنے لگی:

’’شہزادی ہونے کے ناطےمیں تمہیں حکم دیتی ہوں کہ مجھے ہر روز نئی کہانی سنایا کرو۔ بار بی کیو کے ساتھ‘‘۔

علی روئی نے ہڑبڑا کر کہا کہ وہ مزید کہانیوں کے متعلق نہیں سوچ سکتا۔ دراصل وہ سنو وائٹ کے کردار کے ساتھ ہونے والے بہیمانہ سلوک کے بعد کسی اور کردار کو اذیت نہیں دینا چاہتا تھا۔

فلورا نے علی روئی کو مخاطب کر تے ہوئے اس کا نام لے کرکہا کہ کہانیوں کی بجائے وہ کوئی پہیلی سنائے تو شمائلہ کو کچھ تشویش ہوئی۔ وہ بولی:

’’کیوں آپ کو کہانی پسند نہیں آئی فلورا؟۔ آپ کو تو کہانیاں پسند ہیں اور آپ نے اسے نام لے کر پکارا ہے؟، آپ تو کبھی اس کا نام نہیں لیتی تھیں‘‘۔

شمائلہ کی حساسیت سے علی روئی کے اندر سرد لہر دوڑ گئی۔ کچھ فلوراکی لاپروائی کا بھی قصور تھا، ایک دم شمائلہ نے سوال کیا:

’’فلورا آپ کی تلوار کہاں ہے؟‘‘۔

فلورا نے بےچارگی سے دیکھا اور کہنے لگی:

’’میں نے ایک وائیورن کو اڑتے ہوئے دیکھا تو اسے تلوار سے ڈرانے لگی اور تلوار میرے ہاتھ سے چھوٹ کر پانی میں جا گری۔

اگرچہ فلورا نے سچ نہیں کہا تھا لیکن اس کی بیچارگی جھوٹی نہ تھی، شمائلہ کو یقین آگیا اور وہ علی روئی کو معنی خیز نظروں سے دیکھتے ہوئے پوچھنے لگی:

’’مجھے یاد نہیں آرہا میں سو کیسے گئی، کیا مجھے زہر دیا گیا تھا؟؟‘‘۔

یہ سنتے ہی علی روئی کو ٹھنڈا پسینہ آگیا۔ اس نے اپنی گھبراہٹ چھپانےکے لیےپانی کی بوتل منہ سے لگا لی۔ اگر اسے ڈریگن کے طاقت ور زہر پر اعتماد نہ ہوتا تو یہ گمان کرتا کہ شمائلہ شاید سوئی ہی نہیں تھی۔ اچانک شمائلہ غصے سے چیختے کے انداز میں کہنے لگی:

’’علی روئی! میری خوب صورتی دیکھ کر تم بد حواس ہوگئے، پھر تم نے باربی کیو میں زہر گھول کر مجھے کھلا دیا۔فلوارا چونکہ تمہارے ناپاک ارادوں کو بھانپ چکی تھی تو تم نے اسےلوسیفر خاندان کی عزت کے نام پر دھمکا کر خاموش کرا دیانا۔

یہ سن کر پانی پیتے ہوئے علی روئی کو کھانسی آگئی اگرچہ اس استدلال میں کوئی سچائی نہ تھی لیکن اس کی کہانی گھڑ لینے کی خوبی حیرت انگیز تھی۔ فلورا بھی شمائلہ کے جنونی تخیل سے دنگ رہے بغیر نہ رہ سکی جو اس کی ان صلاحیتوں سے واقف بھی تھی۔ بالآخر علی روئی کھانسی پر قابو پاتے ہوئے کچھ بولنے ہی والاتھا کہ اس کی نظر شمائلہ پر پڑی جو بے حد اداسی لیے پیٹ چھو رہی تھی اور بڑبڑا رہی تھی۔ ’’اوہ میرے خدا!۔ تو کیا میں ایک انسانی بچہ جننے والی ہوں؟ ‘‘۔

علی روئی کے پاس شمائلہ کی خام خیالوں کا کوئی جواب نہ تھا پھر اس کے چبھتے ہوئے جملوں نے اس کو اندر لہو لہان کر دیا تھا۔ فلورا پہلے ہی مایا کو لے کر جا چکی تھی۔ شمائلہ نے خود پر رحم کرتے ہوئے کہا:

’’جب بچہ بڑا ہوگا اور پوچھے گاکہ باپ کون ہے، تو میں کیا جواب دوں گی؟‘‘۔

پانچواں باب

یخ بستہ اقابلہ

زہر ہی زہر کا تریاق ہوتا ہے

مایا جیسے ہی بیدار ہوئی۔ وہ چاروں سینگوں والے گینڈوں پر سوار نیرنگ آباد کی طرف روانہ ہوگئے۔ شمائلہ کی جملہ بازی نے علی روئی کو نڈھال کر دیا تھا۔ وہ خود فاتحانہ اطمینان کے ساتھ ساتویں آسمان پر تھی۔

شہر کے دروازے پر پہنچنے پر شیرف جنرل ایان نے ان چاروں کو دوبارہ روک لیا کیونکہ شہزادی اقابلہ علی روئی کو بلالیا تھا۔ اسےفوری طور پرمحل کے کونسل ہال میں پہنچا دیا گیا۔ جب ڈیمن جنرل نے حکم سنایا تو اس کی آنکھوں میں حسد تھا۔ یہ معمولی انسان جو ایک قیدی بھی ہے، کیسے قسمت کا ایسا دھنی ہو گیا کہ پہلے حکیم الداس نے اسے اپنی شاگردی میں لے لیا اور اب شہزادی اقابلہ نے اسے ذاتی طور پر طلب کیا ہے۔ علی روئی کوفلورا سے معلوم ہو چکا تھا کہ شہزادی اقابلہ ایک پرعزم اور بے رحم حکمران ہے، سو تاریک سورج جیسے طور اطوار رکھتی ہے۔ نیرنگ آباد میں ہر کوئی اس کی بہت عزت کرتا ہے۔ وہ جانتا تھا کہ ایک بار جب یہ خبر پھیل گئی کہ حکیم الداس نےایک انسان کو اپنی شاگردی میں قبول کر لیا ہے تو یہ شہزادی جس کے مزاج میںتاریک سورج کی جھلک دیکھی جا سکتی تھی ضرور اس کے بارے میں جاننا چاہے گی مگر یہ سب اتنی جلدی ہوگا اس کی اسے ہرگز امید نہ تھی۔ اسی لیےوہ کچھ پریشان تھا۔

محل کے دروازے میں داخل ہوتے ہی شمائلہ نے اسے سخت تنبیہہ کی کہ ان کے درمیان ہونے والی باتوں کی بھنک اس کی بہن کے کانوں میں نہ پڑے ورنہ اسے کاٹ کے رکھ دوں گی۔ اگرچہ اس نے دھمکی بارعب انداز میں دی تھی لیکن علی روئی سمجھ گیا کہ اندر ہی اندر وہ ڈری ہوئی ہے۔ اب فلورا کی بات اسے سچ لگ رہی تھی۔ شمائلہ کے پاس کوئی ایسی طاقت باکل نہیں کہ وہ ذہنی کیفیات کو پڑھ لے۔ علی روئی نےکان کھجلاتے ہوئے جان بوجھ کر سرگوشی کے انداز میں کہا:

’’تواب میں اس بچے سے بری الذمہ ہوں جو آپ کے پیٹ میں ہے؟‘‘۔

’’تم نے یہ کہنے کی جرأت بھی کیسے کی‘‘۔

ننھی شہزادی نے قاتلانہ نگاہ ڈالی۔

’’کیا سٹھیا گئے ہو؟‘‘۔ فلورا کی موجودگی میں تم ایسا سوچتے بھی تو تمہارے ہاتھ ناکارہ ہو چکے ہوتے اب تک‘‘۔

علی روئی نےمصنوعی حیرت کے انداز میں کہا:

’’واقعی؟، میں تو پورے راستے اس خوف میں مبتلا رہا۔ ننھی شہزادی! آپ کی اداکاری واقعی قابلِ داد ہے‘‘۔

’’اداکاری؟‘‘۔

شمائلہ نے تشویش سے پوچھا:

’’ کیا مطلب؟‘‘۔

’’آپ ہرگز فکر مند نہ ہوں۔ شہزادی اقابلہ مجھ پر مظالم کےپہاڑ توڑ دیں، دھمکیاں دیں یا کیسا بھی لالچ دیں، میں زبان نہیں کھولوں گا۔ اگر آپ کو مجھ پر اعتبار نہیں تو آپ میرے خیال کا جائزہ تو لے ہی سکتی ہیں‘‘۔

علی روئی نے فلورا کی طرح اپنا سینہ تھپتھپایا۔ بدقسمتی سے اس کے سینے کے پٹھوں کی نشوونما اُس پُر تشدد لڑکی کے مقابلے میں بہت کم تھی۔ اس سے کوئی فرق نہیں پڑتا کہ اس نے کتنی ہی زور سے تھپکی دی۔ اس پر کوئی منحنی خطوط نہیں تھے۔ شہزادی اس بات سے بے خبر کہ اس کا جھوٹ بے نقاب ہو چکا ہے، علی روئی کے کندھے پر تھپکی دینے لگی جیسے سپاہی کی حوصلہ افزائی کی جاتی ہے۔

’’ہاں ٹھیک ہے‘‘۔

اس کے ساتھ ہی اس نے مزید بریزل کی فرمائش کی جسے علی روئی نے سہولت سے نظرانداز کر دیا۔ وہ کونسل ہال کے سامنے تھے، ایک سرد مہر گریٹ ڈیمن شمائلہ کے سامنے تعظیماً جھکا اور کہا:

’’ننھی شہزادی ! آپ کچھ دیر یہاں ٹھہریں، شہزادی اقابلہ پہلے اس انسان سے ملنا چاہتی ہیں‘‘۔

بےحد متانت کے ساتھ شمائلہ نے اس سرد مہر امپیریل گارڈ کے سربراہ،ڈیمن کارگورون کو شکریہ کہا اور بیٹھ گئی۔ اس کے بعد کارگورون اسی سردمہری کے ساتھ علی روئی کو اپنے ساتھ لے کر چل دیا۔

علی روئی کاگورون کے پیچھے کونسل ہال میں گیا۔ کونسل ہال کشادہ ہونے کےباوجود بالکل سادہ تھا۔ مرکز میں سیڑھیوں کے اوپر ایک نوجوان عورت کھڑی تھی جس کے سر پر تاج رکھا تھا۔ وہ شہزادی اقابلہ تھی، اقابلہ نیرنگ آباد کی سب سے خوبصورت عورت۔ اس پر نگاہ پڑتے ہی علی روئی مبہوت ہو گیا۔ حسنِ کامل اس کے سامنے تھا جسے دیکھ کر کسی کا بھی یہی پہلا ردِ عمل ہو سکتا تھا۔ اس حسنِ بے عیب میں بس ایک نقص تھا اور وہ تھا شہزادی اقابلہ کی سرد مزاجی، نیلم جیسی آنکھوں میں ایک دھندلاہٹ تھی، سرد دھندلاہٹ۔

کسی ہچکچاہٹ کے ایک سائبر کیفے میں آ گیا کہ مایا اوٹاکو شاہی بہن کو پسند کرتا ہے یا چھوٹی شہزادی کے حق میں ووٹ دے گا، اس نے شاہی بہن کا انتخاب کیا، اور ’مائٹی رائل سسٹر‘ کا تبصرہ بھی شامل کیا۔ ظاہر ہے وہ شاہی بہنوں میں دیوی تھی دیویوں میں شاہی بہن۔ برفیلی بہار کی شاہی بہن۔

شہزادی اقابلہ انسان کی غیرحاضر دماغی دیکھ کر الجھ گئی۔ حکیم الداس جو ایک کونے میں موجود سارا ماجرا دیکھ رہا تھا کھانسا تو علی روئی کا خواب ٹوٹا۔ اس سے پہلے کہ وہ کسی مشکل میں جا پھنسے، اس نے اپنی حالت درست کی۔ اقابلہ کے چاروں اطراف مضبوط ڈیمن کے گارڈ موجود تھے۔ کاگورون نے جھک کر سلامی پیش کی اور اقابلہ سے مخاطب ہوا :

’’شہزادی حضورکی خدمت میں انسان حاضر ہے‘‘۔

’’ کاگورون!ہال کے سبھی دروازے بند کر دیے جائیں اور پہرے داروں کو کہاجائے کہ اندر کوئی داخل نہ ہونے پائے چاہے وہ شمائلہ ہی کیوں نہ ہو‘‘۔

کاگورون جھک گیا اورالٹے قدم پیچھے کی طرف ہو لیا۔

اقابلہ کی نظر علی روئی پر پڑی۔

’’انسان! تیرا نام؟‘‘۔

علی روئی نے گاگورون کی طرح جھکنے کی کوشش کی اور کہا:

’’شہزادی حضور! میرا نام علی روئی‘‘۔

اقابلہ نے سرد لہجے میں پوچھا:

’’یہ تمہارا پہلا نام ہےیا آخری نام؟؟‘‘

علی روئی نے فوراً وضاحت کی کہ علی روئی ایک مکمل نام ہے، بغیر کسی کنیت کےکیونکہ وہ نہیں چاہتا تھا کہ اسے روئی کہہ کر پکارا جائے جیسا کہ وہاں کا دستور تھا۔ ایک نام ہی تو اس کی گزشتہ زندگی کی پریشانی تھی جو ابھی باقی تھی۔

اقابلہ نے اس کی وضاحت بے توجہی سے سنی اور غصے سے بولی:

’’پھر آرتھرکیا ہوا؟‘‘۔

علی روئی فوراً سنبھل گیا۔ سنکھیار کے واقعہ نے اس کا اعتماد بحال کر دیاتھا۔ اس نے کہا:

’’ معاملہ یہ ہے ملکۂ عالیہ! دیومالائی دائرے میں گرنے کے بعد میں نے کچھ یادیں کھو دیں۔ مجھے صرف اتنا یاد ہےکہ مجھے آرتھر کہا جاتا تھا۔ جہاں تک کنیت تعلق ہےتو مجھے یاد نہیں۔ اب میں واپس تو نہیں جا سکتالیکن حکیم الداس کا شکر گزار ہوں جنہوں نے اس دنیا میں شناخت دی۔ میں اب اسی دنیا میں ایک نئی زندگی کا آغاز کرنا چاہتا ہوں۔ ملکۂ عالیہ! آپ براہ کرم منظوری دیں‘‘۔

یوں حکیم الداس کو اپنا محسن بنا کر اور نیرنگ آباد سے وفاداری ثابت کرکے اس نے ایک تیر سے دو شکار کیے۔ یہی واحدذریعہ تھا جس سے وہ اپنے نام کا مسئلہ حل کر سکتا تھا۔ البتہ آرتھر کی نامکمل یاداشت کا مسئلہ اس نے بھولنے کی بیماری کا عذر قرار دے کر سلجھا دیا تھا۔

’’طاؤس!تمہارا کیا خیال ہے‘‘۔

اقابلہ ایک سفید بالوں والے بزرگ کی طرف متوجہ ہوئی۔

بوڑھے آدمی، طاؤس نے آہستہ سے سر ہلایا:

’’جب اس انسان کو پکڑا گیا تو میں بھی پوچھ گچھ میں شامل تھا۔ میں نے محسوس کیاتھا کہ اسے بھولنے کی بیماری ہے۔ یہ صرف اتنا کہہ سکتا تھا کہ اس کا نام آرتھرہے۔ اس وقت اس کا جسم کسی دھمکی سے خوف زدہ ہونے کے قابل بھی نہ تھا‘‘۔

کسی بھی شخص کو لاغر یاکمزور کہا جائے تو اسے برا ہی لگے گا لیکن اس وقت علی روئی کے بچاؤ کی یہی ایک صورت تھی کہ اسے وہ لوگ لاغر اور کمزور ہی سمجھیں۔ اقابلہ نے قدرے احترام سے سر ہلایا اورعلی روئی سے کہا:

’’میں نے حکیم الداس سے کچھ دلچسپ کہانیاں سنی ہیں، لیکن دوبارہ نہیں سننا چاہتی۔ میں صرف ایک بار پوچھ رہی ہوں۔ کیا واقعی تمہیں قدیم عظیم الشان حکیم کی وراثت ملی ہے؟ جھوٹ بولنے کی کوشش بھی نہ کرنا۔ اس کا انجام اتنا بھیانک ہوگا کہ تم سوچ بھی نہیں سکتے‘‘۔

علی روئی کو آخر کار سمجھ میں آگیاکہ اقابلہ نے اسے اتنی جلدی کیوں بلوایا۔ لہذا اس نے بغیر کسی ہچکچاہٹ کے جواب دیا:

’’ملکۂ عالیہ کے حضور جھوٹ بولنا زندگی سے ہاتھ دھونے کے مترادف ہے۔ مجھے واقعی عظیم آقا کی وراثت ملی ہے۔ عظیم حکیم کا دور قبل از تاریخ کا دور نہ سہی لیکن غیردستاویزی ضرور ہے۔ میرا یہاں ہوناہی اس بات کی دلیل ہے کہ میں اس عظیم حکیم کی وراثت کا حامل ہوں ورنہ میں اس دیومالائی دائرے میں کیسےپہنچ سکتا تھا‘‘۔

اقابلہ نے حکیم الداس سے پوچھا :

’’حکیم ! اس معاملے کی معتبریت کے بارے میں آپ کا کیا خیال ہے؟‘‘۔

حکیم الداس اپنی کرسی سےآہستہ سے اٹھااور کہنے لگا:

’’ملکۂ عالیہ!آپ اس کے بنائے ہوئے آلات خود دیکھ چکی ہیں۔ ان کے نشان نہ تو تاریخ میں کہیں ملتے ہیں نہ انسانی دنیا میں۔ فلورا کے ہاتھوں تباہ ہونے والابررپزل ذہانت کا اعلیٰ نمونہ تھا۔ پھر اس پر طرح طرح کے زہر آزمائے گئےجو اس پر رتی برابر اثرانداز نہ ہوئے۔ یہ سب نشانیاں عظیم حکیم کی وراثت کاحامل ثابت کرنے کےلیے کافی ہیں‘‘۔

شہزادی اقابلہ کی اصل عمر صرف23 سال تھی۔ یہ شاہی خاندان کی عمر کی بنیاد پر صرف آغاز تھا۔ حکیم الداس کی تصدیق کے بعد علی روئی نے خود کوبہت ہلکا پھلکا محسوس کیا۔ اقابلہ نے ایک لمحے کے لیے سوچا اور علی روئی سے کہا:

’’تم ا نسان درحقیقت ڈیمنوں کے دشمن ہو۔ میری منظوری کے بغیر تمہیں نیرنگ آباد کی شہریت تو کجا سانس لینے کےلیے ہوا بھی نہیں مل سکتی۔ چونکہ تم نے وفاداری کا وعدہ کیا ہے اس لیے تمہارے ساتھ برا سلوک نہیں کیا جائے گا۔ البتہ تمہاری شناخت عظیم حکیم کے جانشین کی بجائے حکیم الداس کے شاگرد کے طور پر رکھی جائے گی۔ جب تم اپنے علم میں کامل ہوجاؤ گے تو تمہیں استاد کی حیثیت مل جائے گی‘‘۔

شہزادی اقابلہ بےوقوف نہیں تھی کہ و ہ بغیر کسی مقصد کے عہدہ دینے کو تیار ہو گئی تھی۔ اس کے پیچھے اوبسڈین سے بدلالینے کا عظیم محرک چھپا تھا۔ وہ اسے اسی مقصد کےلیے استعمال کرنے کا ارادہ کیے بیٹھی تھی۔ گولی اس پرندے کو لگتی ہے جو اپنا سر باہر نکالتا ہے۔ طاقت کے بغیر مغرور ہونا بے وقوفی کے سوا کچھ نہیں۔

’’آپ کا شکریہ، شہزادی اقابلہ !‘‘۔

علی روئی نے دوبارہ جھک کر اپنی عقیدت کا اظہار کیا۔ اس نے ہچکچاتے ہوئے کہا:

’’لیکن اُس عظیم حکیم کے بارے میں شہزادی اقابلہ کے علاوہ ننھی شہزادی فلورا، امپ اور چلبل کو بھی معلوم ہے۔ مایا بھی تھوڑا تھوڑا جانتی ہے‘‘۔

’’فلورا اور ِکیا بھی اس کے بارے میں جانتی ہیں تو اس بات کو یقینی بنانا پڑے گا کہ وہ اس راز کو راز ہی رکھیں ‘‘۔

اقابلہ نے کہا۔ پھر اس نے انسانی فطری تقاضوں کے بارے میں سوچتے ہوئے کہا:

’’اس نے شمائلہ سے سن رکھاہے کہ وہ مایا میں دلچسپی رکھتا ہے، اگر ایسا ہے تو اسے نیرنگ آباد سے عہد وفاداری کے بدلے مایا بطور تحفہ دان کی جاتی ہے‘‘۔

’’ایک واضح خوبصورت پھندہ ‘‘۔

جب علی روئی نے مایا کی دلکش شکل کے بارے میں سوچا تو اس نے بے اختیار تھوک نگلی۔ لیکن وہ اس قابل کہاں تھا کہ مایا کو تھام لیتا۔ اس کا تو ایک بوسہ بھی اسے بنجر کر دینے کےلیے کافی تھا۔ اس نظرِ کرم کے درپردہ قاتلانہ دھمکی کووہ اچھی طرح سمجھ گیا تھا۔ شہزادی اقابلہ کے انداز سے معلوم ہوتا تھا کہ وہ واقعی یہ بھی کر گزرے گی۔ اس نے انتہائی سمجھداری سے کام لیا اور کہا:

’’وہ حکیم الداس سے فارماسوٹک سیکھنا چاہتا ہے۔ اس لیے مایا کی بجائے چلبل اس کے کام میں معاون ثابت ہو سکتا ہے‘‘۔

اقابلہ نے کچھ دیر غور کے بعد اس کی درخواست مان لی۔

حکیم الداس علی روئی کے ان عزائم کا محرک شہزادی اقابلہ کا حسن سمجھ بیٹھا تھا۔ اس لیے محل سے نکلتے ہی اس نے علی روئی سے کہا:

’’تم نے نیرنگ آباد کے فلاح کا کام کسی بھی طمع کی توقع کے بغیر کرنا ہے‘‘۔

علی روئی حکیم الداس کی بات پر مسکرا دیا۔

آخر میں امپیریل گارڈ کےرہنما کاگورون نے نیرنگ آباد سنٹر میں شہزادی اقابلہ کی لکھی ہوئی ہدایات کو پڑھا۔ اب علی روئی سرکاری طور پر نیرنگ آباد کا رکن بن گیا تھا۔ اس نے سوچا کہ یہ شاید دیومالائی دائرے میں ایک انسانی زندگی کی بقا کا پہلا قدم ہے۔ اس دنیا میں انسان رہ سکتے ہیں۔ بلکہ آگے بڑھ سکتے ہیں۔

محل کے بیرونی صحن میں حکیم الداس کی تجربہ گاہ کے اندر صبح سویرے ایک جانی پہچانی چیخ سنائی دی۔ حتیٰ کہ بہادر اور مضبوط شاہی محافظ بھی چیخ سن کر خوف کی وجہ سے مدد نہ کر سکے۔ وہ حکیم الداس کی طرف سے اتاری ہوئی اذیت ناک موت کی بجائے میدانِ جنگ میں مارے جانے کوبہتر تصور کرتے تھے۔ پچھلی مرتبہ کی طرح وہی بوتلیں اورمرتبان تھے، بس دوائیاں کھلانےاور آزمانے کے کردار بدل چکے تھے۔

’’ چلبل! یہ دوائی کیسی محسوس ہو رہی ہے؟‘‘۔

علی روئی نے چلبل کی طرف دیکھا جو زمین پر لیٹا ہواہانپ رہا تھا۔ (ہوا کے لیے )

چلبل نےنقاہت بھری آواز میں کہا:

’’مالک! جان لیوا ہے۔ ایسا لگتا ہےمیرا سر پھٹ جائے گا۔ میں مرنے والاہوں مالک‘‘۔

’’یہ میں نے غلط پڑھا تھا۔ اصل میں تویہ گھاس سے بنی ہوئی دماغ چکرانے والی تھی ‘‘۔

علی روئی نے جان بوجھ کرجھوٹ بولا۔

چلبل نے خود کو سنبھالتے ہوئے کہا:

’’پھر ممکن ہے میں نے ہی کوئی غلط دوائی پی لی ہے۔ یہ بھی تو ممکن ہے مالک کہ ہم امپس کی اجزائے ترکیبی ہی ایسی ہو کہ دماغ کوچکرانے والی دوا اُن کےلئےروح شکن ہو‘‘۔

وہ جو ابھی مر رہا تھا ایک دم اٹھ بیٹھا اور علی روئی کے گھٹنے پکڑ کر التجائیں کرنے لگا۔

’’مالک! اپنے اس حقیر غلام پر رحم کیجیے۔ (اور پھر ) ہاں مالک یہ روح شکن نہیں واقعی چکر دینے والی دواہے۔ آپ درست کہتے ہیں‘‘۔

جب چلبل نے بات ختم کی تو اس نے علی روئی کو ایک اوربوتل ہلاتے ہوئے دیکھا۔ بوتل پہ واضح درج تھا۔

’’نمبر 81، بیداری کی دوائی‘‘۔

علی روئی بولا:

’’ یہ خاص طور پر چکرنہ آنے اور نیندنہ آنے کی توانائی کی دوائی ہے‘‘۔

چلبل کی آنکھوں میں آنسو آ گئے۔ یہ اس کی بے بسی کی انتہا تھی وہ سوچنے لگا کیا انسان امپ سے بھی زیادہ گری ہوئی مخلوق ہے۔ اور اپنے مخصوص انداز میں علی روئی کی شان میں کچھ یوں رطب اللساں ہوا۔

’’ آسمان جیسی بے کراں حکمتوں کے مالک!، آقائے روزو شب! آپ کا یہ کمزوراور ناتواں غلام خوف کی وحشت سے کہیں اندھا نہ ہو جائے۔ وہ جو آپ کےلیے نیلی جھیل کے پانیوں سے زہریلے ڈریگن کو نکال لانے کا عزم کیے بیٹھا ہے‘‘۔

امپ نے اپنی عقیدت اور وفااداری ظاہر کرنے کےلیے علی روئی کی چاپلوسی شروع کی جو اس کے پچھلے برتاؤ کے بالکل برعکس تھی۔

’’تم زہریلے ڈریگن کو نکالو گے؟‘‘۔

علی روئی نے مسکرا کر کہا:

’’اگر کچھ دن ہمارے درمیان پہلے آقا اور غلام کا معاہدہ نہ ہوا ہوتا تو حکیم چلبل !تم شاید اس وقت میرا خون پی رہے ہوتے۔ ہڈیاں چبا رہے ہوتے ‘‘۔

یہ سن کرچلبل بے چارگی کے ساتھ خاموش ہو گیا۔ اس کے نزدیک ایک ڈراؤنے خواب کا آغاز ہو چکا تھا۔ شہزادی اقابلہ کا سب سے قابلِ اعتماد حکیم طاؤس جوجادوئی علوم و فنون کاماہر تھا، اس نے چلبل کو علی روئی کے ساتھ غلامی کےمعاہدےپر مجبور کردیاتھا۔ اسے کہہ دیاگیا تھاکہ اگر چلبل نے علی روئی کی مخالفت کرنے کی ہمت کی تو اسے سخت سزا دی جائے گی جوسزائے موت بھی ہو سکتی ہے۔ امپ جیسے مجبورِ محض کے پاس قسمت کا فیصلہ سننے کے علاوہ کوئی راستہ تھا ہی نہیں، سو وہ اپنے نئے آقا کی خوشامد کے علاوہ کر ہی کیا سکتا تھا۔ علی روئی نے کہا:

’’چلبل! میں جانتا ہوں کہ تم یقین نہیں کرو گے لیکن سچائی تمہیں بتانا ضروری ہے۔ تمہاری بدقسمتی کہ جب میں شہزادی شمائلہ اور حکیم الداس کو اپنی وراثت کا راز بتارہا تھا تو وہاں تم بھی موجود تھے۔ اس راز کو محفوظ رکھنے کےلیے موت تمہاری قسمت میں لکھ دی گئی تھی۔ میں نے شہزادی اقابلہ سے تمہیں مانگ کر اپنی غلامی میں لے کرزندگی بخشی ہے‘‘۔

چلبل کانپ اٹھا۔ اسے ایک دم شہزادی کی بےرحمی کی ساری افواہیں یا د آگئیں۔ اسے لگاکہ اس کے نئے آقا نے جو کہا ہے وہ حرف بہ حرف درست ہے۔ اس نے سوچا:

’’تو کیا ہوا اگر مجھے اس انسان نے بچایا، دیومالائی دائرے میں طاقتور لوگ حکومت کرتے ہیں۔ امپ لوگوں کی پہچان ہے کہ وہ کمزوروں پر دھونس جماتے ہیں اور طاقتور وں سے خوفزدہ رہتے ہیں۔ پوری دیومالائی دائرے کی تاریخ میں یہ پہلا واقعہ ہے کہ اب حکیم چلبل ایک انسان کا خادم بنا دیا گیاہے جو اس سے بھی کمزور ہے مگر مجھے خادم بنانے والے بے شک بہت طاقتور ہیں۔ خیالوں میں ڈوبے چلبل کا جائزہ لیتے ہوئے علی روئی مسکراپڑا۔ اس نے کہا:

’’چلبل! تمہاری چھوٹی سی زندگی اب میرے ہاتھ میں ہے۔ اگر میں تمہارے پچھلے برے اعمال کا بدلہ لینا چاہتا تو تمہیں اِ س وقت تک اذیتیں دےدے کر موت کے گھاٹ اتار چکا ہوتا مگر میں ایسا نہیں کرنا چاہتا۔ شہزادی اقابلہ نے مجھ سے ذاتی طور پر وعدہ کیا ہے کہ جب میں حکیم کے درجے تک پہنچ جاؤں گا تو مجھے حکیم الداس جیسی عزت اور احترام سے نوازاجائے گا۔ سو مجھے کسی تجرباتی غلام یا مسخرے کی ضرورت نہیں جو محض تعریف کرتا رہے۔ ایک مخلص اور وفادار پیروکار چاہیے‘‘۔

چلبل سوچنے لگا۔ ہے تویہ انسان مگرشہزادی اور حکیم الداس نے اس کی بہت تعریف کی ہے۔ یقیناً اس کا مستقبل تابناک ہے۔ اگر میں واقعی اس آقا کا پیروکار بن جاؤں تو یہ گھاٹے کا سودا نہیں ہوگا۔ چلبل ایک لمحے کے لیے پرجوش ہو گیا۔ وہ ایک نچلے طبقےکا ڈیمن تھا جو ہمیشہ سے دوسروں کے ماتحت چلے آ رہے تھے۔ بنیادی طور پر حکیم الداس کی تجربہ گاہ میں صرف ایک صفائی کرنے والالڑکا تھا۔ اس کا رتبہ ایک خادم کا بھی نہیں تھا۔ اس کے لیے یہ ایک سنہری موقع تھا، وہ اس موقع کو کیسے گنوا سکتا تھا۔

’’مالک! آپ چلبل سے کیا کروانا چاہتے ہیں؟‘‘۔

امپ نے دیکھا کہ اس کے مالک کو چاپلوسی سے کوئی دلچسپی نہیں ہے، اس لیے اس نےسادہ ترین الفاظ میں احترام سے پوچھا۔

علی روئی چلبل کی کارکردگی سے کافی مطمئن تھا۔ اس نے فوری طور پر شہزادی اقابلہ سے سیکھی ہوئی سزا اورجزا کی حکمت عملی کو لاگو کیا، اسے اس بات کی فکر نہیں تھی چلبل اس کی حکم عدولی کرے گا۔

’’فکر نہ کرو۔ میں اب تمہیں دوائیاں آزمانے کے لیے استعمال نہیں کروں گا لیکن تمہیں جڑی بوٹیوں کا کچھ علم سیکھنا ہوگا اور پھر میری ہدایات کے مطابق مختلف جڑی بوٹیاں اکٹھی کرنی ہوں گی۔ اس کے علاوہ تمہیں مختلف معلومات جمع کرنی ہوگی‘‘۔

چلبل کی ننھی آنکھیں اچانک چمک اٹھیں۔ جڑی بوٹیوں کو اکٹھا کرنا پہلے سے ہی ایک طالب علم کا کام تھا اور حکیم چاہتا تھا کہ وہ جڑی بوٹیوں کے بارے میں سیکھے اور معلومات حاصل کرے۔ اسےیہ نیا کام بہت اچھا لگا۔ امپ نے فوراًعلی روئی کے سامنے گھٹنے ٹیک دیے اوردل سے وفاداری کا اظہار کیا اور پورے خلوص کے ساتھ تعریف کی۔ اچانک اسے یاد آیا کہ آقا کو یہ بات پسند نہیں تھی۔ وہ تعریف کرتے کرتے اچانک خاموش ہو گیا۔

اس کی یہ عاجزی محض دکھاوا تھی۔ وہ محض ایک عاجز اور فرمانبردار شکل بنارہا تھا۔ باڈی لیگوئج ساتھ نہیں دے رہی تھی۔ یعنی جسمانی حرکات و سکنات کے تاثرمیں تمام تر وفاداری کا اظہار موجود تھا۔ پھر بھی علی روئی چلبل کی شکل دیکھ کر خوش ہوا۔ معاہدے کے مطابق سزا و جزا کی حکمت عملی نے امپ کی گردن جھکا رکھی تھی۔ بے شک علی روئی نے اپنی عقل سے نیرنگ آباد میں قدم جما لیے تھے لیکن وہ ایک انسان تھااوریہ دیومالائی دائرے تھی۔ اس کے علاوہ سپرسسٹم کی تکمیل کے لیے مزید جڑی بوٹیوں کی ضرورت تھی۔ کاموں کو چلانے کے لیے چلبل کی موجوگی اسے بہت سی پریشانیوں محفوظ رکھ سکتی تھی۔

’’ٹھیک ہے۔ تم جڑی بوٹیوں کے متعلق پڑھو۔ بنیادی جڑی بوٹیوں کو سمجھنا سیکھو‘‘۔

علی روئی نے موٹی سی کتاب چلبل کو تھماتے ہوئے کہا۔

چلبل پرجوش تھا۔ اسے معلوم تھا کہ یہ حکیم الداس کی ایک اہم کتاب ہے۔ اسے یہ علم تھا کہ ایلکمی کے ایک عام طالب علم کو علم سیکھنے کے درجے تک پہنچنے کے لیے بہت زیادہ ٹیوشن فیس ادا کرنی پڑتی ہے۔ اس کےلیے یہ بات حیران کن تھی کہ حکیم علی روئی اسے مفت میں علم سکھا رہا ہے۔ امپ نے نم آنکھوں کے ساتھ شکریہ ادا کیا اور کتاب لے کرنیچے تہہ خانے میں چلا گیا۔

علی روئی کو اب اس کتاب کی ضرورت نہیں تھی۔ آرتھر کی روح سے گزرنے اور اس نئےشعور میں ضم ہونے کے بعداس کی یادداشت میں زبردست بہتری آئی تھی۔ اس کا دماغ بھی غیر معمولی طور پر صاف ہو گیا تھا۔ علامتی معاہدے کی وجہ سے چندہی دنوں میں، اس نے’’ جڑی بوٹیوں کی بنیادی باتیں‘‘میں سب کچھ حفظ کر لیا تھا۔

سپر سسٹم کی بوٹنگ ترقی کی خصوصیت یہ تھی کہ اثر جتنا طاقتور ہوگا، اتنی ہی تیزی سے آگے بڑھے گا لیکن بار باراستعمال ہونے والے زہر کا اثر بڑھتانہیں تھا، یہاں تک کہ سنکھیار کا مہلک زہر بھی اس سے مستثنیٰ نہیں تھا۔ تجربہ گاہ کے زہروں کا تقریباًآخری بار مکمل تجربہ کیا گیا۔ علی روئی دوائیوں کی ترکیب کو سمجھنا چاہتا تھا اور پھر جلد از جلد سپر سسٹم کو تیزکرنے کے لیے نئی دوائیاں ترتیب دینے کی کوشش کرنا چاہتا تھا۔ فی الحال اس نے یہ تجربہ نہیں کیا تھا کہ ترقی کو تیز کرنے کے اور طریقے ہیں، اس لیے وہ صرف شعبۂ ادویات میں تحقیق کر سکتا تھا۔

چلبل دوبارہ اندر آیا اور کہا:

’’حکیم ، لیڈی فلورا یہاں ہے؟‘‘۔

فلورا تجربہ گاہ میں چلی گئی، حکیم الداس کی غیر موجودگی پر اس نے پوچھا:

’’حکیم کہاں ہیں؟‘‘۔

’’حکیم نے رات بھر پیگ کے سولٹیئر کا مطالعہ کیا۔ وہ ابھی تک سو رہے ہیں‘‘۔

پرسوں علی روئی نے چلبل کی مدد سے پیگ کے سولٹیئر کا ایک سیٹ بنایا اور حکیم الداس کو دیا۔ حکیم الداس کو تو گویا ایک قیمتی خزانہ مل گیا۔ وہ فوراً اس میں مشغول ہو گیا۔ علی روئی کو شبہ تھا کہ اگر یہ جاری رہا تو حکیم کےکام کرنے کی صلاحیت میں کمی آ جائےگی۔

فلورا نے اس سے اتفاق کیا:

’’اوہ۔ تویہ معاملہ ہے۔ کیا ان دنوں شمائلہ ادھر آئی تھی؟‘‘۔

’’ہاں آئی تھی‘‘۔

علی روئی نے مسکراہٹ کے ساتھ کہا:

’’پرسوں میں نے اسے پیگ کے سولٹیئر کے ساتھ رخصت کیا۔ وہ ہر روز کچھ نیا چاہتی ہے۔ اگر یہ جاری رہا تو میرا دماغ خراب ہو جائے گا۔ کیا آپ آج بھی ’رومانس آف تھری کنگڈم‘ سننا چاہتی ہیں؟‘‘۔

فلورا کی آنکھیں چمک اٹھیں۔ اس نے جلدی سے سر ہلایا۔ علی روئی اسے اپنا ہم ذوق بنانے میں کامیاب ہو چکا تھا۔ اس نے ’’رومانس آف دی تھری کنگڈم‘‘سے چند اقتباسات کا انتخاب کیا۔ بلاشبہ، ماحولیاتی ضروریات کی وجہ سے مشہور جرنیلوں کی صلاحیتوں کو معدوم کردیا گیا جیسے گوان یو کا گرین ڈریگن کریسنٹ بلیڈ ایک نمونہ بن گیا۔ ایک ضرب ہزاروں لوگوں کی جان لے سکتی ہے۔ ژانگ فی کی چیخ آبشار کو پیچھے کی طرف بہا سکتی ہے۔ لیو بی کے پاس پانی کا جادو تھا جو اس کے آنسوؤں کو ہزاروں میل تک بہا سکتا تھا۔

فلورا غیر معمولی جسمانی طاقت والےطاقتور لوگوں کی دیوانہ وار تعریف کرتی۔ وہ روزانہ تجربہ گاہ کا چکر لگاتی۔ پھر بھی علی روئی نے یہ کہانیاں صرف فلورا کو سنائیں۔ یہ کہانیاںہی اس راز کی پوشیدگی کی ضامن تھیں جو ان کےدرمیان تھا۔

’’رکو! چلو آج نیلی جھیل پر چلتے ہیں‘‘۔

فلورا نے اچانک اپنے آنے کا ارادہ ظاہر کیا کیونکہ وہ مزید کہانی نہیں سنناچاہتی تھی۔

’’واپسی کے راستے میں کہانی سناناٹھیک ہے؟‘‘۔

آسودگی کے دنوں میں علی روئی ڈریگن نوشتہ جات کومکمل طور پر فراموش کر چکا تھا جو فلورا کی اس بات سے اسے یاد آئے اور اس نے فوراً اثبات میں سر ہلایا:

’’میں نے پہلے ہی تین سینگوں والے گینڈےتیار کر لیے ہیں۔ چلواب چلتے ہیں‘‘۔

چلبل نے اپنے آقا اور فلورا کے جانےکے بعد حیران کھڑا تھا کہ فلورا جس نے کبھی پہل کی ہی نہیں جنرل ایان تک اس کے قریب نہ ہوسکا، آقا کےلیے پہل کر رہی ہے جسے اس دنیا میں آئےدن ہی کتنے ہوئے ہیں۔ اسےاپنےآقا کا پیروکار ہونے پرفخر محسوس ہوا۔

دونوںقلعے کے باہر تین سینگوں والے گینڈوں پر بیٹھ گئے۔ اس بار دونوں کاٹھی اور رکاب کے مکمل سیٹ کے ساتھ بیٹھے۔ واضح تھا کہ انسان کے ساتھ اس کا برتاؤ پچھلی بار سے بالکل مختلف تھا۔ شہر سے کامیابی کے ساتھ نکلنے کے بعد دونوں نیلی جھیل کی طرف بھاگے۔

وہ جگہ جو پہلے سنکھیار کے ساتھ منتخب کی گئی تھی، علی روئی زہریلے ڈریگن کو ابتدائی پیگس سولیٹیئر کے ساتھ جذب ہوتے دیکھ کر حیران رہ گیا۔ ظاہر ہے گزشتہ کچھ دنوں سے اس نے اپنی توانائی اس پر صرف کی تھی۔ علی روئی نے فلورا کو کچھ فاصلے پر انتظار کرنے کو کہا، پھر وہ اکیلا آگے بڑھا۔ جب سنکھیار نے اسے دیکھا تو اس نے سختی سے پوچھا:

’’تم کون ہو؟‘‘۔

علی روئی کو اچانک خطرےکااحساس ہوا۔ خراب یاداشت؟؟، کچھ زیادہ نہیں؟۔ یہ واضح طور پر الزائمر ہےیعنی ڈریگن بھول جانے والی بیماری میں مبتلا ہے۔

جیسے ہی سنکھیار نے اسے پہچانا علی روئی کو فوراً شرارت سوچھی۔ اس نے وہی بات شروع کی جو ڈریگن کے لالچی مزاج کو بہت بری لگتی تھی۔ اس نےے سنکھیار سے چھیڑ خانی کی کہ خزانے کا چالیس کی بجائے ساٹھ فیصد حصہ ملے گا۔ جب اس نے سنکھیارکو اپنی بات پر آمادہ کرنے کی کوششیں شروع کیں تو سنکھیار بپھر گیا:

لالچی آدمی! دن کی روشنی میں خواب دیکھنا بند کرو، ہم معاہدے میں واضح طور پر طے کر چکے ہیں کہ تمہارا حصہ چالیس فیصد ہے۔ دولت کے معاملے میں جو ڈیگنوں کی کمزوری ہے ان سے ہیرا پھیری نہیں کی جا سکتی‘‘۔

علی روئی ڈریگن کی حالت دیکھ کر محظوظ ہو رہا تھا اور ساتھ ہی اس کا جسم ڈریگن کا زہر پیےجا رہا تھا۔ خوب تنگ کرنے کے بعد اس پر اپنے پچھلے دنوں کے کامیاب تجربات کا رعب بھی ڈالا، ڈریگن علی روئی کے جانے کے بعد بھی کافی دیر تک اس کے کامیاب تجربوں کے بارے میں سوچتا رہاتھا۔

علی روئی نے اس بار ڈریگن کو شطرنج کی کچھ آسان چالیں بھی سکھائیں جو اسے بے حد پسند آئیں۔ کھیل کے ساتھ ساتھ اس نے باربی کیو کھانے کی خواہش کا اظہار کیا اور فلورا کو حکم دیا کہ وہ جانور شکار کر لائے تب تک وہ علی روئی کے ساتھ شطرنج کھیلے گا۔

’’تو یہ منحوس ابھی تک باربی کیو نہیں بھولا‘‘۔

علی روئی نے دل ہی دل میں کہا۔

فلورا جانتی تھی کہ باربی کیو بھی اس معاہدے کا حصہ ہے۔ اس لیے وہ خاموشی سے شکار کی تلاش میں نکل پڑی۔ اس کے جانے کے بعد سنکھیار نے اس کی جنسی کشش پر تبصرہ کیا:

’’فلورا جنسی حسن میں دوہرا معیار رکھتی ہے۔ اگر یہ جنگ میں تمہارے ساتھ آئے گی توالگ دکھائی دے گی‘‘۔

علی روئی متجسس تھا۔ اس نے پوچھا:

’’تم صرف اپنے نچلے جسم کا استعمال کرتے ہوئے سوچتے ہو۔ میں اس قابل کیسے ہوں؟‘‘۔

علی روئی نے غصے سے کہا:

’’دراصل، فلورا اپنے دوستوں کے لیے ایک اچھی انسان ہے۔ اس لیے میں اسے دھوکہ نہیں دینا چاہتا۔ ہم دوست بنیں گےتو وہ بھی مدد کرے گی‘‘۔

’’جو کچھ بھی ہو، بس مقصد کو پورا ہونا چاہیے‘‘۔

سنکھیار نے مسکرا کر کہا:

’’ہمارے ہاں ڈریگنز میں دو طرح کے عقیدے ہیں۔ مرد اور عورت کے درمیان کوئی حقیقی دوستی نہیں ہے۔ دوستی محبت کی شروعات ہے۔ یہ سمجھا جاتا ہے کہ اگر آپ پہلا قدم اٹھانے میں کامیاب ہو گئے تو بس‘‘۔

’’یہ عورت جنسیاتی تبدیل شدہ خون کی لکیر کی ہے، اس کی دو شکلیں ہیں۔ اگر جنگ کے دوران دیومالائی شکل آپ کے جمالیاتی معیار پر پورا نہ اترتی ہو تو بھی معمول کی حالت کافی خوبصورت ہونی چاہیے۔ سنکھیار نے آنکھیں موند لیں۔

علی روئی جانتا تھا کہ وہ زہریلے ڈریگن سے بحث نہیں کر سکتا۔ اس نےکہا:

’’سنکھیار! بےکار کی باتیں مت کرو اور نوشتہ جات سکھانےکی طرف توجہ دو‘‘۔

نوشتہ جات یا لوح کندہ شدہ متن کو کہتے ہیں جسے مقعر اور محدب شکلوں کے مطابق ین اور یانگ متن میں تقسیم کیا گیا تھا۔ ڈریگن نوشتہ ایک قدیم ڈریگن کے خاص منتر سے تراشا گیا وظیفہ تھا جو عظیم طاقت کا مظہر تھا۔ جیسے جیسے صارف کی طاقت اور تحریر کی سمجھ میں اضافہ ہوا نوشتہ کی طاقت بڑھنے لگی۔ یہ خاصا مشکل کام تھا۔ بہت سے ڈریگن اس کام میں ناکام رہے تھے۔ بعض اصولوں کے مطابق ترتیب دیے گئے نوشتہ جات کا ایک سلسلہ ایسی طاقت کا استعمال کر سکتا ہے جو انفرادی نوشتوں کی کل تعداد سے کئی گنا زیادہ تھا۔ اگرچہ ڈریگن نوشتہ کی طاقت زیادہ تھی لیکن تخلیق کاروں کی طاقت کے ساتھ اس کے تعلق کی وجہ سے نوشتہ جات دیگر مخلوقات کے مقابلےمیں بہت کمزور تھے۔

سنکھیار نے پہلے اسے کچھ بنیادی نکتے سکھائے۔ علی روئی کی یادداشت بہت اچھی تھی اس لیے اس نے بہت جلد سیکھ لیے تاہم اس نے محسوس کیا کہ اسے سمجھنا بہت مشکل تھا۔ ابھی انہیں صرف یاد کر سکتا تھا اور بعد میں آہستہ آہستہ سمجھنےکی کوشش کرے گا۔ علی روئی کی اچھی یادداشت کو دیکھتے ہوئے سنکھیار نے مزید کئی مکمل نوشتہ جات سکھائے۔

اس کے فوراً بعد فلورا اپنے شکار کے ساتھ واپس آگئی اور علی روئی نے بطورباورچی اپنا کام شروع کر دیا۔ زہریلے ڈریگن نے پچھلی بار شمائلہ اور دوسروں کا صرف بچاکھچا کھایا تھا لیکن اس بار وہ ایک بڑے کھانے سے لطف اندوز ہونے والاتھا۔ باربی کیو کھانے کے بعد سنکھیار نے ایک شاخ لی اور اپنے دانت صاف کرتے ہوئےکہا:

’’ٹھیک ہے، اب تم جا سکتے ہو۔ لیکن یاد رکھنا سات دنوں بعد واپس آنا ہے‘‘۔

’’رکو‘‘۔

فلورا نے جلدی سے پوچھا:

’’تریاق کہاں ہے؟‘‘۔

سنکھیار نے الجھن سے پوچھا:

’’کون سا تریاق؟‘‘۔

’’پیٹو! تریاق کے بارے میں بالکل بھول گیا؟۔

علی روئی نےالتجائی نظروں سے سنکھیار کو دیکھا۔ سنکھیارکو آخر کاریاد آگیا اور ہچکچاہٹ کا مظاہرہ کیا۔ اس نے کافی دیر تک اپنے کپڑوںکی تلاشی لی اور تین جید سبز موتی نکالے۔ علی روئی نے کچھ ناولوں میں لوگوں کو پھنسانے کے لیے استعمال ہونے والی مردہ جلد کی گولیوں کے بارے میں سوچا اور دل میں کراہت محسوس کی۔ اس کی اس ناگوارنظر نے سنکھیار کو غصہ دلایا۔ اس نےایک ساؤنڈ پروف حد لگائی علی روئی کا کالر پکڑا اور غصے سے بولا:

’’تم نہیں جانتے کہ اچھی چیزوں کی تعریف کیسے کی جاتی ہے۔ یہ جیڈ پرل ہے، زہریلے ڈریگن کا ایک خاص کرسٹل۔ اسے کھانے سے نہ صرف چوٹ جلد ٹھیک ہوتی ہے بلکہ زہر کے خلاف مزاحمت کو بھی مستقل طور پر بڑھاتی ہے۔ ایک گولی کو کرسٹالائز کرنے میں200 سال لگتے ہیں۔ پانی میں گھلی ایک گولی 10 لوگوں کےلیے کافی ہے! اگلی بارتم خود تریاق بنانا‘‘۔

یہ گولی ہر فن مولانکلی۔ علی روئی شرمندگی سے مسکرایا۔ سنکھیار نے فلورا کی طرف دیکھا جس نے اپنی تلوارپہلے ہی نکال لی تھی اور بچانے کے لیے تیار تھی۔ وہ مسکرایا اور علی روئی کا کالر چھوڑ دیا۔ علی روئی نے فلورا کو اپنی نظروں سے سب کچھ ٹھیک ہونے کا اشارہ کیا اور جلدی سے اسے جھیل سے دور لے گیا۔

فلورا نے راستے میں تین سنگھے گینڈے کی پشت پر اپنا سر جھکائے رکھا۔ اس نے علی روئی سے بات نہیں کی۔ وہ واقعی ناخوش لگ رہی تھی۔ علی روئی نے سوچا کہ فلورا اب بھی جسم میں زہر سے خوفزدہ ہے اس لیے اس نے ایک جیڈ پرل دے کر کہا:

’’فلورا! تم پہلے تریاق کیوں نہیں کھا لیتی۔ ہم سات دن بعد واپس آئیں گے۔ تب تک ٹھیک ہو چکے ہو گے‘‘۔

’’یہ سب میری وجہ سے ہے‘‘۔

فلورا نے اچانک اپنی مٹھیاں بھینچ لیں اور طویل عرصے سے دبا ہوا غبار اچانک پھٹ پڑا۔

’’میں چند دنوں سے پچھتا رہی ہوں۔ اگر میں شمائلہ کو نیلی جھیل پر نہ لے جاتی تو اسے زہر نہیں دیا جاتا۔ میں زہریلے ڈریگن سے مرتے دم تک لڑنا چاہتی ہوں۔ بوغائی فیملی کے لوگ کسی بھی دھمکی کو قبول کرنے کے بجائے جنگ سے مرنا پسند کرتے ہیں‘‘۔

علی روئی نے یہ نہیں سوچا تھا کہ فلورا اتنی سخت ہے واقعی میں مرتے دم تک ڈریگن سے نہیں لڑ سکتی۔ اس نے جلدی سے کہا:

’’رکو! اگر تم نے زہریلے ڈریگن کو اکسایا تو وہ اب کبھی تریاق نہیں دے گا۔ تو کیا یہ چیز شمائلہ کو نقصان نہیں دے گی؟‘‘۔

علی روئی نےفلوارا کی دکھتی رگ پر ہاتھ رکھا۔ وہ افسردہ ہو کر بیٹھ گئی۔

’’شمائلہ میری سب سے اچھی دوست ہے اور بوغائی فیملی کو لارڈ تاریک سورج بہت پسند کرتے تھے۔ میرے والد نے مجھے خصوصی طور پر نیرنگ آباد سلطنت میں بھیجا تھا۔ مجھےتو اپنی زندگی کی بازی لگا کر ولی عہد گریم کی اولاد کی حفاظت کرنی ہے۔ پھر بھی میں نے ایسی ناقابل معافی غلطی کی! میں کیا کروں؟‘‘۔

علی روئی کو احساس ہوا کہ فلورا اپنی حفاظت کے بارے میں نہیں بلکہ اپنی دوست شمائلہ کے بارے میں فکر مند ہے۔ اُس کے دل میں اچانک ایک احساسِ جرم پیدا ہوا۔

’’فلورا! میں اپنی جان کی قسم کھا کر کہتا ہوں کہ تم تینوں کا زہر ختم ہو جائے گا۔ اگرتمہیں مجھ پر بھروسہ ہے تو ابھی تریاق والی گولی کھاؤ!‘‘۔

فلورا نے سر اٹھایا۔ اس کی سرخی مائل حیران آنکھیں اس شخص کی طرف دیکھ رہی تھیں۔ اس نے آخر میں سر ہلایااور جیڈ پرل کھا لیا۔ شاید اس دواکا ذائقہ اچھا نہیں تھا اس نے اپنی بھنویں اچکائیں۔ تب ہی علی روئی کو یاد آیا کہ ایک جیڈ پرل 10 لوگوں کے لیے کافی تھا۔

فلورا جو ابھی صحت یاب ہوئی تھی، کہنے لگی:

’’علی روئی!میں نے تم سے زیادہ بہادر شخص نہیں دیکھا۔ تم ایک ذمہ دار آدمی بھی ہو۔ میں نے پہلے ہی تمہیں اپنا دوست مان لیا تھا۔ اگرتمہیں کسی مدد کی ضرورت ہو تو مجھے بتانا۔ فلورا بوغائی کبھی انکار نہیں کرے گی۔

’’ہمم‘‘۔

علی روئی نے سر ہلایا۔ وہ شاید پہلا انسان تھا جسے اس نے کبھی دیکھا تھا۔ سب سے زیادہ بہادر او شاید سب سے زیادہ بزدل بھی وہی تھا۔ تاہم، فلورا کےکہے گئے لفظ ’’دوست‘‘سے اسےڈریگن کے وہ دواصول یاد آئے جو آج اس نے کہے تھے۔ وہ شرمندہ ہو گیا۔

’’یہ تریاق کی گولی بہت تیکھی ہے۔ میرا گلا جل رہا ہے۔ مجھے ڈر ہے کہ ننھی شہزادی یہ نہیں کھائے گی۔ وہ بہت چالاک ہے۔ ہمیں کوئی راستہ تلاش کرنا ہوگا ورنہ وہ سمجھ جائے گی کہ یہ کوئی اور معاملہ ہے‘‘۔

علی روئی نے ایک لمحے کے لیے سوچا اور کہا:

’’میں کوئی حل نکالوں گا۔ بس تم یاد رکھنا کہ اسے کچھ بتانا نہیں ہے، بس تم پرسکون رہو۔ ‘‘

فلورا نے سر ہلایا:

’’فکر نہ کرو۔ میں کبھی تمہارے راز فاش نہیں کروں گی‘‘۔

’’اداس چیزوں کے بارے میں مت سوچو۔ میں تمہیں ’رومانس آف دی تھری کنگڈم‘ کی کہانی سناتا رہوں گا۔ اس بار میں تمہیں تین سلطنتوں کےمضبوط ترین مردوں کے مابین تاریخی جنگ کے بارے میں بتاؤں گا، تین ہیروز جنہوں نے لوبوسے جنگ کی‘‘۔

علی روئی کو سکون ملا۔ اس نے فلورا کوسچ کی بجائےکہانی میں الجھا دیا۔

’’لو بو سب سے مضبوط آدمی تھا، اس نے جو نمونہ استعمال کیا اسے اسکائی پیئرسر کہا جاتا تھا اور اس کے سواری کو ریڈ ہیر کہا جاتا تھا‘‘۔

فلورا کی آنکھیں چمک اٹھیں۔ وہ توجہ مرکوز کرکے سننے لگی۔ جب تین سینگوں والے گینڈے نیرنگ آباد کے سٹی گیٹ پر پہنچے تو علی روئی اور فلورا ننھی شمائلہ کو دیکھ کرحیران رہ گئے جس نے غصے سےدروازے بند بند کر دیے۔ اس کے پیچھے بے بس مایا اور بہت سارے سپاہی تھے جن کی قیادت ایک مضبوط میناٹور کر رہا تھا۔ علی روئی نے پہچان لیا کہ یہ سیٹور شہر کے محافظوں کا چھوٹا لیڈر ہے۔ جب وہ صبح کو شہر سے نکلے تو وہ فلورا کے لیے خاص طور پر احترام کا مظاہرہ کررہا تھا۔ فلورا اور علی روئی تین سینگوں والے گینڈے سے اتر کرنیچے آئے۔ شمائلہ کی نظر ایسی تھی کہ اگر وہ خوش نہ ہوئی تو اس کے سنگین نتائج ہوں گے۔ اس کا پہلا جملہ تھا:

’’فلورا! تم نےخوب دوستی نبھائی کہ میرے بغیر نیلی جھیل کی طرف چل دی۔ اگر گانگا مجھے اطلاع نہ دیتے تو مجھے پتہ ہی نہ چلتا‘‘۔

علی روئی نے جلدی سے وضاحت کی:

’’ننھی شہزادی! فلورا کو حکیم الداس نے نیلی جھیل پر میری حفاظت کے لیے مقرر کیا تھا جب میں جڑی بوٹیاں اکٹھی کر رہا تھا‘‘۔

’’بکواس بند کرو! تم کمینےانسان !‘‘۔

سیٹور (جس کا نام گانگا تھا ) نے علی روئی کی وضاحت میں غصے سے خلل ڈالا:

’’مجھے شک ہے کہ تم شہر سے باہر چوروں سے ملی بھگت کر رہے ہو۔ گارڈز!پہلے اسے گرفتار کرو!‘‘۔

’’گانگا!!!!‘‘۔

فلورا نے پیٹھ پر موجود عظیم تلوار کو نیام سے نکالااور اس کی خوبصورت سرخ آنکھوں نے سرد قاتلانہ ارادے ظاہر کیے:

’’علی روئی میرا دوست ہے، میں اس کا سر قلم کر دوں گی جو اسے چھونے کی جرأت بھی کرے گا‘‘۔

فلورا کے والدبوغا بوغائی سلطنت کے پہلے جنرل تھے اور اس کی تلوار بازی نیرنگ آباد میں مشہور تھی۔ سپاہیوں نے آگے بڑھنے کی ہمت نہیں کی۔ جب گانگا نے دیکھا کہ فلورا نے انسان کا اتنا دفاع کیا تو وہ حیران رہ گیا۔ بولا:

’’مادام فلورا! اس آدمی کے دھوکے میں مت آئیں‘‘۔

فلورا نے اپنا ہاتھ لہرایا، عظیم تلوار مڑی اورتلوار کاپچھلا سرا گانگا کو جا لگا۔ گانگا نے جلدی سے اپنے ہاتھوں میں موجود ہتھوڑا اٹھایا اور اس کےوار کو روکا۔ تلواروں کے ٹکرانے کی آوازیں گونجیں۔ میناٹور جو اپنی طاقت کی وجہ سےجانے جاتے ہیں فلورا کےایک وار کا مقابلہ نہ کرسکا۔ میناٹورچھوٹا ہو گیا کیونکہ اس کے دونوں گھٹنے پہلے ہی زمین پہ گر چکے تھے۔

چھٹا باب

حکیموں کا مقابلہ

ہارنے والاجیت بھی سکتا ہے

فلورا جانتی تھی چاہے حالات جتنے بھی ناسازگار ہو جائیں وہ سنکھیار سے دشمنی نہیں کر سکتی تھی اس لیےوہ اس کے سامنے تو خود پر قابو رکھتی تھی مگر گانگا کا سامنا کرتے وقت اس کی تلوار نے حیرت انگیز طاقت کا مظاہرہ کیا۔

فلورا نے اس بار اپنی تلوار کے کنارے کو دوبارہ لہرایا۔ چنگاریوں کے درمیان گانگا کا ہتھوڑا دو حصوں میں تقسیم ہو گیا۔ اس کے پاؤں پھر دھنس گئے۔ فلورا نے اپنی طاقت قابو میں کی اور تلوار میناٹور کے سر کے قریب آ کر رُک گئی۔

علی روئی جلدی سے شمائلہ کے پاس گیا اور سرگوشی کی، پھرننھی شہزادی کو ایک ٹوکری دی۔

’’راستے سے ہٹ جاؤکمزورڈیمن۔ بزدل ایان کو بلاؤ‘‘۔

فلورا بیوقوف نہیں تھی۔ اس نے فوراً اندازہ لگایا کہ گانگا کی کارروائی کے پیچھے کون ہے۔ پھر اس نے آہستہ سےاپنی تلوار واپس کر لی۔ گانگا نے اپنے سر کے اوپر سے ایک خوفناک قاتلانہ آواز محسوس کی۔ اس کا سر ٹھنڈے پسینے سے شرابور ہو گیا لیکن اسے معلوم ہو گیا کہ فلورا اسے مارنا نہیں چاہتی ورنہ اس کی تلوار ہتھوڑے کی بجائے اس کا سر کاٹتی۔ اچانک ایک آواز بلند ہوئی۔

’’رک جاؤ!‘‘۔

یہ آواز علی روئی کی تھی۔

’’ گانگا !تم نے ننھی شہزادی کے حکم کا انتظار کیے بغیر مادام فلورا پہ حملہ کیاہے۔ تمہیں لوسیفر خاندان کی عزت کا کچھ پاس ہے؟‘‘۔

گانگا گھبر اکر کہنے لگا:

’‘حملے میں پہل فلورا نے کی، میں نے تو محض اپنا دفاع کیا‘‘۔

’’تم نے فلورا پر حملہ کیا، تم نے میرا اور میری بہن کا بھی نہیں سوچا‘‘۔

’’نہیں نہیں۔ میں نے ایسا نہیں کیا‘‘۔

گانگا حیران و پریشان تھا۔ اسے کچھ سمجھ نہیں آ رہی تھی کہ وہ کیا کہے۔

’’چھوٹی شہزادی! انسان بہت دھوکے باز ہے۔ اس پر یقین نہ کرو‘‘۔

’’یہ آدمی واقعی دھوکے باز ہے‘‘۔

شمائلہ نے سر ہلایا۔ گانگا کو سکون ملا ہی تھا کہ شمائلہ نے جیڈ پھل تھامے ہوئے ہاتھ کی انگلی سے علی روئی کی طرف اشارہ کیا اور اس کا لہجہ بدل گیا۔

’’لیکن وہ تم سے زیادہ معقول ہے‘‘۔

معلوم نہیں شہزادی شمائلہ کی یہ طرفداری واقعی علی روئی کےلیے تھی یا پھر ان ڈریگن پھلوں کےلیے جو وہ اس کےلیے چن لایا۔ بہرحال علی روئی کو احساس ہوا کہ یہ اس نے عقل مندی کا کام کیا۔

شمائلہ نے گھبراہٹ اور پسینے میں شرابور گانگا کی طرف دیکھ کر کہا:

’’ایان سے کہوپاگل مت بنے۔ اگر وہ میرے ہاتھوں کسی کو مروانا چاہتا ہے تو اسے کم از کم اس شخص سے تو بہتر ہونا چاہیے‘‘۔

’’اس شخص سے بہتر؟‘‘۔

علی روئی شہزادی شمائلہ کی بات پر غور کرنے لگا۔ یعنی ڈریگن پھل نے واقعی رشوت کا کام کیا تھا۔

ایسا لگتا تھا کہ ننھی شہزادی سب کچھ سمجھ گئی ہے۔ وہ جان بوجھ کرانجان بن رہی تھی۔ گانگا نے دیکھا کہ شمائلہ نے مزید کچھ نہیں کہا، وہ جلدی سے اپنے سپاہیوں کے ساتھ اس طرح پیچھے ہٹ گیا جیسے معافی مل گئی ہو۔ علی روئی اس بات پر خوش تھا کہ دیومالائی دائرے اس کی پچھلی دنیا سے تو بہتر ہے، کم از کم جہاں کسی کو بھی موردِ الزام ٹھہرا کر ختم کر دیا جاتا تھا۔

’’چلیں، فلورا‘‘۔

شمائلہ نے فلورا کا بازو ایسے پکڑ رکھاتھا جیسے وہ کبھی ناراض ہی نہیں تھی۔

’’شہزادی صاحبہ! آپ نے میری وفاداری پر شک کیا‘‘۔

فلورا نے شمائلہ کا ہاتھ جھٹک دیا۔ وہ افسردہ ہو گئی تھی۔ مایااس کی بات سن کر مسکرا دی۔

شمائلہ واقعی ایک بےرحم شہزادی تھی۔ اس نے کچھ دیر فلورا سے سرگوشی کی، پھر اس نے ایک اورلطیفہ سنایا۔ محل کے دروازے تک دونوں کی دوستی بحال ہوگئی تھی۔ جب شمائلہ نے فلورا کو یہ کہتے ہوئے سنا کہ وہ کچھ شکار لائی ہے، اس نے پکنک کے منظر کے بارے میں سوچاتو اس کے منہ میں پانی بھر آیا۔ وہ علی روئی کومعنی خیز نظروں سے دیکھ کر مسکرائی۔ علی روئی کو ایسے لگا جیسے وہ ہی شکار ہو جسے سیخوں میں پرو دیا گیا ہے۔ وہ مخاطب ہوا:

’’اس بار کھانے کا نیا طریقہ ہے۔ باربی کیو کے مقابلے میں اس کا ذائقہ الگ ہے، لیکن مجھے نہیں معلوم کہ ننھی شہزادی اتنا زیادہ تیکھا کھا سکتی ہے‘‘۔

علی روئی کے آداب بجا لانے سے اسے شہہ ملی اور وہ اونچی آواز میں تمکنت کے ساتھ بولی:

’’لوسیفر رائل فیملی کی لغت میں خوف کا لفظ شامل نہیں۔ ‘‘

’’میں شمائلہ لوسیفرکسی سے نہیں ڈرتی‘‘۔

ننھی شہزادی کے اعتماد کو دیکھ کر شاہی محافظوں نے اسے تعریفی نظروں سے دیکھا اور وہ سب سیدھے کھڑے ہو گئے کیونکہ انہیں لوسیفر شاہی خاندان کا جنگجو ہونے پر فخر تھا۔ لیکن وہ ننھی شہزادی کے دلیرانہ الفاظ کا اصل مقصد نہیں جانتے تھےجوکہ مفت کھانا پینا حاصل کرنا تھا۔ شمائلہ سب کی تعریفی نظروں سے لطف اندوز ہوئی اور بے خوف ہوکر حکیم الداس کی تجربہ گاہ کی طرف چل دی۔ جب وہ تجربہ گاہ پہنچی تو چلبل نے اسے دیکھتے ہی جلدی سے سلام کیا۔ علی روئی کو چلبل سے معلوم ہوا کہ حکیم الداس کوہنگامی صورت حال میں شہزادی اقابلہ سے کوئی بات کرنے کےلیے محل میں جانا پڑ گیا ہے۔

امپ کی مدد سے علی روئی نے خود کو مصروف رکھنا شروع کر دیا. مایا اور فلورا نے بھی وقتاً فوقتاً مدد کی لیکن فلورا میں اس طرح کی صلاحیت کی کمی تھی۔ وہ مدد سے زیادہ رکاوٹ کا سبب بنتی تھی۔ شمائلہ انتظار کرتے کرتے بیزار ہو گئی تھی، اس لیے اس نے پیگ سولٹیئر لیا جسے حکیم الداس نے میز پر چھوڑ دیا تھا۔ علی روئی نے سوچا کہ شطرنج کا یہ خوبصورت سیٹ شمائلہ کے ہاتھوں نہیں بچ سکتا۔ پھر اسے حکیم الداس کی بے بسی پر ترس آیا۔

بالآخرکچھ عرصے کے بعد علی روئی نےکام ختم کیا۔ شمائلہ نے سکھ کا سانس لیا اور میز پر ایک عجیب سا بڑا برتن دیکھا جس کے نیچے شعلہ جل رہا تھا۔ اس نے تجسس سے پوچھا:

’’بہت اچھی خوشبو آ رہی ہے! یہ کیا ہے؟‘‘۔

’’اسےہارٹ پاٹ کہتے ہیں، چلو اسے آزمائیں‘‘۔

چلبل نے دسترخوان لگایا۔ اس نے کچھ کٹے ہوئے گوشت کے ٹکڑے اور دوسرے لوازمات بھی برتن میں ڈالے۔ پچھلے باربی کیو کے بعد اب وہ دیومالائی دائرے کے عام مصالحہ جات کو جانتا تھا۔ اگرچہ یہاں کے اجزاء اور مصالحہ جات علی روئی کی پچھلی زندگی کی طرح بکثرت نہیں تھے، لیکن کئی منفرد مصالحے تھے جو اس دنیا میں دستیاب نہیں تھے۔ اس لیے یہ گھر کے کچھ کھانے پکانے کےلیے کافی تھا۔ شمائلہ نے علی روئی کا مشاہدہ کیا اور سیکھنے کی کوشش کی۔ وہ گوشت کا ایک ٹکڑا لینا چاہتی تھی۔ لیکن وہ علی روئی کے گھر کے بنے چینی کانٹے استعمال کرنا نہیں سمجھ سکی، اس لیے اس نے ایک چمچ سے شوربے کے ساتھ گوشت کاٹکڑا نکالا۔

’’واہ، یہ بہت گرم ہے! اتنا تیکھا‘‘۔

اس کے ہاتھ تیزی سے چل رہے تھے۔ جلد ہی نہ صرف ننھی شہزادی بلکہ فلورا اور مایا کو بھی ہاٹ پاٹ سے پسند آ گیا۔

’’جلدی نہ کریں، بلکہ کھانے کے تمام اجزاء تک ساتھ مل کر کھائیں‘‘۔

علی روئی نےسلاد شمائلہ کے حوالے کیا۔ اس نے امپ کو تھوک نگلتے دیکھا جو احترام سے پہلو میں کھڑا رہا تھا۔ اس نے کہا:

ُُ’’ چلبل !تم کیا کر رہے ہو؟ آؤ اور کھاؤ!‘‘

’’ چلبل بھی کھا سکتا ہے؟‘‘

چلبل نے تقریباًسوچا شاید اس نے غلط سنا ہے۔ اسے جواب دینے میں کافی وقت لگا۔ اس امتیازی سلوک کو یاد کرتے ہوئے جو بچپن سے برداشت کیا تھا، اس کی ننھی آنکھوں سے اچانک آنسوتیرنے لگے اور سوچنے لگا:

’’اے مالک! اتنے عظیم اور مہربان مالک! اس نظرِ عنایت کے بعد وہ معاہدے کے بغیربھی چلبل حکیم کو دھوکہ نہیں دے گا۔ جب تک میرے سامنے سو سیاہ کرسٹل سکے نہ ہوں! نہیں، دو سو ‘‘۔

علی روئی کے پاس شمائلہ کی طرح سوچ پرکھنے کی قابلیت نہیں تھی، اس لیے وہ امپ کے دل میں ہونے والی سودے بازی کو نہیں جانتا تھا۔ اس نے اپنے تازہ بھرتی کیے گئے خادم کے لیے مزید کھانا ڈالا۔ اس دل کو چھونے والی حرکت کے بعد اس نے اپنے آقا کو دھوکہ دینے کا سود دگنا کر کے چار سو کر دیا۔ سب سے نچلے طبقے سے امتیازی سلوک کی وجہ نے چلبل کی شمائلہ جیسے شاہی خاندان کے ساتھ ایک ہی میز پر کھانے کی ہمت نہیں کی تھی۔ یہ اس کی زندگی کا پہلا باعزت کھانا تھا۔

سب کچھ کھا جانے کے بعد شمائلہ نے اطمینان سے اپنے گول پیٹ کو چھوا اور علی روئی کو ستائشی نظروں سے دیکھا۔

’’علی روئی،!تم واقعی برے نہیں ہو۔ میں نے فیصلہ کر لیا ہے۔ اب سے تم خاص آدمی ہو‘‘۔

تجربہ گاہ میں یہ آواز گونجی اور وہ خاص آدمی سن کر حیران رہ گیا۔ خاص آدمی کا نوکر ابھی تک رشک کر رہا تھا۔ وہ دل ہی دل میں سوچ رہا تھا:

’’خوش قسمتی سے یہ پچھلی بار کی طرح کھلونا نہیں ہے۔ لیکن اگر شمائلہ نےاس بار مجھے کھلونا بنا لیا تو مجھے تو شہزادی کسی کام کا نہیں چھوڑے گی‘‘۔

’’یہ بہت بڑا اعزاز ہے‘‘۔

شمائلہ نے اپنی انگلیاں گنتے ہوئے کہا:

’’میرا خاص آدمی ہمیشہ میرے ساتھ رہے گا۔ ہر روز آپ کو مجھے کہانیاں سنانی پڑیں گی اور میرے لیے کھانا بنانا پڑے گا۔ اور اگر کسی دن مجھے تمہارے ہاتھ کا کھانا نہ ملا تو جو کرسٹل سکے تم کماؤ گے اس میں سے جرمانہ ادا کرنا پڑے گا‘‘۔

’’یہ تو غلامی سے بھی بدتر ہے؟ ‘‘۔

علی روئی کے دل میں خیال آیاتو اسے ٹھنڈا پسینہ آ گیا اور فیصلہ کن انداز میں اپنا سر ہلایا کر بولا:

’’میں ہمیشہ سے ایک شریف انسان رہا ہوں اور کبھی کسی کا احسان نہیں لیا۔ میں اتنا بڑا اعزاز لینے کے قابل نہیں ننھی شہزادی!‘‘۔

فلورا نے دیکھا کہ علی روئی نےہاٹ پاٹ میں ’’تریاق‘‘ کو مصالحے کے طور پر شامل کیا ہے۔ شمائلہ نے واقعی شک نہیں کیا اور اس نے مایا کے ساتھ بہت کچھ کھایا۔ فلورا کو آخر کار راحت ملی اور اس نے دل ہی دل میں اپنے انسانی دوست کو داد دی:

’’شمائلہ! وقت ضائع مت کریں، ہم پہلے ہی ہاٹ پاٹ کھا چکے ہیں۔ چلیں جلد واپس چلتے ہیں‘‘۔

’’مجھے ایسا کیوں لگتا ہے کہ تم دونوں آپس میں ملے ہوئے ہو‘‘۔

شمائلہ نے مشکوک نظروں سے فلورا کو دیکھا اورپھر علی روئی کی طرف کو گھورا۔

’’فلورا! شہر کے دروازے پر علی روئی سے دوستی کا دعویٰ کیا تھا تم نے‘‘۔

فلورا کا چہرہ قدرے گرم ہوا اس نے کھلے دل سے اعتراف کیا:

’’ہاں۔ اگرچہ میں اسے کافی عرصے سے نہیں جانتی ہوں لیکن میرے خیال میں علی روئی ایک دوست کے طور پرقابلِ ستائش ہےاور اس دیومالائی بزدل ایان سے کہیں زیادہ بہادر بھی‘‘۔

’’علی روئی کہانیاں سنا سکتاہے، مزے دار اور لذیذ کھانا بنا سکتا ہے‘‘۔

شمائلہ نے سوچا اور سر جھکا لیا، پھر اس نے سر ہلاکر کہا:

’’چونکہ وہ فلورا کا دوست ہے اس لیے اسے میرا دوست سمجھا جا سکتا ہے‘‘۔

علی روئی شمائلہ کے معیارِ دوستی لاجواب ہوگیا۔ شمائلہ اٹھی اورایک استادکی طرح علی روئی کے کندھے پر تھپکی دی:

’’آج کے بعد تمہیں کسی سےڈرنے کی ضرورت نہیں علی روئی! سوائے میرے‘‘۔

اسی لمحے حکیم الداس تجربہ گاہ کے داخلی دروازے سے نمودار ہوا۔

’’حکیم !‘‘۔

علی روئی آگے بڑھا۔

’’آئیں، یہ اچھی نئی چیزیں آزمائیں‘‘۔

سیاہ ایلف حکیم نے غیر معمولی طور پر سر ہلایا اور کچھ نہیں بولا۔ علی روئی نے پھر دیکھا کہ حکیم الداس کے سیاہ چہرے پر گہری اداسی اور سنجیدگی تھی۔

(نیرنگ آباد کے کسی رہائشی ہال میں)

ایان نے راکھ کے زرد چہرےکے ساتھ گانگا کی رپورٹ سنی اور پوچھا:

’’ کیا فلورا نے واقعی کہا تھا کہ وہ انسان اس کا دوست ہے؟‘‘۔

گانگا نے خوف اور گھبراہٹ میں جواب دیا:

’’ہاں جنرل! اسی لمحے بہت سے سپاہیوں نے بھی دیکھا کہ فلورا نے تمام لوگوں کے سامنے مجھ پر حملہ کیا۔ میں نے اپنی جان تقریباً کھو دی تھی‘‘۔

’’لعنتی انسان کی فلورا نے حمایت کیوں کی؟‘‘۔

ایان نے دانت پیس کر حسد بھرے لہجے میں کہا۔

’’ فلورا نےجج ہونےکےناطےاس کا احترام نہیں کیا حتیٰ کہ اس نے اس کی طرف براہ راست بھی نہیں دیکھا۔ اب اس نے درحقیقت اس انسان کودوست کہا جسے وہ کچھ عرصہ پہلے جانتی تک نہیں تھی اس کے لیے کھڑی ہو گئی۔ یہ ناقابل برداشت تھا۔

’’ٹھیک ہے گانگا!اب تم جا سکتے ہو‘‘۔

ہال میں ایک اور مدھم آواز آئی۔

’’جی، یوسف!‘‘۔

اس شخص کے لیے گانگا کی تعظیم اس کے اعلیٰ ترین ایان سے کم نہیں تھی۔ وہ پھر جھکااور چلا گیا۔

’’میرے دوست! مجھے سمجھ نہیں آتی کہ اس وحشی عورت کی کون سی بات تمہیں پاگل بنا دیتی ہے۔ اگر تم عورت چاہتے ہو تو آسانی سے میسر آ سکتی ہے۔ کیا میں تمہیں چند بہترین لونڈیوں میں سے کوئی بھیجوں؟ ‘‘۔

یوسف نے شراب گلاس میں ڈالی اوردھیرے سے کہا:

یوسف کی شکل انسانی تھی۔ اس کا خون جینیاتی تبدیل شدہ ہونا چاہئےتھا۔ وہ خوبصورت اور پرسکون لگ رہا تھا۔ وہ ایان کےپرتشدد اور جنگی مزاج سے بالکل مختلف تھا۔

’’نہیں‘‘۔

ایان نے جواب دیا:

’’کیا آپ کو شہزادی اقابلہ میں بھی دلچسپی نہیں ہے؟ بس اتنی سی بات ہے کہ شہزادی اقابلہ واقعی خوبصورت ہے لیکن وہ برف کے پہاڑکی طرح ٹھنڈی ہے اور بالکل بھی کسی کام کی نہیں ہے۔ مجھے یہ سمجھ نہیں آرہی کہ تمہیں اس میں کیا چیز نظر آئی ہے؟‘‘۔

’’بیوقوف! میری پسند تمہارے جیسی نہیں ہے‘‘۔

یوسف نے دل ہی دل میں طنز کیا، لیکن اس کا چہرہ اب بھی پرسکون اور جذبات سے عاری تھا۔

’’بالکل تمہاری طرح۔ بس ہر ایک کی الگ ترجیح ہوتی ہے۔ میں ابھی نیرنگ آباد سے واپس آیا ہوں۔ ابھی تک علی روئی نامی اس انسان کے بارے میں کچھ نہیں جانتا‘‘۔

’’وہ ایک بےکار آدمی ہے جو غیر معمولی طور پر خوش قسمت ہے‘‘۔

ایان نے دانت پیستے ہوئے کہا:

’’یہ انسان تقریباً دس دن پہلے دیومالائی دائرے میں آیاتھا اور اسے فوجیوں نے پکڑ لیا تھا۔ تفتیش کے دوران پتہ چلا کہ اس کا نام آرتھر ہے اور ایک بے بس رئیس تھا۔ اس وقت حکیم الداس اسے ایک تجرباتی مضمون کے طور پر لے گیا تھا لیکن چند ہی دنوں میں یہ معجزانہ طور پر حکیم الداس کا شاگردبن گیا اور اس کی شناخت کو شہزادی اقابلہ نے عوامی سطح پر تسلیم کرلیا۔ میں واقعی نہیں جانتا کہ اس آدمی میں کیا خاص بات ہے۔ یہاں تک کہ فلورا اورننھی شہزادی بھی تقریباً ہر روز اس کے پاس جاتی ہیں‘‘۔

یوسف نے کچھ دیر سوچا اور کہا:

’’اس طرح اس کا سب سے بڑا سہارا سیاہ ایلف حکیم کی نظر میں اس کی ستائش ہے۔ میں ننھی شہزادی کو اچھی طرح جانتا ہوں۔ وہ صرف متجسس ہے۔ شہزادی اقابلہ بھی حکیم الداس کے قریب آنے کے لیے ایسا کر رہی ہوں گی۔ تاہم اب حکیم الداس بھی بے بس ہے۔ وہ جلد ہی نیرنگ آباد چھوڑ دے گا۔ اس وقت تک یہ انسان اپنی قدر کھو چکا ہو گا۔ یہاں تک کہ اگرتم اسے ٹکڑے ٹکڑےبھی کرنا چاہوگے توبھی شہزادی اقابلہ تمہیں نہیں روکے گی‘‘۔

’’اس کے ساتھ دارالحکومت کا کوئی آدمی شامل ہے، حکیم الداس یقینی طور پر ہار جائے گا‘‘۔

ایان کا غصہ ذرا ٹھنڈا ہوا۔ اس نے سر ہلایا اور یوسف کی طرف جام لہراتے ہوئے کہا:

’’تم ٹھیک کہتے ہو۔ آؤ، جام پیتے ہیں!‘‘۔